Thu tuong Phạm Minh Chính birau hu Sarak Chỉ thị ka bruk pakhang dom jalan khik brei taduan raok Tet Nguyen ndan thun nasak Ula Naih thun 2025 bui sambai, haniem siam, salamat, patak pataom. Dalam nan Thu tuong caong khin dom gah, karja palei juai caik bhap bini suai mai palei mbang Tet kayua oh hu radaih; hu kuhria caga dom pandap pandar yaok harei, juai caik kurang pandap, klaik klaoh ngak patagok yaom; pabak ginup xang menyek tuk puac thun saong Tet Nguyen dan; langyah catang dom bruk ngak suan; kuhria sangka sumu ka dom urang dalam sarak karja, urang hu raidiuk kan kandah. 

Page harei ini, Nyaom roya dom bangsa takik tinh Binh Thuan mbang ka 4 hu peih pakak hu mbaok di 250 urang lambaok ka 34 bangsa takik. Kuhria meng thun 2019 tal ini, rilo danak dak piah ngak brei patagok kinh te - xa hoi bhum mikva bangsa takik hu buh jien tame ka Binh Thuan kuhria abih tih yaom jien labaih 600 ty dong. Dom sarak daong raidiuk mbang ngui, patagok bruk ngak mbang, patruh eik trun kathaot, daong paglaong raidiuk daok dang, jalan sahaneng ka mikva patui veik hu sangka piah ngak. Hu yau nan dom baoh sang kathaot bhum mikva bangsa takik trun daok labaih 7,7%... Mikva dom bangsa takik hu hatai jum pataom, daong gauk, ba gauk patagok; patagok kinh te, xa hoi, padang Ndang, karja di bhum palei.

Anek bruk rah tabiak srau kadau di jit ruak tamuh baoh sởi, tỉnh Đồng Nai daok peih bruk pabak veik klauk jru vaccine sởi- rubella ka uranaih umo meng 1 -10 thun oh ka hu klauk ginup jru vaccine saong urang ngak y te mbuan njom ruak. Dom harei jiak ini, kuhria rah tapa yaok harei  sang iek ruak  taduan hu labaih 200 mbang urang ruak sởi. Dom urang ruak  brei tame sang iek ruak kayua barah phoi, brei tui iek taong ruak. Daok dom urang ruak  hanjol brei jru ruak di sang, pandar jru tui tacei pato di bac si.

Labik pala rilo quyt bhong Lai Vung, tinh Dong Thap hu labaih 220ha taneh, min kayua langik oh lagaih nan ye 30% taneh pala quyt oh hu baoh, ngak ka bilan baoh quyt bhong pablei Tet thun ini trun rilo. Ong Huỳnh Văn Tồn - phaok Akaok Jabat Ngak nong saong Patagok palei pala huyen Lai Vung, brei thau, langik sraw kadau nan gah ngak nong daok pachreih urang pala quyt bhong tui jalan karo salamat. Dalam huyen Lai Vung hu labaih 220ha quyyt bhong brei baoh, pandar tui bruk pala drak huu co tui danak dak khik ramik bein quyt bhong brei baoh quyt bhong dak harei dak siam saong gheih jang.

Ar pacang kraong Cổ Chiên, xã An Bình, huyện Long Hồ tỉnh Vĩnh Long glut jaleih  atah 100met, ngak kan kandah tal 50 baoh sang bhap bini saong 55 hecta bein phun mbang baoh. Hadei glut jaleih, UBND xã jak ba bhap bini ba drap ar  nao labik karei piah hu salamat; nao daok sang gauk gar piah plaik bala.

Bruk hu ngak di tong thong Han Quoc Han Duck-soo saong Thu tuong Japon Shigeru Ishiba bahrau hu mbang ndom biai. Di mbang ndom biai ye dua gah njauk hatai ka bruk pambuak gauk ngak tui saong patagok tani tanat bruk pambuak gauk di dua gah, biai bruk ka tathak piah srap gap ka Harei pahadar 60 thun pasiam veik bruk pambuak gauk dalam thun 2025.  Han Quoc ndom lac bruk dui ba taneh ia Han Quoc brei hu ngak cati catang tui Hien phap saong hukum di taneh ia ini, gam haong nan pagun sanya ngak dom sarak pambuak haong negar langiu saong an ninh bo oh suai.

Kayua pandap mbang caga piah di taneh ia hu ginup yau nan ye rajaei Indonesia kham brei blei tame 4 janih brah, tangei, sahaneng saong sara di thun anak. Indonesia kham oh blei saradang gah langiu tame kayua daok khik piah labaih 1 trieu 4 rituh ribau tấn, saong kuhria pandar labaih 2 trieu 6 rituh ribau tấn. Rajaei kham merat ngak tabiak saradang dalam taneh ia lac 2,6 trieu tan. Langiu di nan, meda oh daok blei sara, saradang, brah atau tangei ka athur raong di thun 2025.

California, bang rilo rahra abih di Mỹ, hu brei mboh bruk samar chip kayua ruak kum H5N1. Bruk samar chip hu bei mboh hadei tuk virus kum menuk ada hu duah mboh di limo binai mek ia tasau di dom labik raong pak gah Meraong negar. Min, di bang ini urak ini oh ka hu urang halei njom ruak kum menuk ada. Pasak Pasang iek saong Pacang caga Mỹ brei thau 1 urang ruak kum menuk ada biak trak hu duah mboh di bang Louisiana. (VOV)