Patui veik danak dak Mbang nyaom biai oh bhian mbang ka sa, harei ini, dom lambaok vakil Quoc hoi nyaom biai di bilik nyaom ka jalan kuhria sarak pasiam salih Hukum Taneh riya thun 2024 saong Hukum Sang daok di thun 2023. Dahlau nan, tapa nyaom biai di kapul saong ndom meyai langiu mbang nyaom biai, rilo lambaok vakil sangka tal panuac ba tagok ka pasiam salih Hukum Taneh riya mbaoh tangin ka yaom taneh di co so du lieu saong jalan ngak ilamo khoa hoc, khik kajap hu tantu cambaih laih.

Dom atau talang liet si ginup piah dut iek ADN di TPHCM brei pajeng ba meng kapal ahaok CASA-295 meng mblang kapal ahaok Tân Sơn Nhất tabiak mblang kapal ahaok bol lin Gia Lâm ( Hà Nội), hadei di nan jao ka jabat chuyen mon di Vien Han lam Khoa hoc saong Kong nghe Viet Nam. Mbiah tal ini, TPHCM ngak salah taong abih bruk mek mau talang liet si oh ka thau angan di dom kubo liet si, piah duh ka bruk dut iek ADN.

Tui jalan da ramik co so pato megru pakat karja, tinh Ca Mau patrun lagaih 51% sang bac, meng 746 labik trun daok 359 labik. Piah bruk karja hu ngak siam lagaih di dalam thun bac bahrau, So Pato Megru saong Pato pakai Ca Mau pandar dom sang bac samar drah tani tanat bruk di drei, padang bruk gul pataom, samar chip pasang iek drap ar saong pasang iek jalan pato megru, khik kajap bruk bac megru di anek saih oh gaok kan kandah.

Mban tacei ba Bol lin Bien phong tinh Lam Dong birau peih bruk tabung glong pacang caga taong chap kaya ikan suan hukum, oh khan brei thau saong oh tui IUU dalam tinh. Piah paglong asar siam, pacang caga ngak suan hukum IUU, bol lin Bien phong tinh Lam Dong pasang iek, kuhria ginup dom mbang blei, pablei kapal gilai  taong chap ikan oh khan brei thau, oh tut angan gilai; kapal gilai  oh ginup kaya piah ngak bruk, gilai meng bhum palei karei mai… piah hu jalan khik iek, tui iek hu lagaih.

Jabat Canh sat hinh su – Kong an Ban raya HCM bahrau taong atayh jalan me-in mbia praong di dom website online, pandar rilo tai khoan piah peih ngak, pablei tai khoan ca cuoc ka rilo urang me-in, hu taong abih yaom kaom meyao meyit tapa dom tai khoan gilang pariak labaih 559 ty dong. Kong an Ban raya HCM kakei caga rahra oh hu mbaok tame ca cuoc, taong mbia di bruk halei, lac tapak atau di angaok mang; oh blei pah, nyim, blei pablei tai khoan gilang pariak.

Uy mban Palei negar Khik iek bruk Khat lahik di Campuchia  birau hu panuac tacei ba karja dom bhum palei brei kuhria caga dahlau jalan daong saong panduan ba bhap bini nao labik karei kayua ribuk ia sua. Kuhria tal harei 19/8, ia di kraong Mekong saong binek Tonle Sap daok tagok samar. Uy ban ini kakei bhap bini, abih di nyu nan lac dom urang nao mai angaok jalan tabak saong jalan ia, brei caga dahlau tuk langik pandiak hajan oh lagaih. 

Rajaei Australia hu pathau khan tapa Hukum Pachreih Sanya Khau tin. Tui nan, dom negar langiu khang ka kong nghe brei bayar tal 2,5% di jien mek tame ka yaih khan. Dalam sa pathau khan, Rajaei Australia brei thau, Hukum hu brei pandar saong kadha payua tal dom nen tang lac biak tantu cambaih laih: brei tui dom sanya pablei salih.

Rilo khaw tin brei thau lac urang metai kayua glut jaleih taneh di lubang ameh  kuac mek suan hukum Zamboye di negar cộng hòa Trung Phi harei 18/8 tagok tal labaih 100 urang. Ini lac mbang bala birau abih dalam dom mbang glut jaleih taneh di dom labik kuac mek kaya kan di taneh ia kaya meda ini. Yaom lac bruk urang kuac mek ameh di Trung Phi hu khik iek catang, min rilo urang kuac ameh saong urang blei ngak bruk oh hu harak bi-ar./.