Mbang pakacah tamat THPT 2025 lac thun akaok mati peih pakacah tui danak dak pataow magru pho thong 2018. Mbang pakacah dalam dua harei 26 saong 27/6, hu peih ngak jieng 3 var pakacah, dalam nan 1 var pakacah janih bac Ngu Van, 1 var pakacah janih bac Toan saong 1 var pakacah kadha palih ruah tui hatai caong khin (hu 2 janih bac). Dom urang mai pakacah hu srap gap tui to hop janih pakacah eng ruah piah hu pabak ka aduk, labik pakacah. Tui Mentri Pato magru, mbang pakacah bac tamat blaoh trung hoc pho thong thun ni hu lagaih, patrun takik jien padai xa hoi min mbang pakacah pabak hu tani tanat.

UBMT Negar Viet Nam tinh Binh Thuan birau peih bruk taom mbaok hu labaih 100 urang halau janeng dom agama, bangsa, urang naih gheih dalam tỉnh tuk jaik tame thun birau Ula Naih 2025. Var taom mbaok, muk Bố Thị Xuân Linh, Akok UBMT Negar Viet Nam tinh Binh Thuan brei mboh, dom thun tapa, ngan haong bruk ngak di drei saong angan je di drei, dom urang halau janeng agama gam haong dom pakat, dom gah, Mat tran Negar kham merat hu mbaok tame ja ba bhap bini, dom urang agama ngak tui hu siam jalan tacei ba, sarak di Ndang, hukum di Karja. Dom urang agama, urang bangsa naih gheih  hu mbaok tame dom danak dak pakacah gauk anit ranam taneh ia di bhum palei…

Harei pataom Bingu bal pataih Sa Đéc thun 2025 hu peih ngak di Ban Sa Đéc, tinh Dong Thap. Harei pataom nan hu peih ngak yaok thun meng thun 2012 saong jieng angan je yaok sa guan tet mai, bal pataih mai. Hadah abih di harei raya lac labik srap gap bingu ngak makre nghe thuat haong ralo labik sit, labik praong hu bingu ngak makre, jalan bingu, bein bingu kong so saong dom labik mblang ma-in, Mblang bein saong kong vien ban Sa Đéc. Ni lac sa tukvak piah Dong Thap iek glaong bruk pala bingu ngak makre, dom makna ilimo meng kan di Sa Đéc hu rik prein tame bruk patagok gah yulit Dong Thap.

Thun ini, urang ngak nong tinh Hậu Giang tui kuhria caga pabak labaih 4.000 pandap mbeik thaik thaok meng baoh kayau, sarak akhar huroh  pablei tuk Tet Nguyen ndan Ula Naih, nan lac dom janih: tamekai ho lo, baoh lahong sarak akhar huroh Hiam siam, Kaya meda, baoh ndao tien, pa-ok, la-u, kruac bung ho lo hu sarak akhar Hiam, Kaya, Meda…Dom pandap nan hu ralo di huyen Châu Thành. Ralo urang ngak nong do huyen Châu Thành. Rilo urang ngak nong di huyen Châu Thành thau pala rilo janih pandap daong ka urang ngak nong duah hu jien tame tani tanat dalam tuk Tet.  

UB Bhap bini HCM barau mbaoh harak Bo Tu lenh Ban raya HCM ka bruk brei cuh phao bingu di malam uan raok thun barau. Tui kuhria, phao bingu hu cuh meng mong 0 tal mong 0 minit 15 malam 29.1.2025 yam tame thun barau Ula Naih di 15 labik. Taphia di bruk cuh bingu, Ban raya HCM daok peih ralo bruk ngak ilimo, nghe thuat uan raok thun barau Ula Naih 2025, meng mong 20 tuk malam 28.1.2025 (lac malam 29 Tet saka ia bilan) tal mong 0 minit 30 malam 29.1.2025 (hadah page harei 1 Tet saka ia bilan). Ngan haong ralo bruk ngak, Ban raya HCM khan lac khin ba mai sa bal pataih Ula Naih 2025 bui sambai, anit ranam saong ralo manak ka mikva saong tuai damuai.

Page ini, canh sat Hàn Quốc yam tapa dom paga pacang, piah tame tal labaik daok di Tong thong Yoon Suk Yeol, chap mek ong saong ba nao tangin sua  la bruk  tiet quan luat   harei 3/1/2024. Dahlau di nan, harei kabroi, sa đơn vị bol lin khik caga medil di tong thong brei ka canh sat  saong dom  urang jakar pacang  caga bruk tham nhung medil tong thong piah chap mkek ong Yoon Suk Yeol.

Tui kuhria pasang iek di Jabat Kapal ahaok saong Langik My (NASA), pandiak kuhria rah tapa di Baoh Taneh dalam thun 2024 daok di tanut glaong abih yaok meng dahlau diah mai tal ni. Labaih mateh thun 2024, pandiak kuhria rah tapa hu glaong labaih 1,5 ndo C dut haong pandiak bhian mboh saong ni lac mbang akaok mati pandiak kuhria rah tapa glaong jang tanut ni. Dom urang ilimo khan lac baoh taneh daok pandiak tagok di dom pluh thun jaik ni kayua lac thak narak daok pajum ralo di sang kareih camin.

Rajaei Australia brei kareik pambang 9 mblang tasik taneh ia ini hadei tuk mboh dom pandap thaik baoh gol vin praong yau baoh bi. Dom candaik hu sambo mai patih mbong saong katam, rah tui ar tasik, karja pal ini brei peih ngak dom jalan samar chip. Bhap bini hu kakei brei palaik atah dom ar tasik nerak nan tal tuk ramik hacih blaoh. Bruk kareik pacang ar takik veik mbiah tal tuk hu panuac khan birau di dom jabat karja./.