Du thao Quy che palih ruah dai hoc, daok duah thau hatai caong khin ba tabiak dom bruk patakik dom mbang palih ruah avak oh tapa 20% chi tieu, daok veik 80%  piah palih ruah sumu haong gauk. Bruk nan, Thu truong Mentri Pato megru Hoàng Minh Sơn khan lac, kayua palih ruah aval yau nan ye rilo anek saih oh ka bac blaoh THPT tal 12 tame palih ruah dai hoc jeng yau  ba tal bruk oh sumu gauk. Langiu di nan, hu biak ralo anek saih sahaneng hu paliah ruak gam tame blaoh  oh daok kuhria sangka bruk bac tui danak dak THPT. Meng dom bruk rah tabiak yau nan, Mentri pang duah thau hatai sahaneng di urang saong ba tabiak jalan ramik pasiam.

Dalipan anek saih pakacah  tamat saong palih ruak  dom sang bac ĐH, Cao ndang di TPHCM thun 2024 hu Kapol Sinh vien Viet Nam Ban raya, Pasak Daong anek saih, sinh vien Ban raya HCM meyaom. Tap 11 thun peih ngak, danak dak hu meyaom 869 sinh vien birau, urang bac blaoh cử nhân naih joi. Ban raya caong khin dom urang bac naih joi hu meyaom brei hu mbaok saong ngak bruk joi meng prein bac, jalan diukrai, akaok sahaneg di drei, abih di nyu ka bruk karja, ba Ban raya patagok veik njauk angan di nyu.

Tapa pasang iek tinh Ben Tre urak hu labaih 3.659 baoh sang kan kandah ka sang daok, khin padang ngak sang birau atau pasiam veik. Piah daong dom baoh sang  nan, UBND tinh Ben Tre hu peih bruk jak ba pakacah “Ba tangin gauk tame ngak brei abih  baoh sang taik tahak” tal thun 2025 saong jao brei baoh sang  anit ranam, padang sang “Jum pataom”; kham merat ngak abih oh daok sang halei tak tahak. Tapa 5 bilan  peih ngak tỉnh Ben Tre jak ba hu labaih 52 ty dong, padang ngak saong pasiam veik birai 844 baoh sang. 

Dalam tukvak ini, yaom baoh durian oh njauk bilan di tinh Tien Giang daok di tanut glaong jang dut haong tukvak ini thun blaoh mèn 20-30 ribau dong/kg. Bilan ini kayua kan kandah meng langik tasik oh magaih ngak ka rilo bein durian tabiak takik abih ngak ka “hatai caong rilo jang baoh durian piah pabak” nan meda yaom durian daok glaong tagok. Meng tari taring sangka, pandar siam dom ilamo ky thuat nan hu rilo bein phun ini brei paik baoh dalam mbang Tet 2025, pagun sa bilan paik hu rilo baoh. Durian jaik ini jeng khik hu labik dang akaok dalam 11 janih baoh kayau hu pala rilo di bhum palei haong jien mek tame kuhria rah tapa yaok thun labaih 1 ty dong sa ha.

Urang ngak nong tinh Tra Vinh daok yam tame yuak padai Thu đông samar drah, yuak hu rilo saong yaom pablei glaong. Urak ini dom urang ikak kaiy mai blei di hamu meng 7.200-12.800 dong/kg, patui yaok janih padai. Klak tapa dom jien sangka pala padai ye urang ngak nong mek hu jien laba jaik 30 tyrieu dong/ha. Bilan padai Thu đông thun ini, rilo meng lac urang ngak nong pandar dom pajaih padai siam glaong, mek hu tanut piah pablei tabiak negar langiu yau ye: OM 5451, OM 4900, Đài Thơm 8, ST 24, ST25 nan biak hu urang ikak kaiy takre.

Kapul Pato Magru, Khoa hoc saong Ilimo Lien Hop Quoc (UNESCO) hu tut angan Tamia Lam Vong di Lao tame Harak Drap Ar ilimo oh mboh di mata manuac sia. Tamia Lam Vong nan sa ragam tamia ralo urang thau tal di bangsa Lao, ndung bak barih bar ilimo meng kan. Ragam tamia ni bhian hu mboh dalam dom harei ngak adat cambat atau dom harei roya pak Lao. Dahlau nan, Lao hu 5 drap ar ilimo hu UNESCO taduan mek nan ban klak Luong Pha Bang, Vắt Phu pak tỉnh Champasak, Hamu Chum, Khèn Lào, Birah cih Nagar.

Sang agama Đức Bà Paris bahrau peih bambang hadei 5,5 thun kareik piah ngak salih bahrau kayua apui khuah. Pamadeih gilac Sang ugama Đức Bà Paris – nan sa dalam dom thaik livik di rai saong ralo urang thau tal di ia Prang – oh tok cih nem ka sa drap ar sajarah hu umo jaik 900 thun bo dok ndom mayai lac hatai khin halar saong pajum tangin abih gauk di ia Prang saong abih dunya.

Karja Ukraine kuhria hu tal 1,2 triệu likei klak nduac tabiak nagar suan hukum meng di tuk peih masuh saong Nga di bilan 2/2022. Bruk dauk ngak bol lin nan sa kan kandah biak praong ngak kanjah jhak tal bruk padak padang bol lin pak Ukraine, hadei di tuk rajaei Kiev ngak bahrau danak dak bol di akaok thun ni./.