Anak bruk hajan ia sua rah tabiak srau kadau di dom tinh Khanh Hoa, Gia Lai, Dak Lak, Thu tuong Phạm Minh Chính pandar pataom tame rilo abih dom kein lagaih piah daong menuac urang, sangka urang njauk rambuac, thau ka bruk daok rah tabiak, labik calah rabha piah daong rahra. Thu tuong pandar pasang iek, taong yaom veik bruk daok rah tabiak, padang kapul urang duah daong aval chip, jak ba abih dom gah rik daong, kapul urang nao tal labik khin hu daong. Kuhria tal malam harei 20/11, hu labaih 50 urang metai, lahik, kuhria khat lahik meng akaok meti lac labaih 3.000 ty dong.

Di tinh Dak Lak, urak ini gah raong kaya ikan khat lahik yaok ribau ti dong tuk hu tal 20 trieu drei hadang hum metai, palai pajua jaik abih hadang hùm. Mbiah tal page ini, ia ribuk sua di ralo labik tapen tathik, tinh Phu Yen ia hu trun. Bi thu  Tỉnh uỷ Đắk Lắk iew daong ia trun tal halei samar daong ka bhap bini tal nan. Dom gah, bol lin, kong an pambuak bruk kajap piah daong ka bhap bini hu lagaih; brei daong dahlau dua gah y te saong pato megru.

Balai kuhria Langik tatik kraong ribaong Meraong Negar brei thau tabnut ia glaong abih dalam harei di jaik abih dom balai di angaok kraong Sai Gon tagok tui ia ndik akaok bilan 10 tui saka ia bulan dalam 1-2 harei veik. Dom kraong Dong Nai, tanut ia sua jeng daok tagok. Meng mon 6-24 tuk patui veik tanut ia di balai Tà Lài di angaok kraong Dong Nai meda tagok tanut njauk kakei caga ka 2 meng 25-40 cm. Mbuan rah tabiak ia dauk di bhum dhaong biar tapen kraong saong glut jaleih ar kraong, ia craoh di angaok lraong Dong Nai daok dalam tinh Dong Nai. 

Urak ini, hadang the di tinh Dong Thap biak takik saong yaom biak glong. Hadang the praong 30 drei sa kilo hu yaom 200 ribau dong sa kilo; praong 25 drei sa kilo yaom 220 ribau dong sa kilo. Ngan haong yaom nan, yaok kilo hadang, urang raong laba labaih 80 ribau dong. Ini lac yaom glong abih dalam 5 thun tapa. Meng ini tal Tet thun birau, yaom hadang the daok tagok veik; dalam tuk nan jeng kurang. Tui kuhria hadei Tet thun birau meng tame bilan raong hadang tathik.

Bruk “Yaih khan, pambuak pablei salih ndap nda OCOP Ban raya Ho Chi Minh thun 2025”, brei rah tabiak meng 28 tal 30/11 di dalam phuong Vung Tau (Ban Vung Tau klak). Ini lac kein lagaih piah pok meyaom, yaih khan, pambuak pablei salih dom ndap nda OCOP saong ndap nda hu angan di bhum palei, peih praong darak pasar blei ndap nda dalam saong langiu negar. Dalam thun ini So Ngak nong saong patagok palei pala Ban raya Ho Chi Minh, hu jalan ba ndap nda OCOP di Ban raya Ho Chi Minh pablei tabiak negar langiu piah khik kajap parilo jien mek tame ka mikva. Kuhria tal bilan 9/2025, Ban raya Ho Chi Minh hu 1.006 ndap nda OCOP mek hu 3 patuk ba tagok.

Thu tuong Thai Lan brei thau khin yah klak Ha vien aval jang tukwak ba tabiak dahlau gah cagar veik kamalah oh taduan bruk ginum biai dalam nyaom biai Quoc hoi jaik tal. Thu tuong Thai Lan khan lac, ba tabiak panuac sanya yah klak Ha vien di harei  31/1/2026 tui panuac sanya haong dang Bhap bini. Yau nan min, meyah gah cagar veik oh cang tal tukvak ini, ong yah Ha vien samar jang tukwak ba tabiak, ba tal dom bruk ngak tui panuac sanya dahlau di nan.

Jabat karja Malaysia hu peih bruk pasang duah urang ngak bruk mai meng negar langiu tame mai suan hukum di bang Pahang saong mek kareik jaik 500 urang. Rilo meng lac dom urang njauk mek kareik lac dom urang di dom negar yau ye: Myanmar, Bangladesh và Indonesia. Meng akaok thun tal ini, jaik 84.000 urang ngak bruk negar langiu tame mai suan hukum di Malaysia njauk mek kareik saong taong bhat. 

Labaih 900 bhap bini Indonesia panduan ba nao tal labik daok hu salamat, hadei tuk ceik pui di pulao Java pruh sre trun. Caik apui Semeru di gah Đông Java pruh dahlau di nan sa harei, ngak jeng bau saong athak pandiak bar tabiak labaih 13 km, urang ngak praong brei kakei samar pakat glong abih. Urak ini oh hu khaw tin ka urang metai atau khat lahik kayua tayun megei taneh saong mbuan hu riyak song than. Indonesia bhum taneh di “ Jalan taneh apui Thái Bình Dương”, labik taom gaok nao mai dom gah yau nan ye hu rilo ceik pui diuk saong tayun megei taneh./.