Tui danak dak Nyaom roya lambaok vakil dalam negar mbang ka XIV di Ndang, page ini (23/1), Mban Chap hanh Trung uong Ndang XIV peih nyaom biai mbang ka sa; biar harei Nyaom roya biai mbang tamat. Dahlau nan dalam biar harei 22/1, Nyaom roya hu brei thau bruk ngak hu tapa harak angan dom rajakar njauk palih ruah tame Mban Chap hanh Trung uong Ndang mbang ka XIV dalam nan hu 200 rajakar, dalam nan hu 180 rajakar Uy vien saong hu 20 Uy vien caga. Ong Đỗ Tiến Sĩ, Tong Yam ndok Rayo Sap ndom Viet Nam njauk palih ruah veik tame Uy vien Mban Chap hanh Trung uong Ndang.

Balai Bien phong Long Hòa (Bol lin Bien phong TPHCM) pambuak haong Hiep hoi Doanh nghiep TPHCM peih ngak Danak dak “ Gheih jak ba” di xã An Thới Đông. Mbang ini, mban peih bruk hu jao danak dak “Ia harei tanyiak bhum taphia negar” hu pagam gom ia harei rah tapen jalan tame tal palei ngak sara di puk Lý Nhơn hu yaom 100 trieu dong; alin dua baoh sang “Jum pataom”; alin thaok binguk Chu tich HCM saong 30 paok pandap Tet,  yaok paok yaom 600 ribau dong ka dom baoh sang kan kandah.

Tinh Dak Lak hu jak ba labaih 204 ribau mbang urang jakar, bol lin saong hu jaik 6.000 mbang radaih cơ động “Danak dak Quang Trung”. Tal ini, danak dak hu salah blaoh bruk padang 331 sang danaok ka dom baoh sang jaleih taong abih; pasiam blaoh 90 sang daok khut tayah trak; pasiam jaik 63 ribau met jalan mbak, kraong ribaong dalam mblang hamu, dil samu pasiam ngak padai bilan Dong Xuan.

UBND tinh Cà Mau hu jalan peih ngak danak dak daong bruk ngak mbang ka dom baoh sang  sarak karja, baoh sang kan kandah saong urang bangsa takik. Tui nan, tỉnh kuhria brei ngak dahlau dom baoh sang hu mbang tui sarak tame danak dak ngak mbang pala drak di 3 danak dak pakat negar. Njauk caik hatai lac, danak dak peih ngak dom danak dak pala drak ka jaik 2.600 baoh sang, peih tal pato bruk ngak ka 769 baoh sang pagam bruk palih ruak dalam saong tabiak negar langiu ngak bruk.

Tui kuhria di Balai Dut iek langik kraong ribaong tinh Dong Thap, njom ia mbak meda tagok dalam bingun Tet Nguyen dan. Meng harei 13 tal 18.2.2026, di angaok kraong Tiền, tanut ia mbak 4 gam sa lit njom tame dalam mblang hamu labaih 25 – 30 km, hadei nan patrun rah rah, mbuan ngak kan kandah tal raidiuk daok dang mbang ngui di rahra di dom labik tapen kraong, bhum puac halau ia. Kayua nan B Bhap bini tinh Dong Thap pandar dom bhum palei brei patagok bruk pasang iek tantu ka langik, kraong ribaong, halau ia, njom ia mbak; srap gap pacang caga njauk lagaih haong bruk daok rah tabiak.

Kuhria tal puac bilan 12 thun 2025, dom bala brei sạc điện radaih di Trung Quốc hu tal 20 trieu, hu jeng balai sạc radaih dien praong abih di dunya, meda daong ka labaih 40 trieu sruh radaih hu sạc dien. Sạc tame dien hu rilo jang. Prein sạc yaok mbaik pagam dien di balai cong cong hu 46,5 kilowatt, prein sạc tagok tal 33% dut saong thun dahlau. 

Rajaei Pakistan mbaoh tangin danak dak daong alin brei radaih ndien dalam negar hu yaom labaih 357 USD. Danak dak daong alin brei radaih ndien hu caong takre oh lac tok daong Pakistan dak harei dak patrun bruk pambak tame xang menyek blei meng negar langiu mai, blaoh daok brei kein lagaih ka gah ngak kong radaih ndien dalam negar.

Dữ liệu meng Cục Khik iek Lien bang My brei mboh drap ar di dom baoh sang hu jien mek tame takik saong gap mbiah dak harei dak kadun trun dalam tuk nan dom urang kaya meda  di Mỹ dak harei dak atah dut saong urang daok veik. Bruk oh sumu gauk nan dak harei dak mboh cambaic laic dalam tuk drap ar di dom urang kaya tagok glong. Sa dalam dom bruk praong kathaot saong meda atah di gauk lac bruk patagok khang di chung khoan, abih di nyu meng bruk buh jien tame ngak meng tri tue nhan tao./.