375 trieu dong lac jien thuong Tet thun nasak Ula Anaih 2025 glong abih di sa doanh nghiep hu phun jien ngak mbang meng negar langiu ( FDI) di khu kong nghiep di Binh Duong. Ini lac jien thuong glong abih dalam thun ini, brei mboh bruk cak rok patagok  tani tanat di dom doanh nghiep di tỉnh ini. Tui So LĐ, TB saong XH tỉnh Binh Duong kuhria rah tapa, urang ngak taduan hu jien thuong Tet Nguyen dan  labaih 8 trieu 7 rituh 7 pluh ribau dong sa urang, dalam nan biar abih lac 4,96 trieu dong sa urang.

Srap gap duh ka darak pasar Tet Nguyen dan nesak Ula Anaih 2025, dom po bein pala bingu di ban Sa Đéc, tinh Dong Thap hu trun pajaih labaih 100 hecta taneh pala bingu. Thun ini, urang pala bingu gaok rilo kan kandah kayua phun pajaih, khak pong, kam bau, bai guak pacang khik phun, pandap kaya ngak nong…hu yaom tagok glaong ngak kan kandah tal jien padai buh tabiak ka mbang pala bingu Tet. Kayua nan, urang pala bingu caong takre meng ini tal Tet, langik hu kein lagaih piah bingu cakrok siam saong darak pasar tani tanat.

Tapa labaih 4 thun padang ngak tal ini, bruk ngak di kapol urang ngak nong jien ty tỉnh Ben Tre dak harei dak patagok, rik tame jhul khang bruk jak ba pakacah gauk ngak mbang palei salih  naih joi di bhum palei pala li-u tagok. Mbiah tal ini, tỉnh Ben Tre padang hu 10 kapol urang ngak nong jien ty hu 435 urang mai meng dom huyen, ban. Njauk ndem tal, thun ini sa-ai Nguyễn Minh Nhủ lac urang dalam kapol urang ngak nong jien ty tinh hu Kapol urang ngak nong negar Viet Nam  palih ruah pok meyaom  urang ngak nong Viet Nam  naih joi jien mek tame labaih 20 tỷ đồng sa thun meng bruk raong hadang kong nghe glong.

Tui So Ilamo, Padhih saong Yulit tinh Binh Thuan, khan ao bhap bini bangsa takik daok dang di anak bruk mbuan kurang, mbuan lahik dom yaom glaong ilamo bangsa. Kayua nan, bruk khik ramik, patagok khan ao bhap bini bangsa takik pagam haong rilo bruk patagok gah yulit dalam tukvak ini lac biak hu makna. So Ilamo, Padhih saong yulit tinh Binh Thuan brei ba tabiak adat ka dom urang jakar, cong chuc, vien chuc lac urang bangsa takik hu angui cuk khan ao bhap bini bangsa drei tuk nao ngak.

Harei kabroi, Nyaom Van hoc nghe thuat bangsa Cam, di Kapol Van hoc nghe thuat dom bangsa takik Ban raya HCM peih Nyaom roya thun 2024-2029. Vaktu tapa, Nyaom akayat Van hoc nghe thuat bangsa Cam hu rilo danak dak, kadha cih vak  di dom gah roh duah, paneh tabiak, duah pataom kadha Van hoc nghe thuat bangsa Cam. Yau ye dom danak dak: Parang iek ilamo  bhap bini Cam, Ragam tamia Cam,  Ilamo Rabana bangsa Cam, Tapuk bac saong pato akhar huroh Cam, Inelang  Cam – Viet…Rilo kadha taduan hu yai thuong glong di Ban raya HCM. Nyaom roya hu ja ba  urang cihvak kadha pahadar 50 thun harei Peih paha gah Meraong negar, yasa taneh ia. Ong Châu Ly, Uy vien BCH Nyaom Van hoc nghe thuat bangsa Cam cong khin lac:

Gilang pariak Trung uong Han Quoc, pagun sanya brei khik ka darak pasar hu tani tanat hadei tuk Tong thong Yoon Suk Yeol gaok kaoh duas kayua ba tabiak thiet quan luat dalam tukvak katut dalam melam 3/12. Tui kuhria di Jabat Pasang iek jien padai Han Quoc, darak pasar negar ini brei tani tanat kayua dom bruk rah tabiak dalam gah chinh tri urak ini tok lac bruk cuang kandah di  anak meta. Min, hu dom panuac ndom mboh duh hatai ka jien Won meda trun yaom, ngak kan kandah tal prein pasiam veik di darak pasar chung khoan.

Gah Hiep uoc Bac Dai Tay Duong (NATO) hu iew dom taneh ia  di NATO patagok jien piah ngak bruk quoc phong labaih 2% urak ini piah pakhang  bruk bol lin saong palaik njiak bruk methruh gauk catang, dalam tukvak anak tal. Panuac nan hu ba tabiak dalam tuk dom urang di NATO daok ginum biai ka bruk patagok jien buh tame gah bol lin piah ngak tui caong khin di Tong thong birau hu palih ruah lac ong Donald Trump.

Kapul Y te Dunya (WHO), brei mboh ruak la-an meda lac makna ngak jeng ruak karei di Công, ngak ka 31 urang metai, rilo meng lac uranaih umo mala 5 thun. Dalam 12 urang hu pasang iek ruak, hu tal 10 urang njauk ruak la-an. WHO ndom lac, ruak la-an meda lac makna pasak atau lac sa janih ruak pambuak haong ruak karei ngak metai, pambuak haong dom ruak yau barah phoi, kum, COVID-19, soi saong bruk lavang lavaih.