Tui Mentri LĐ-TB saong XH, dom bhum palei kuhria iek tui hu hadom baoh sang taik tahak sang kathaot, jaik kathaot di bhum palei, peih ngak siam phun jien patak pataom 5% meng kadung jien karja thun ini. Ngan haong baoh sang kathaot, jaik kathaot mbang tui sarak karja, lac urang oh hu prein ngak bruk, oh duah hu jien tame, karja palei brei daong jien glong jang jien kuhria ngak meng jien rik daong di rahra.

Dalam bruk quy hoach bhum taneran kraong Cuu Long vaktu 2021-2030, pamong tal thun 2050, Rajaei ba tabiak bruk kham ngak patagok gah jalan mbak tui rilo bruk pambuak  bhum saong dunya. Mbiah tal thun 2030, buh jien tame ngak birau  saong ngak brei pasiam labaih 830 km jalan mbak peih drah samar, labaih 4.000km jalan roya, 4 mblang kapal haok, 13 tapen tasik, 11 labik pajeng ba tuai damuai saong 13 labik pajeng pandap panda tui jalan kraong ribaong dalam negar. Rilo urang ilamo mboh lac tuk hu jalan mbak ye, dom sangka pachreih  da-a dom  urang buh jien tame lagaih ralo yau: kong nghiep, logistics, nang luong saong kinh te so.

Dalam tỉnh Trà Vinh urak ini hu 57 inem krung hu brei angan. Tỉnh hu padang  yaok rituh kapol alat ragam, alat ragam ngũ âm, kapol hagal Chhay dam, kapol tamia ragam Chằn - Khỉ, 8 kapol ghe Ngo. Tỉnh Trà Vinh daok khik hu siam Gilang Ilamo bangsa Khmer,…pabak ka bruk caong khin hu pang hu iek ilamo di bol bhap bangsa. Dom bruk ngak ilamo meng kan di dom bangsa takik di Trà Vinh hu bhian peih ngak brei bui sambai,  pachreih chrai dalam bhap bini, rik tame khik ramik saong patagok ilamo siam gheih di bol bhap dom bangsa.

Tỉnh Kiên Giang hu jaik 13% bhap bini lac bol bhap Khmer. Urak ini, daok brei pakhang bruk pato pasram, pabak ilamo pato ka gru pato sap Khmer. Pachreih bruk palih tame dom gru bangsa takik, thau ndem meyai sap Khmer cambaic laic saong thau ka ilamo bangsa, piah paglong bruk pato pakai. Tui nan, iek praong  bruk peih dom tal bac sap Khmer saong  ilamo bangsa ka anek saih, daong ka dom adei hu khang hatai  jang dalam bruk pandar sap bangsa, thau rilo jang ka ilamo di drei.

TPHCM birau hu sa uranaih umo 12 bilan metai kayua ruak sởi. Urang metai nan oh ka hu klauk jru caga ruak sởi kayua lavang lavaih  saong phổi oh siam meng tuk ndik tapui. Meng akaok thun tal ini, TPHCM hu 2.438 mbang ruak sởi, 4 urang metai. Piah pacang caga jit sởi, TPHCM brei ngak veik bruk klauk jru vaccine caga jit ruak sởi ka uranaih umo ala 9 bilan; patui veik pasang iek  bruk klauk jru caga jit ruak sởi ka uranaih umo meng 1 tal 10 thun di Ban raya.

Thái Lan brei mboh harak buh tabiak 1,12 tỷ USD piah daong ka jaik 4,7 trieu baoh sang urang ngak nong dalam negar. Dahlau di nan, taneh ia ini hu daong urang ngak nong blei khak drak. Lac taneh ia pablei brah tabiak negar langiu ralo abih di dunya, min urang ngak nong Thái Lan dalam nyaom urang kathaot dalam xa hoi. Piah daong patrun kathaot, klak rabha naong trak jien buh tame ngak, Rajaei bhian hu dom sarak daong urang ngak nong. Langiu di nan, Thái Lan jeng daong hu rilo sarak ngak brei salih pajaih, patagok dom jalan pala drak tui ilamo birau piah trun jien buh tame ngak.

Pambuak bruk pablei salih di Australia haong Trung Quốc patui veik bruk salih birau tuk Trung Quốc birau atah klak paga pacang puac abih ngan haong rilo limo blei meng Australia, tuk brei adat blei tame veik rilo limo meng dom labik ngak pandap meng rilo limo di taneh ia ini. Rilo limo lac sa dalam dom janih pamdap hu lagaih ralo di Australia ngan haong jien mek tame meng bruk pablei tabiak ka negar Trung Quốc meda tal 2,2 tỷ AUD. Thun 2020, dua negar  kandah  tuk Trung Quốc pakauk blei rilo limo  meng dom labik ngak tabiak pandap  di Australia kayua khaw tin oh njauk ka rilo njom jru mek.

Mỹ mek veik ia tasau tamo di Kong ty Raw Farm hadei tuk jabat y te  brei mboh virus kum manuk ada  dalam mau ia tasau di doanh nghiep ini. Dahlau nan, Mentri Y te Công cộng California kakei urang blei oh menyum dua lo pandap Raw Farm  njauk chap mek hadei tuk virus kum manek ada. Meng kok thun mbiah tal ini, Mỹ hu abih tih 55 mbang njom manuk ada di manuac./.