Mentri Pato megru brei padang ngak 2 danak dak, sa danak dak ramik, peih ngak veik dom labik pato megru dai hoc, pato bruk ngak; dua danak dak brei panduan ba dom sang bac dai hoc, labik pato bruk ngak panduan ba nao palei. Tukvak anak tal Mentri pok tagok Thu tuong Rajaei  ba tabiak bruk kham merat saong peih ngak dalam thun 2026. Tui Mentri Pato mrgru, Danak dak anak tal pambak tame dom jalan tacei ba dalam Sarak di Dang, di Quoc hoi, Rajaei; Bruk cakrok patagok gah patao dai hoc, pato bruk ngak hu Thu tuong mbaoh harak; Quy hoach dom sang bac labik pato megru hu khan tapa…

Kapol Urang kumei Ban raya HCM birau peih bruk jak ba “Bilan daong ka urang kumei ngak bruk”. Thun ini, bruk praong lac “ Ban raya rilo sambo mau bingu”, hu 168 danak dak  hijao rik tame khik ramik alam moi truong. Tui nan hu jao brei 3.000 harak the BHYT, iek ruak ka 4.000 urang kumei saong uranaih, pasram bruk iek glang prein yawa; padang 40 kalup kapol urang kumei; peih ngak “ Var lisei jum pataom” hu 10.000 paok lisei…

Tukvak tapa, bruk salih taneh pala padai tapa pala la-u di tinh Vinh Long ba mai kien laba glong, daong rilo baoh sang di bhum palei pala mek hu jien tame ralo. Di xã Song Lộc hu labaih 1.624 hecta pala li-u. Mbiah tal ini, xã Song Lộc hu tỉnh daong brei 2 ma taka so bhum palei pablei tap negar Trung Quoc. Tui nan, bhum palei hu brei Harak chung nhan bhum palA li-u hacih sa-at ka 1.015 baoh sang tui kuhria hu taneh praong 840 ha, peih tabiak jalan ngak mbang tani tanat saong khang kajap jang.

Jalan huyen 54B tapen ar kraong Ba Rài, di puk 4, palei Hội Trí, xa Hiệp Đức, tỉnh Đồng Tháp rah tabiak bruk glut jaleih biak trak, atah jaik 40 met, mbang tame dalam taneh labaih 6 met. Dahlau di nan, jaik labik ini jeng glut jaleih labaih 100 met. Njauk ndem tal lac glut jaleih daok rah tabiak, ngak kandah tal raidiuk bhap bini. Tukvak tapa, bhum palei peih ngak rilo  danak daK pacang caga, pasiam bruk glut jaleih  min bruk nan daok rah tabiak di bilan hajan ia ribuk sua.

Adat ngak yang Nghinh Ong Can Gio daok rah tabiak di xã Can Gio, Ban raya HCM. Makna praong di Adat ngak Yang Nghinh Ong di tathik saong Taduan raok kapol urang tui ngak adat Nghinh mai Kalan Ong, brei mboh veik bruk ngak njauk tui adat saong ndung bak ilamo di urang nao tathik. Langiu di nan, adat daok rilo bruk ngak di bhap bini biak gheih yau Tet Trung Thu ka uranaih, labik parang iek thaok binguk, labik parang kaya mbang, labik pablei pandap OCOP…Bingun ini, UBND xã Can Gio  hu lin brei  harak meyaom 21 kapol nyaom, urang naih joi  dalam bruk raong kaya dalam ia, taong chap kaya ikan saong khik ramik, pasiam veik Kalan Ong.

Rajaei Thai Lan brei thau jaik mek jien rivang ma-in 300 Baht, sumu jaik 10 USD ngan haong tuai dunya. Jien nan brei pandar bayar jien daong iek ruak ka tuai damuai negar langiu mai sirah, gam khik caga siam, paglong dom danak daka labik sirah rivang. Thai Lan patui veik bruk peih ngak rilo sarak saong jalan ngak piah daong gah yulit cakrok patagok, taduan raok labaih 40 trieu tuai damuai negar langiu dalam tukvak anak tal, sumu tuk dahlau rah tabiak jit ruak COVID-19.

Nyaom darak pasar parang iek phao ndao “ Patagok Quoc phong - 2025” di Trieu Tien urang po negar Kim Jong-un mboh lac, dom bruk ngak jiak ini di My dalam bruk pakhang prein saong parilo drap ar kaya kan gah bol lin di Han Quoc gam haong labik jaik taphia ba tal bruk huac sraw kadau tal Trieu Tien jeng yau dom taneh ia jaik nan. Po negar Trieu Tien khan lac, Binh Nhuong brei ngak tui dom jalan bol lin  pabak piah caga dom bruk pachut atau gham taong tame.

Tui harak pathau khan di labaih 2.000 urang ilamo di harak The Lancet adit dahlau, urak ini hu labaih 30 trieu urang mbuan njom ruak ung thu, dalam nan hu meteh dom urang ruak meda ba tal metai meyah oh salih meng urak ini. Dom urang ruak ung thu di dunya tagok dua mbang dalam kuhria meng thun 1990 tal thun 2023, dalam tuk nan urang metai tagok tal 74%, oh lac bruk iek ruak hu salih birau. Meyah hu kuhria caga meng dahlau saong iek ruak tui ilamo birau, dom urang metai yaok thun meda tagok tal 18 trieu urang di thun 2050./.