Tui Mentri Pato megru, ia ribuk sua di dom tinh Bhum kreh negar saong Tay Nguyen kuhria khat lahik labaih 97 ti dong; daok 360 sang bac oh ka tame bac veik hu. Piah ka dom anek saih hu ginup tapuk bac, tui dom tinh, ban pathau khan, Mentri Pato megru brei tapuk oh mek jien di anek saih bhum ribuk ia sua. Gah Ngak tabiak tapuk Viet Nam kuhria ngak tabiak 10 trieu blah tapuk bac piah brei anek saih di bhum ia sua.

Mbiah tal ini, TPHCM taduan hu labaih 236 ti dong daong ka yaok rituh tan kaya daong ka dom bhum palei gaok khat lahik kayua ribuk ia sua. Dalam nan, hu daong ka 50 ti dong ka tinh Khanh Hoa. Pabak 12.000 paok lisei huak yaok harei ka bhap bini bhum ia dauk saong dom bol lin daong; payua 211 tấn pandap, dalam nan hu pandap alin, ao phao, kadung jru, khan ao, phui men, kaya ndap nda pandar yaok harei…Gah y te jak ba meng 30 -50 urang gru jru hu mbaok yaok harei, daong iek ruak saong pacang caga jit hadei ia ribuk sua.

Ia ribuk ngak khut khat rilo danak dak  binek ia saong ribaong kraong. Di tinh Khánh Hòa binek ia taba khut tayak ar pacang labaih 150 m saong ar ta-luy glut jaleih  labaih 10 ribau met vuong; dom brong ba ia ribaong tapa labik daok di bhap bini glut jaleih, khut tayak; ar pacang riyak palei Phú Thọ talah ra-ai praong labaih 100 met. Daok di tinh Gia Lai 4.560 mét ar ribong  glut jaleih, pabak, ba theik. Di tinh Dak Lak, tapen craoh gah ala binek Cư Phiăng glut jaleih  atah labaih 40 met…

UBND tinh Dong Nai birau ba tabiak dom jalan ngak khang saong catang piah hu salah siam 100% bruk ba tabiak buh phun jien karja tame ngak thun 2025. Tỉnh kuhria mboh, bruk praong abih saong lac “ labik ikak gar tavak” ba tal suai ngak, nan lac bruk bayar jien taneh, daong jien, labik daok birau di 149 danak dak. Urang ngak praong di tinh iew dom don vi samar mbaoh tangin harak peih ngak saong bayar jien  ka bhap bini ka dom danak dak hu njauk hatai blaoh. Dom bruk suai ngak atau caik harak gal tapa rilo harei bilan brei lang yah njauk urang halei, kapol halei ngak bruk nan.

TPHCM mbang akaok meti tabiak tapuk “ Ban raya HCM - Labik ngak tabiak flim” ka dom kapol ngak flim di dunya ini. Bruk nan rah tabiak dalam dom bruk peih ngak Roya flim Viet Nam mbang ka 24. Dom baoh tapuk brei ka dom kapol urang ngak flim dunya, pabak ginup khaw tin ka bruk rah tabiak, jitvu, labik ha tang, jalan daong, labik pambuak bruk saong dom gah duh ka bruk ngak flim di TPHCM. Baoh tapuk nan lac bruk camereip  dalam bruk padang TPHCM hu jeng pasak ngak tabiak flim sami samar, lagaih saong hu angan je di dunya.  

Mentri Y te, Lao dong saong Phuc loi Nhat Ban khan lac, dom mbang urang njom ruak kum di dom labik y te tacei ba di dalam negar yam tapa tanut kakei dahlau samar abih dalam 10 thun. Kuhria meng harei 10 tal 16 bilan 11, labaih jaik 150 ribau mbang urang ruak kum hu pathau khan di jaik 3.000 labik y te. Mentri Y te, Lao dong saong Phuc loi Nhat Ban khan lac tunut kuhria caga thun ini dahlau labaih 5 adit dut haong bilan kum dahlau, brei mboh bruk patagok oh ka bhian mboh di dom ruak njom mbak tapa jalan suan yawa dalam tuk langik salih tapa bilan la-ar.

Yakutsk lac sa bhum di bhum ia harei tagok Siberia, Nga lac sa dalam dom bhum la-ar abih di dunya. Di labik ini, tame dom bilan la-ar, la-ar trun am 300C min lac pandao saong bhian peih rilo bruk caluai ia. Dom urang caluai ia di ia patau(ia khar) khan veik:  yaom lac la-ar 0 do C, min ia pandao piah njuk trun kayua ia gah ala saong la-ar gah langiu oh yau gauk. Yakutsk lac ban praong abih di dunya. Nhiet do ala 0 độ C bhian dui atah meng bilan 10 tal bilan 4 thun hadei saong gaok mai am 60 do C di bilan la-ar.

Yaok thun, hu tal yaok rituk drei kadit ine par mai meng atah labaih 4.000 km meng Canada saong Mỹ mai pandauk di Mexico. Dom drei kadit nan daok doi dom labik glai tal bilan 3 thun hadei. Tui Rajaei Mexico, dom drei kadit thun ini tagok tal 99% dut haong vaktu meng thun 2023 -2024, jiak dua mbang. Bruk nan rilo tagok nan mai meng langik pandiak hu salih karei. Labik Glai khik caga kadit ine praong labaih 56.000 ha atah tal dom bang Michoacan saong Mexico, hu pak labik peih pabah mbang ka tuai damuai tame sirah rivang ma-in./.