Piah khik brei salamat jalan mbak dalam dom harei padeih bingun Harei negar 2/9 saong bilan tabung glong khik iek salamat jalan mbak ka anek saih nao bac, Thu tuong caong khin Mentri Kong an tacei ba dom don vi, karja bhum palei brei pasang iek, langyah catang dom bruk ngak suan angaok jalan mbak, iek praong  hukum karja, “ oh pakauk labik hlei, oh thei daok gah langiu”. Gam haong nan, pakhang  bruk pasang iek, langyah catang bruk ngak suan di anek saih angaok jalan mbak, jao brei radaih ndik, caik ka urang oh ka tal umo thun peih radaih angaok jalan. 

Patui danak dak Mbang nyaom oh bhian mbang ka Sa, Quoc hoi mbang XVI, Akok Mentri Kong an, Đại tướng Lương Tam Quang bac Harak danak dak Hukum Hinh su (pasiam veik). Sa dalam dom asar kadha hu makna praong di danak dak  lac ba tame 9 kadha duis birau…Njauk caik hatai lac, hukum ngak brei tame takik bruk ba tal tu hinh ngan haong 6 kadha: Ngak sraw kadau; Kol khung bo nga sraw cagar  karja bhap bini; Kateik greik urang umo sit jang 16 thun; Pablei salih matuy suan hukum;  Ngak cagar veik manuac sia saong Kol duis mesruh metak.

Meng harei 1/9 ini Bao hiem xa hoi Viet Nam brei salih du lieu, ngak bruk pandar ma so dinh danh urang, can cuoc cong dan salih ma so BHXH. Bruk salih pandar ma dinh danh urang, can cuoc bhap bini salih ka ma so BHXH hu peih ngak piah ba tame hasa yau dom he thong ngak bruk BHXH, tui nan pambuak, sumu haong Cơ sở dữ liệu pakat negar ka bhap bini. 

Ngak tui danak dak “ Pakhang bruk pato saong bac sap negar langiu vaktu 2025 -2035, pamong tal thun 2045’, tinh An Giang pataom tame paglong bruk pato bac saong bac akhar huroh di bhap bini Khmer, rik tame khik ramik, patagok sap ndem, akhar vak saong ilimo di bhap bini Khmer; gam pakhang bruk ndem biai nao mai bhap bini, pambuak kajap  Viet Nam - Campuchia. Bruk pato saong bac sap Khmer tui yaok thun meng thun 2026 -2030, khik brei oh ngak kan kandah tal danak dak pato pho thong.

Dalam 2 harei anak tal di TPHCM saong Nam Bo hu hajan hangin di rilo labik. Hajan saong hangin di page saong jalan pandiak, ralo di An Giang, Dong Thap, Tay Ninh saong Dong Nai. Dalam tuk hajan meda hu hangin khang, tanrak saong hangin khang, yau nan ye bhap bini takik nao mai labik duak ia dalam atau hu phun kayau, talaoh yaih khan saong danak dak khik brei salamat, ralo lac melam; di dom labik hu hajan praong, hangin khang.

Jabat karja Thai Lan chap khik 7 urang, dalam nan hu 3 urang jakar bhum palei, lac ngak ja ho so piah ngak harak ba-ar ka urang negar langiu. Tapa pasang iek brei mboh hu jaik 2.500 urang negar langiu, hu tut angan likau daok di dom sang di quan  Din Daeng meng thun 2024. Hu baoh sang sit lac labik daok di 140 urang. Dom urang pambuak bruk nan bayar jien ka urang jakar pak ini kot tame suan cơ sở dữ liệu rahra, piah daong urang negar langiu taduan pakat “ thẻ hồng”. 

Mentri Noi vu Australia brei padeih taduan harak likau thi thuc ngak bruk gam padeih padei di bhap bini mai meg 24 taneh ia, piah pasang iek bruk urang tame negar saong padang ngak veik danak dak di tru tui jalan khang kajap. Sarak ini brei pandar ka dom negar praong yau Indonesia, Argentina, Tây Ban Nha, Singapore, Malaysia saong Thái Lan.

Pandiak dui atah saong apui khuah catang ngak khut khat ralo di chau Au, meng halau ia, ngak nong ta bruk pajeng ba, nang luong saong yulit. Pandiak tua riya ba tal sa dalam dom bhum hijao di Bỉ gaok pandiak catang thu lagu. Gah Pur Brak negar Prang, tame yuak paik kaya nong aval samar jang ralo meng akaok bilan 8. Bruk kurang ia rah tabiak di Anh hadei bilan 7 thu lagu abih dalam sajarah dakrai./.