Ngak bruk haong dom labik ka tukvak ngak Mblang kapal ahaok par Long Thành, Phaok Thu tuong Thuong truc Rajaei Phạm Gia Túc caong khin dom gah dang ngak brei pasamar ngak bruk 24/7, gam haong nan ndom khang ka kadha: “Oh khik kajap salamat, oh khik kajap kein lagaih ye oh brei par”. Tui Mentri Padang, danak dak Mblang kapal ahaok par dunya Long Thành daok hu peih ngak samu 4 danak dak, gam haong majam ha tang jalan mbak pambuak meng jalan mbak, jalan pasei saong jalan pasei ban medin. Tal ini, taong abih danak dak mek hu labaih 80% bruk ngak.

Harei roya Sene Đôn ta thun 2026 di bhap bini Khmer, dom urang jakar ban Can Tho mai rivang Sang bac Pho thong Bangsa gam bac gam daok THCS saong THPT Thạnh Phú saong Paha Prek On Đơk di xa Nhu Gia. Lambaok Baha Prek On Đớk khan brei thau hatai dhar phol tal Ndang, Karja  daong ka bhap bini Khmer saong thau bruk kham merat pato bac sap Pali saong sap Khmer; rauk gaiy Ngo birau piah patui veik bruk khik ramik ilimo. Mbang rivang  harei Sene Đôn ta brei mboh bruk sangka di urang ngak praong dalam bhap bini Khmer.

Anak bruk langik Ban raya HCM hajan praong saong oh thau dahlau. So Pato megru Ban raya HCM brei thau, patui tame langik di yaok bhum palei saong tukvak bac megru, akaok sang bac hu bruk di drei ka srap gap peih ngak bruk bac megru ka njauk lagaih. Dahlau nan, So Pato Megru Ban raya HCM hu caong khin labik pato megru dalam bhum khik kajap salamat ka anek saih di jalan nao tal sang bac. Dalam nan, dom sang bac pambuak haong dom jabat chuc nang pasang iek dom jalan, labik anek saih bhian nao tal sang bac mbuan gaok dom bruk oh salamat.

Hajan praong dui atah dalam dom harei tapa, ngak ia dauk ralo labik dalam tinh Dong Thap. Kayua hajan praong, ia meng dom ribaong barat tuh tame kraong praong oh sumu, ba tal yaok ribau hecta bein phun thanh long, kruac bung, li-u, njam patam dauk dalam ia. Mikva brei pandar mac njuk pruh ia  meng ndien, mac nduac meng xang menyek piah njuk pruh ia tabiak. Urak ini, rilo janih njam patam, baoh kayau tagok yaom meng 2 -3 mbang dut saong  bilan dahlau, yau nan min  taneh bein phun brei paik takik baoh.

Hajan praong ngak ka rilo labik di tinh Lam Dong ia dauk dalam. Bhum dhaong biar di ala halau xa Bảo Lâm 2 brei panduan labaih 40 baoh sang rahra tal labik salamat. Dom labik nyaom biai di palei hu brei ramik caga ngak labik daok pandaok dalam tukvak cang ia tathuak ia trun. Di Da Lat hajan praong asar dui suai atah ngak ka rilo jalan njauk ia dauk, hu labik ia dauk 70-80cm. Hadei tuk hajan khaong, karja palei saong rahra ramik gluh baoh, ramik hareik harom, dak harei dak pasiam raidiuk.

Gah Kaya mbang Padai brah saong Ngak nong LHQ ( FAO) khan brei thau, yaom padai brah di dunya dalam bilan 9 tagok glong abih dalam jaik 4 thun tapa. Tui nan, yaom kaya mbang di FAO kuhria rah tapa 16 tanut ndiem dalam bilan 9 saong lac glong abih kuhria meng  thun 2022. Tui FAO, dom mbang klaik klaoh di Eo tathik Hormuz saong tathik Biển Đen, gam haong langik oh lagaih, daok ngak tagok yaom xang menyek, jien pajeng ba jeng yau dom kaya karei tagok yaom tui. 

Dua harei tapa, kapul chuc nang Campuchia hu peih dom mbang taong tame praong di tinh Poipet saong tinh Preah Sihanouk, ngak oh lagaih dua “labik juk kanjah” pachot pagat ilamo kong nghe glaong, cap mek taong abih labaih 600 urang medil ka suan hukum mai meng rilo negar. Rilo kaya njauk ilamo kong nghe glaong saong kaya ndap nda duh ka bruk chot pagat online hu njauk mbat taok kareik, cap mek di labik. Rilo dom mbang taong tame samar gam gam ini sa mbang tra brei mboh hatai kham merat di urang jakar Campuchia dalam bruk taong tayah dom “labik” pachot pagat online.

Karja Malaysia ba jaik 1.500 urang ngak kong Myanmar mai negar. Ini lac mbang akaok meti dalam bruk kuhria di Malaysia ba labaih 5.000 bhap bini Myanmar mai negar. Danak dak ba rahra mai palei peih ngak tui halan hatain, dalam nan hu dom urang gilac mai kayua ngak blaoh harak gal jien taong phat pambuak tal bruk bhap bini. Tui Cao ủy LHQ ka urang tị nạn, Malaysia urak ini hu jaik 216.000 urang ti nan saong urang likau ti nan mbaoh harak./.