Tong Lien ndoan Ngak bruk Viet Nam hu ba tabiak jalan ngak sangka ka urang ndoan vien, urang ngak bruk bingun Tet Nguyen dan Asaih Waw 2026. Tui nan, Cong ndoan Viet Nam brei jak ba rilo abih prein daong piah ka dom ndoan vien, urang ngak bruk thei thei jeng hu tet bui sambai, salamat, siam mekre. Dalam nan yaok paok pandap alin tet kuhria 1,3 trieu dong (dalam nan hu 1 trieu dong jien mbaok saong 300.000 dong jien ndap nda). Kuhria Tet 2026, brei jak ba labaih 6.000 ty dong piah sangka, daong ndoan vien saong urang ngak bruk dalam negar.

Mbiah tal ini, dalam negar hu labaih 68% baoh sang bhap bini hu pandar ia hacih, dalam nan hu 60% baoh sang pandar ia hacih meng dom danak dak ba ia pataom sa labik, daok 8% baoh sang bhap bini hu pabak ia meng baoh sang. Tui ong Lương Văn Anh, Pho akok Cục Khik iek  saong Padang ngak  danak dak ribaong kraong, Mentri Ngak nong saong alam moi truong, bruk ngak pakat negar ka ia hacih saong palei pala tal thun 2030,pamong tal thun 2045; kham merat 80% bhap bini palei pala hu pandar ia hacih.

Hadei pagam ban Can Tho hu brei ka 3.200 urang padeih bruk piah mbang tui sarak tui adat hukum. Tal ini ban medin hu buh tabiak labaih 3.100 ty dong ka urang kong chuc, bien chuc padeih bruk mbang tui sarak. Ban Can Tho hu jao So Noi vu pambuak haong dom jabat, bhum palei ngak bruk rabha bruk ka urang jakar, ramik caga brei bruk ka urang jakar di UB Bhap bini pakat xa samu gauk, samu tukvak, njauk adat hukum. Taong abih urang jakar, kong chuc pakat xa di ban Can Tho urak ini hu jaik 4.400 urang.

Dalam 9 bilan tapa, kuhria taong abih ndap nda di Ban Can Tho kuhria tagok jaik 7,4%.  Bruk ngak kinh te 9 bilan thun ini sumu labaih 224.600 ti dong. Urak ini Ban Can Tho daok jhul pasamar  tukvak ngak dom danak dak hu makna praong ka hatang ilamo saong kong nghe. Tukvak anak tal, Ban raya lang talaih  kan kandah, jhul pakhang bruk cakrok patagok. Gam haong nan, pataom tame jhul pakhang bruk peih brei phun jien di karja, pasang iek veik, ramik pasiam phun jien. Tui nan, langyah dom bruk ka jalan mbak, moi truong, y te, pato megru.

Harei pahadar 157 thun Anh hung bangsa Nguyễn Trung Trực halan tian klak rup drei (1868 - 2025) daok rah tabiak di phuong Rạch Giá, tinh An Giang. Gah padang hu taduan labaih 154 tan brah, jaik 7 tan saradang, labaih 8 tan ritak mbong saong rilo ndap nda kaya karei yau ye ia tuong, njam patam baoh karaoh… piah ngak kaya duh ka taong abih urang mai rivang pahadar. Rahra mai tal adat oh lac piah brei mboh bruk pahadar ngan haong urang anh hung bangsa negar bo daok hu ba drei tame labik ilamo ndung bak hatai anit ranam urang menuac di gah Meraong negar.

Uy ban Ngak bruk pacang caga pachot pagat online Campuchia brei thau, dom urang njauk chap mek dalam mbang taong tame dom pasak pachot pagat online di taneh ia ini tagok 3.455 urang. Dom urang chap hu mai meng 20 taneh ia karei di gauk. Bruk chap mek praong nan lac bruk ngak oh ka bhian mboh di Campuchia piah pacang caga kol duis pagat kong nghe glong, pamong tal bruk khik brei salamat, labik pataom rilo bhap bini saong tani tanat xa hoi.

Yaok thun, Japon hu jaik 30.000 raya praong sit. Dalam nan hu sa raya biak katut nan lac raya Enrei Onodachi di ban Okaya daok di tinh Nagano. Akaok di harei raya, dom urang hu mbaok brei pataom tame anak sa patau saong cang panuac di urang dang akaok raya piah paling. Hadei hu panuac, grauk urang ngak tui njauk adat Japon, caik tangin trun haluk saong kuk rup tabiak anak. Yaom lac tok dui atah labaih 15-20 giay min ini lac sa dalam dom bruk hu makna abih dalam thun hu khik ramik tapa rilo rairah menuac urang.

Thuy Si dang anak bruk taong tame ngak lahik mang biak trak tuk dom urang sahanak Akira pamong tame 200 doanh nghiep dalam negar, pandar jalan piah ndok jien di urang.  Akira- kapol tin jhak hu mboh di bilan 3 thun 2023 – samar hu jeng bruk ngak haduh hatai trak abih angaok mang. Njauk ndem tal lac nyaom urang ini hu phan mem jhak ngak karei gam haong hatang kong nghe thongtin hu pagam di ralo taneh ia./.