Tui Sarak di Rajaei bahrau ba tabiak, meng 1/9 anak tal, yaok taneh, danak dak brei hu pabak sa ma ngak tantu angan piah duh ka bruk pasang iek, pambuak saong pandar du lieu di dalam negar. Ma ngak tantu angan labik lac talei lek taka hu 12 lek taka, yaok labik hu pabak sa ma, oh dreih di halei saong hu khik tani tanat suai atah. Bruk pabak ma mai meng du lieu meng dom co so du lieu negar, co so du lieu gah bruk ngak, khik kajap bruk patui veik ngak bruk saong samu gauk. Rahra meda hu pandar du lieu tantu ka bruk ngak cambaih laih angan labik saong khau tin di drei tapa ung dung VNeID.

Tong cuc Hải quan Trung Quoc birau mbaoh tangin hu 401 ma so bhum pala saong 166 ma so papaok baoh durian di Viet Nam brei pablei tabiak negar ini. Yau nan, mbiah tal ini, dalam negar hu 1.768 ma so bhum pala durian saong 286 ma taka so papaok daok ngak  bruk. Bruk mbaoh harak bhum pala ralo saong labik papaok ba mbuan lagaih ka dom bhum palei, doanh nghiep ngak tabiak pala drak, blei tame, papaok saong pablei tabiak negar langiu, abih di nyu  lac  durian Tay Nguyen yam tame tabung glong paik baoh.

Adit meng blaoh hu labaih 400.000 mbang rahra Ban raya HCM hu pasang iek prein yava saong padang harak gal prein yava ndien tu, paglaong taong abih dom urang hu pasang iek prein yava di Ban raya tagok jaik 2,6 trieu urang, mek hu jaik 20% rahra. Dalam nan hu 36 phuong, xa, kaoh pulao mek hu meng 30% rahra ba tagok dalam prein yava taong abih rahra. Tui PGS-TS-BS Tăng Chí Thượng, Yam ndok So Y te Ban raya HCM, tapa tui iek di nen tang Pasang iek prein yava bhap bini, urak ini daok 38 phuong, xa oh ka hu du lieu karei meng bruk taduan khau tin pasang iek prein yava dahlau nan di rahra.

Hadei tukvak suai lavik, urak ini yaom ikan raong lồng, bè dalam tinh Dong Thap tagok gilac. Urak ini, ikan dieu hong urang blei yaom meng 44.000 – 46.000 dong sa kilo, tagok jaik 10.000 đồng sa kilo dut bilan dahlau. Yau nan min, yaom ini, urang raong mek tal phun jien atau labiah hasit kayua jien kaya mbang, pah manuac ngak saong dom jien karei tagok glong. Meyah yaom ikan tagok glong, ye ngak kan kandah tal jien mek tame saong bruk ngak mbang di bhap bini.

Bingun raya Harei Negar 2-9, Ban raya HCM brei peih majam ngak bruk salam uan. Dalam nan bruk parang rah tabiak meng ini tal abih harei 5-9 di 3 labik: jalan Đồng Khởi; Bein bangu jalan Nguyễn Du, phuong Thủ Dầu Một; Sang bruk kat mang, ka 1 jalan Ba Cu, phuong Vung Tau. Peih 6 kapul nao rivang dom kubo dalam bhum; peih ngak adat cuh gilau, paling bangu Chu tich Ho Chi Minh saong Chu tich Tôn Đức Thắng. Taphia nan, danak dak parang iek adaoh tamia brei rah tabiak di malam harei 2-9 saong cuh phao bangu seni nghe thuat di 7 labik.

Tong thong Mỹ Donald Trump khan brei thau meda taom gaok Akok negar Triều Tiên Kim Jong Un di puac thun ini. Tong thong Trump sa mbang tra brei mboh bruk praong “pambuak siam” haong Bình Nhưỡng. Dahlau di nan, Tong thong Trump tacei ba brei ngak sit veik bruk pasram kalin Mỹ - Hàn, tapa nan brei mboh bruk pambuak ndem biai haong Bình Nhưỡng. Urak ini, Triều Tiên oh ka ndem hagait tal bruk taom gaok di ong  Kim Jong Un saong ong Donald Trump.

Apui mbang glai daok tagok khang di Indonesia tuk El Nino ngak ka langik thu pandial jang, ngak ka apui khuah mbuan mbang tabiak praong. Di dalam bilan 7, dom mbang apui khuah ciuk pambuak tal jaik 95.000 ha. Rilo meng lac dom mbang apui khuah glai di Indonesia hu pambuak tal danak dak di anek menuac. Gah dang bruk daok patagok bruk pacang cakak di dom labik hu mbuan rah tabiak glaong bruk apui khuah, dalam nan hu dom bruk ngak hajan nhan tao piah khik tani tanat tanut tathah saong patakik pambak tabiak.

Meng akaok bilan hè mbiah tal ini, Đức hu labaih 14.000 mbang urang metai kayua langik pandiak. Ini lac tanut glong abih hu mboh di taneh ia ini saong yam tapa labaih 8.900 mbang di thun 2018. Tui dom urang  ilimo y te, pandiak meda ngak ruak trak baoh hatai, jalan suan yawa saong ruak karei, ba tal dom urang metai glong jang, njauk caik hatai tal urang umo taha ./.