Tong Bi thu To Lam mbaoh tangin brei patabiak Sarak 80 di Mentri Chinh tri ka bruk cakrok patagok ilamo Viet Nam. Mentri Chinh tri palih ruak  harei 24/11yaok thun lac “Harei Ilamo Viet Nam”, hu brei padeih padei, min urang ngak taduan jien bilan, piah Bhap bini hu ma-in sambai ngak adat ilamo di drei, kapol urang nghe si hu pachreih jak ba hadah krah, taong abih manuac sia xa hoi hu iek praong, ngak tui jalan diukrai ilamo, siam mekre. Mentri Chinh tri khan cambaic laic bruk cakrok patagok ilamo, anek manuac lac bruk praong dahlau, prein khang dalam, pachreih hu ralo, bruk praong piah samar cakrok patagok samar saong kajap di taneh ia.

Piah sumu kuhria hu phieu palih ruah urang ka Quoc hoi saong urang jakar Hoi dong bhap bini dom pakat vaktu 2026 -2031, tinh An Giang meda peih bruk ngak di dac khu Thổ Châu hu palih ruah aval dahlau di harei 8-3-2026, dahlau 7 harei dut saong hukum ba tabiak. Đặc khu Thổ Châu atah taneh labaih 200km, brei pajeng ba meng gilai yau nan ye pambak tame langik , riyak tathik. Tui Uy ban palih ruah tinh An Giang, tinh palih ruah hu 21 urang jakar ka Quoc hoi, 85 urang HĐ bhap bini tinh saong 2.449 urang Hoi dong bhap bini pakat xa, phuong.

Palih ruah bhap bini tagok jalan nga lin thun 2026 di tinh Dong Thap hu 2.900 bhap bini. Tui nan, Mentri Chi huy bol lin tinh, kong an tinh pambuak bruk tacei pato jalan ba ngak ka UB bhap bini tinh ba tabiak jao brei bruk palih ruah urang lin thun 2026 lagaih haong yaok xa, phuong gam pachreih urang, khik brei taong abih xa, phuong brei hu urang tagok jalan ngak lin di tinh Dong Thap hu ginup bruk ba tabiak.

Urang ngak nong Can Tho pala jaik 2 trieu phein bingu kieng ngak mekre yaok janih piah pablei tuk Tet Nguyen dan 2026. Bingu kieng hu pala ralo di dom phuong Long Tuyền, An Bình, Thới An Đông, Thới Long, Thốt Nốt, dom xã Phong Điền, Thạnh Xuân…Rilo baoh sang bhap bini daok pabam, pala rilo janih bingu ngak mekre katut harei yau nan kuhria anak tal phein bingu duh ka darak pasar Tet  daok tagok dalam tukvak anak tal. Ralo bein bingu kieng daok tamuh siam praong tagok, yau brei mboh tabiak bingu njauk tuk Tet.

Taneh pala klak saoh di TPHCM daok hu UBND TP iew brei pasang iek veik taong abih piah salih ngak jeng dom mblang ma-in, bein bingu duh ka bruk rivang ma-in di bhap bini dalam tuk Tet.  TPHCM kham merat brei ba tame pandar 9 labik taneh di labik praong pasak dom phuong Sài Gòn, Tân Định, Bến Thành, Cầu Ông Lãnh, Bàn Cờ, Xuân Hòa, Nhiêu Lộc piah kong vien, bein bingu  duh ka bhap bini dalam tuk Tet thun nethak Athaik Waw 2026. Dalam  nan, hu dom labik hu taneh praong  saong bhian randap haong bhap bini Ban raya  yau Sang pakacah  Nguyên Du, Thương xá Tax…

Mentri Ngoại giao Mỹ harei kabroi 13/1 tabiak harak pathau khan ka bhap bini Mỹ hu mbaok di Iran brei tabiak truh taneh ia ini samar chip, gam kakei bhap bini nao mai tui jalan tabak meng Thổ Nhĩ Kỳ atau Armenia meyah mboh lagaih salamat. Khan brei thau di Mentri Ngoai giao My ba tabiak dalam tuk daok cuang kandah catang di Washington saong Tehran rah tabiak gam gam. Iran harei ini  hu rilo  bruk trun jalan  pacang caga rajaei  praong abih dalam rilo thun tapa.

Ai Cập lac taneh ia ngak rilo bruk daong ka dải Gaza dalam labaih 2 thun tapa. Tui nan, Cairo pambuak haong dom gah payua tame Gaza labaih 800.000 tan pandap daong, meblah 70% pandap nda daong ngak pahala dunya ka Gaza. Urak ini, Ai Cập daok kham merat pambuak haong Mỹ  gam dom gah  peih ngak vaktu ka 2 di sarak padeih cuh di Gaza, pamong tal padeih mesruh metak.

Hu 6 harei tapa blaoh kuhria meng tuk apui khuah glai di ban raya Uenohara, tỉnh Yamanashi - di bhum kreh negar Nhật Bản, mbiah tal ini, apui khuah glai pambak praong. Tui So Daoh padam khuah, takik abih lac 145 hecta glai apui mbang. Bruk padam apui khuah  meng ahaok di Gah Bol lin Khik caga daok rah tabiak saong hu peih ngak meng “mac pruh ia catang”, gam rilo mac radaih karei piah padam apui./.