Bac harak pathau khan Pataom panuac, bruk caong khin di cử tri saong Bhap bini payua tal mbang nyaom ka 6, Quoc hoi mbang 15, Bi thu T.Ư Đảng, Akok UBTƯ MTTQ Việt Nam  Đỗ Văn Chiến brei thau taduan hu labaih 1 ribau mbang brei panuac, caong khin di cử tri saong Bhap bini dalam negar. Cử tri saong Bhap bini chreih chrai tuk hu brei panuac  tame ka du thao Hukum Taneh riya ( ramik pasiam veik); taong yaom glong Quoc hoi hu tui iek bruk peih ngak 3 Danak dak pakat negar, pasang iek  bruk salih birau danak dak, tapuk bac pho thong. Yau nan min, cư tri sang Bhap bini  daok haduh hatai, kuhria ka bruk pablei salih oh hu, darak pasar peih ngak 3 Danak dak  pakat negar, Danak dak ramik pasiam saong cak rok patagok kinh te – xa hoi oh ka pabak sumu bruk daok rah tabiak.

Meng bilan 4/2023 tal urak ini, Đồn Biên phòng Ia Lốp, tỉnh Gia Lai hu peih dua tal pato akhar ka dom urang oh thau akhar ka 25 urang bac lac urang bangsa Jrai. Dang pato lac dom urang gru lin quân hàm hijao lac: Trung tá quân nhân chuyên nghiệp Vũ Văn Hoằng dang pato môn Toán saong Đại úy Nguyễn Văn Luân, akaok kapul jak ba rahra pato môn tiếng Việt. Dalam danak dak jeng pandar kadha bac pato akhar huroh kayua Mintri pato magru cih tabiak, mala bruk daong bac ilamo di Sang bac Tiểu học Hoàng Hoa Thám, xã Ia Piơr. Tal bac hu peih tabiak di 3  melam yaok adit. 

Kapol Urang ngak nong tỉnh Tiền Giang daok peih ngak danak dak Pathau khan, jak ba urang ngak nong ngak padai siam ka moi truong. Danak dak  hu peih ngak di 4 xã  bhum danak dak ia taba Gò Công lac: Vĩnh Hựu, Thạnh Trị, Tân Phước, Gia Thuận ngan haong 80 baoh sang urang nong hu mbaok tame, kuhria taong abih taneh ngak padai hu labaih 55 ha. Abih tih phun jien buh tame jaik 1 tỷ đồng. Dalam dom bruk di danak dak hu peih yaok pluh var pasram, pathau khan  ka yaok ribau  mbang urang ngak nong ka ilamu pala padai siam ka alam moi truong, ilamu pruh ia pasah – thu pablak gauk, ngak hacih nerang dalam tuk yuak, bruk pala padai tui jalan 3 trun 3 tagok, 1 njauk 5 trun..Tapa nan, trun takik  bruk  jhak tal alam moi truong; ba mbuan lagaih ka bruk cak rok patagok khang kajap hệ sinh thái mblang hamu.

Bilan tabau ini, urang nong di dalam tỉnh Hậu Giang pala pajaih jaik 3.300ha, pataom rilo abih di huyện Phụng Hiệp saong ban Ngã Bảy. Urak ini, mikva bahrau kaoh hu jaik 1.900ha piah pablei tabau ngak ia manyum ka urang mai blei, tabau tui kuhria mek hu labaih 105 tấn/ha. Mblang taneh tabau daok gilac veik pala hu labaih 10 bilan, jaik tal tuk kaoh mek. Min, bruk Công ty Cổ phần tabau saradang Cần Thơ ba tabiak Sarak brei padeih ngak Sang mac saradang Phụng Hiệp dalam bilan ép tabau 2023 - 2024 daok ba mai rilo duh hatai ka urang nong pala tabau di dalam tỉnh Hậu Giang kayua meda gaok rilo kan kandah dalam bruk duah labik pablei tabau.

Sở Y tế  TP.HCM brei thau, urak ini hu 20  urang njauk ruak dau mua khi  daok taong ruak di Sang iek ruak Bệnh Nhiệt đới. Njauk caik hatai, hu 18 dalam 20  urang ruak đậu mùa khỉ  dương tính haong HIV. Dalam 2 urang ruak trak dut mboh ruak nhiem trung darak, viem mo te bao, nhiem trung tang sinh mon, giang mai ac tinh, barah laneh dalam phoi, …Tui dom urang gah y te, ruak dau mua khi oh mbuan njom mbak praong dalam bhap bini. Ruak njom mbak dreih yau ruak HIV kayua taom gaok jaik haong mun ia, ndih daok haong manuac ruak. Yau nan min, karei haong HIV, ruak meda thit virus tabiak eng saong samar abih meyah urang ruak hu prein pacang caga siam.

Tui khau tin meng dom jabat kanja pakat glaong di Mỹ, Ngoại trưởng Trung Quốc Vương Nghị meda nao rivang Mỹ di puac adit ini. Urang kanja pasang iek brei thau lac, ini lac mbang nao rivang hu caong maong saong urang kanja Mỹ caik hatai caong lac Trung Quốc meda daong ngak pacadu veik bruk catang tagok di Trung Đông. Dom urang kanja Mỹ brei thau lac ong Vương Nghị meda nao rivang Washington, mbang ginum biai haong Ngoại trưởng Mỹ Antony Blinken saong dom urang langyah an ninh negar Jake Sullivan. Ka oh hu khau tin halei ka bruk ong Vương Nghị meda gaok Tổng thống Mỹ Joe Biden halei oh. Ini lac dom mbang ginum biai tapak pakat glaong abih anak bruk taom gaok pakat glaong tui kuhria lac di Tổng thống Mỹ Joe Biden saong akaok negar Trung Quốc Tập Cận Bình di San Francisco di bilan 11 anak tal.

Tui gah truyen thong chau Au, Yam ndoc dieu hanh kapol nyaom nang luong Nga Gazprom brei thau kong ty  meda brei payua  khí đốt tal Hungary di bilan la-ar ini oh lac  kham merat di EU piah takik pambak tame năng lượng di Nga. Khaw tin  hu ba tabiak   dom harei hadei di tuk Thu tuong Hungary Viktor Orbán ginum biai haong Tổng thống Nga Vladimir Putin di Bắc Kinh. Yam ndoc dieu hanh kapol nyaom năng lượng Gazprom Miller mboh lac kong ty  meda brei pabah tagok tal 1,3 ty m3 gam gam dalam tuk bilan laar  jaik tal ka Hungary. Kuhria meng tuk mesruh metak Ukraine patuh tabiak thun 2022, Hungary lac taneh ia di EU daok khik hu talei pambuak bruk khang kajap haong Nga.

Taong yam ndok Jabat Năng lượng nguyên tử dunya (IAEA) Rafael Grossi harei kabroi hu mbang nao rivang tal Ấn Độ. Mintri Ngoại giao Ấn Độ brei thau lac, mbang nao rivang ini meda paglaong jang talei pambuak bruk di Ấn Độ haong IAEA di rilo gah karei di gauk. Dalam harei camriep di mbang rivang, Taong yam ndok IAEA hu taom gaok Thủ tướng Ấn Độ Narendra Modi piah ginum biai ka dom jalan paglaong bruk ngak di năng lượng hạt nhân piah pabak sanya ka jalan tathuak ròng tal "0". Dua urang pan akaok jeng ndem mayai ka bruk patagok pandar công nghệ hạt nhân dalam dom gah yau ye pandap mbang, y tế, langyah ia saong pacang caga nerak katak di bhum gah maraong bán cầu.