Mentri Kong an brei thau, tukvak anak tal brei patui pambuak haong dom jabat chuc nang pasiam veik dom bruk oh ka tani tanat dalam bruk pasang iek sim ja, tai khoan ja…oh brei ka dom urang nan pambak tame dom sim, tai khoan nan piah pachot pagat angaok mạng. Gam haong nan patui veik peih dom mbang tabung glaong cap mek urang ngak suan hukum angaok mạng. Mentri Kong an jeng kakei rahrah brei caik hatai caga dalam bruk pabak khau tin tai khoan ta-eng drei tal urang oh njauk je tame. Dalam dom bruk medhil, rahra brei khan ka jabat kong an piah hu daong samar chip.  

Dalam 3 bilan akaok thun ini, Mentri LĐ -TB saong XH kuhria mboh dahlau bruk palih ruah urang birau tame ngak bruk tagok rilo, abih di dom gah ngak tabiak pandap panda, jitvu. Dalam nan, Ban raya HCM njauk brei palih ruah birau tame 80.000 urang ngak, ngak bruk di labik pablei salih-jitvu; gah ngak kong nghiep ngak tabiak pandap; padang ngak saong ngak kaya glai kaya dalam ia. Bình Dương kuhria mboh dahlau palih ruah tame meng 70.000-80.000 urang ngak, ralo lac dom gah ngak tabiak pandap, ke toan, pasiam veik, khik iek mac moc ngak bruk…Yau nan min, urang ngak bruk dalam klau bilan akaok thun meda gaok  dom bruk kan kandah kayua urang ngak meda oh gilac veik hadei tuk padeih Tet Nguyen dan.

Tui Pasak Yitvu bruk ngak tinh Dong Nai, thun 2025, kuhria mboh dom gah ngak mbang pablei salih caong pilih ruah labaih 75.000 urang ngak bruk, dalam nan urang ngak bruk oh ka tapa pato pakai hu labaih 54.000 urang, daok dom lac urang ngak bruk hu ilamo pakat ndai hoc, cao ndang, trung cap bruk ngak saong urang ngak kong gah ky thuat. Naih gheih yau dom gah ngak mbang pablei salih gah jhik menyim, takhaok kalik, di meng akaok thun, hu pablei hu biak rilo saong daok peih praong bruk ngak tabiak pandap kaya caong khin pilih ruah biak rilo urang ngak bruk piah jhul khang bruk ngak tabiak pandap kaya hadei tuk padeih padei Tet.

Kuhria abih tih jien mek tame meng gah yulit dalam 9 harei Tet Nguyen dan di TPHCM hu 7.690 ti dong, tagok labaih 17% dut saong tukvak ini thun blaoh. Ban raya  taduan raok hu labaih 87.000 mbang tuai dunya. Jalan tapuk Tet Ula Naih 2025 jeng lac sa labik njauk caik hatai kuhria, pachreih hu labaih 250.000 mbang urang tame rivang iek saong blei tapuk, jien mek tame hu labaih 2 ti dong. UB bhap bini TPHCM peih ngak siam bruk khik iek, ngak bruk saong khik tani tanat yaom kaom pandap panda dalam tuk Tet. Kuhria abih tih jien pablei pandap khik yaom tani tanat  sumu labaih 22.000 ti dong.

Dalam dom bruk peih ngak Uan Ndang, uan bal Pataih Ula Naih 2025, di Gilang khik drap ar tinh Kon Tum daok rah tabiak danak dak parang iek saong ba drei tame drap ar ilimo meng kal. Gam haong yaih khan ilimo kong caing, ragu ragam bhap bini meng kal di bangsa Xơ Đăng, Ba Na, rahra saong tuai damuai daok hu duah thau, ba drei tame tamia ragam xòe, plaong sạp, parah còn di bangsa Mường; Taong hagar tabiak kalin Tây Sơn, gun bhap bini meng kal Binh Dinh…Danak dak ini daok lac sa bruk siam piah dom nghe nhan bac megru ilimo parang iek, khik ramik saong patagok drap ar ilimo bhap bini meng kal di bangsa drei.

Tong thong Mỹ Donald Trump birau ba tabiak bruk ngak brei suh sah hatai, nan lac Mỹ tadaun khik, padang veik Dải Gaza saong padang labik daok birau ka urang Palestine di dom taneh ia karei. Urang ngak praong Mỹ brei mboh bhum taneh mesruh metak tayak tayaic nan hu jeng “oh jia hu” meng jalan ramik hacih bom mìn, dom mbuk patau kayau saong jhul patagok bruk ngak mbang kinh te, duah bruk ngak ka bhap bini di bhum taneh ia. Urang Islam Hamas atah klak bruk ba tabiak di Tong thong Mỹ.

Rajaei Thai Lan pathau khan brei padeih pabak ndien, ia, internet ka dom labik tapen negar Thai Lan saong Myanmar, labik yaok ribau urang, dalam nan hu rahra Thai Lan saong Trung Quoc, gaok pachot pagat mek nao pablei saong njauk pandar ngak dom bruk pachot pagat online taong tame rilo urang dalam dunya. Tui Lien Hop quoc, yaok rituh ribau urang njauk dom kapul urang duas ikak pablei, kateik geik saong hu mbaok tame dom bruk pachot pagat online suan hukum dalam Dong Nam A, duah hu yaok ty USD yaok thun.

Nhật Bản brei thau, 5 bilan tapa taneh ini hu labaih 9 trieu 500 ribau mbang njom ruak kum. Dalam nan, adit panuac di thun 2024 hu taduan labaih 317.000 mbang. Mbang tamuh jit ruak kum di Nhật Bản ralo ruak kum A rah tabiak, min daok tamuh jit ruak kum B. Dahlau di nan, Mentri Y te taneh ia ini tui iek, jit ruak dalam saong dunya piah tacei dom bhum palei, đơn vị peih dom jalan lagaih, sumu./.