Mentri Y te likau brei pasang iek prein yava yaok thun sa mbang ka urang praong thun, urang jaoh jo, baoh sang kathaot saong jaik kathaot meng thun 2026, Kuhria hu labaih 20 trieu urang saong kadung jien karja kuhria labaih 6.000 ti dong/thun, brei pasang iek ka rilo urang jang tui lac jalan pasang iek ruak. Taphia pasang iek prein yava yaok tukvak, ye meng thun 2027, urang daok dalam baoh sang jaik kathaot saong urang meng 75 thun ba tagok daok mbang tui jien daong padeih huu xa hoi hu tagok jien mbang tui BHYT meng 95% tagok 100%. Bruk kuhria jeng brei ngak iek dahlau dom paok BHYT pabak rilo jang tui hatai caong rahra.

Tinh Dong Nai padang ngak danak dak jalan tame dom pabah kraong pabak tathik vaktu ka 1 kuhria abih tih phun jien hu labaih 2.650 ti dong meng kadung jien karja. Jalan atah 8,8km tapen kraong Dong Nai, pambuak dom pabah tathik pabah kraong labik Nhon Trach, jaik Ban raya HCM. Danak dak hu makna praong dalam suai lavik, daong patagok do thi Nhơn Trạch, pambuak jalan mbak- pabah tathik, ngak dahlau di mblang kapal haok Long Thành vaktu ka 1 thun 2026. Ini lac bruk ngak dahlau piah hu jeng chuoi logistics, kong nghiep tapen kraong saong patagok do thi hijao, sami samar.

Labik Phun mbang baoh gah Meraong negar bahrau roh duah, ngak jak jeng pa-aok cuah Lộc Phát saong patagok bhum pandap tamo di bhum taneran kraong Cuu Long haong 34,5ha. Tui TS Võ Hữu Thoại, pa-aok cuah Lộc Phát hu ngak huu tinh meng pajaih pa-aok Vandyke (mai meng My) saong pajaih pa-aok cuah Hòa Lộc. janih pa-aok ini cakrok, patagok siam, mbuan tabiak bangu, kanduh kapal, meda mbuan tabiak baoh glaong jang pa-aok cuah Hòa Lộc, baoh tagok meng 2,7% tal 4,9% dut haong pajaih pa-aok cuah Hòa Lộc. Urak ini bhum pandap tamo pa-aok cuah Lộc Phát hu padang di Dong Thap, An Giang, Ban Can Tho ngan haong labaih 34,5ha.

4 thun tapa di tinh Dong Thap hu labaih 10.900 urang nao ngak bruk negar langiu tui harak pambuak bruk, ralo nao ngak bruk di negar: Nhật Bản, Hàn Quốc, Đài Loan...Hadei 3 thun abih tukvak ngak bruk, dom urang nan pataom hu 600 trieu dong tagok. Tui ong Nguyễn Văn Vũ Minh, Yam doc So Noi vu tinh Dong Thap, tukvak anak tal, njauk brei hu harak pambuak haong So Noi vu tinh ngan dom kapol nyaom pambuak bruk pabak urang ngak. Tui nan, karja pasang iek, duah thau bruk ngak, raidiuk urang ngak bruk.

Pasak pasang iek ruak hakik Ban raya Ho Chi Minh bahrau hu sa urang patuk di uranaih umo 3 bilan, hu klauk jru caga ruak. Patuk lac ruak njom mbak cap tinh kayua anek ruak ngak tabiak, meda njom mbak samar, bhian gaok di uranaih umo ala 5 thun. Ruak meda trak jang ngak barah phe quan, barah phoi, gaok mai metai. Balai Y te hu pachreih khik hacih rup drei, rao tangin meng jabon atau ia jru caga anek ruak, cuk kaya pabang mbaok tuk patuk, pandiak rup, taglak. Ba uranaih nao klauk jru hu ginup, njauk tukvak jeng lac pacang caga ruak hu makna abih.

Dalam tuk bruk ngak mbang hu rilo siam lagaih, jien bilan di urang ngak pak Nhat Ban hu salih birau. Dalam thun 2024, jien bilan kuhria rah tapa di urang ngak Nhat Ban hu labaih 4,7 trieu Yen, glong abih kuhria meng lavik. Yau nan min, jien mek tame  daok glong biar oh ka sumu gauk di urang likei atau kumei, jien bilan di urang likei  tagok tal jaik 5,9 trieu Yen, daok urang kumei tok 3,3 trieu Yen, lac bruk oh ka tani tanat di manuac sia Nhat Ban.

Rajaei Indonesia brei langyah lagaih ka bruk njauk ruak mek dalam dnaak dak var huak siam oh mek jien, ieu pandar oh “ngak chinh tri” meng bruk ini. Tong thong Prabowo Subianto brei ieu da-a Yam ndok Jabat Dinh duong pakat negar, piah ndom biai haong dom bruk njauk ruak mek kaya mbang. Jalan ngak di danak dak var huak oh mek jien lac daong uranaih kurang mbang kaya mbang siam. Min dalan dom adit tapa, dom uảng njauk ruak mek kaya mbang dalam danak dak var huak oh mek jien hu tagok.

Jaik 40 urang metai saong 58 urang karei njauk rambuac dalam sa bruk jauk kateik gauk di ralo urang daok gah meraong Nam Tamil Nadu negar An Do  melam 27/9 meng blaoh. Bruk pandik hatai rah tabiak  dalam var jak ba ngak bruk gah chinh tri di urang pan kaok ndang TVK (Tamilaga Vettri Kazhagam) saong urang ndien anh Vijay. Harak gal peih bruk jak ba di urang pan kaok ndang TVK lac 10.000 urang hu mbaok tame. Min biak mai, urang mai hu mbaok tal jaik 50.000 urang.