Mentri Y te daok duah thau hatai caong takre brei ka srak angan jru, asar ngak jru hu pagam jru taong ruak, jru bhap bini, brei kuhria bayar jien ka urang hu BHYT. Tui Mentri Y te, jien blei jru meblah hu labaih 31% kadung jien BHYT, dalam nan jien bayar ka gah y hoc bhap bini meblah labaih 5,4%. Yaok thun, dalam negar hu labaih 195 trieu mbang urang iek ruak BHYT labaih 160.000 ti dong, min bayar ka y hoc bhap bini meblah 3,3%. 

Harei ini, Cục Jalan mbak Viet Nam oh ka bayar jien jalan mbak pẻih drah samar di 2 danak dak karja buh jien tame ngak  meng Can Tho tal Ca Mau di Danak dak peih drah samar Barak - Meraong gah ia harei tagok vaktu meng thun 2021 -2025. Bruk oh ka brei mek jien dalam tuk dom don vi daok ngak brei pasiam dom labik di danak dak. Cuc Jalan mbak Viet Nam  caong khin Mban Khik iek danak dak Mỹ Thuận pataom tame peih ngak, salah dom bruk nan, samar salah blaoh piah mek jien tui bruk ba tabiak ka danak dak.

Tinh Dong Thap kham merat 4 thun tra, urang ngak nong ngak mbang duah jien tame kuhria 145 trieu dong yaok thun. Gam haong nan, karja palei kham ngak tal thun 2030 oh daok baoh sang kathaot tui tanut chuan rilo gah meng thun 2026 -2030. Dong Thap caong khin hu taong abih xã mek hu tanut chuan palei pala birau, dalam nan hu takik abih 9 xã mek hu tanut chuan palei pala birau. Jalan mbak hu buh jien tame ngak siam taong abih baoh sang hu internet pandar.

Rilo bhum palei di tinh Vinh Long patui kakei dahlau ka ia dauk, njauk ndem tal dom labik tapen kraong Tiền, kraong Hậu, kraong Cổ Chiên, kraong Mang Thít. Ia tagok glong di ralo labik tapa pakat 3. Tui kuhria meng ini tal harei 17/9, ia di dom kraong tagok glong, ngak kan kandah tal bruk ngak nong, raidiuk bhap bini. Rayo Khi tuong Thuy van tinh Vĩnh Long kakei bhap bini di dom labik tapen kraong brei tui iek ia ndik saong kuhria caga dahlau plaik njiak, khik siam manuac urang saong drap ar.

Njauk caik hatai tal ia kraong Buông tagok glong dauk ralo labik di phuong Phước Tân dom harei tapa, So Ngak nong saong Alam moi truong Ban Dong Nai khan lac, ia kraong Buông nduac vin, dalam kraong hu rilo phun kayau kareik, cuah gluh, tatua daok ngak di labik 9A1 pacang cakak ia kan nduac. Tukvak pasang iek, di ban sit Hương Phước daok 10 baoh sang ia dauk. Urak ini, karja palei pasang iek, yaok kuhria, gam ngak brei tathuak ia dom labik ia dauk.

Meng harei ini Singapore ba Hukum Khik iek pasiam bangsa tame ngak tui, pabak hukum piah pacang caga saong langyah dom bruk, brei panuac  atau khaw tin ngak jhak bruk pambuak dom bangsa, pakhang bruk khik ramik ilimo ralo siam gheih karei anak dom bruk tamuh tabiak. Mentri Noi vu Singapore brei thau hukum birau daong ka taneh ia ini thau kuhria caga dahlau dom bruk mbuan ngak talah gauk, tui nan pakhang sa xa hoi siam mekre, rilo ilimo siam gheih saong ralo agama.

Ralo bhap bini Nhat Ban daok huac kanda bruk yau urak ini. Tui bruk duah thau ka kinh te di taneh ia kayua Hang papar sap saong rayo papar binguk Nhat Ban NHK birau khan brei thau, hu tal 78% bhap bini sahaneng huac kadha” Kinh te Nhat Ban daok salih siam”. Bruk pasang iek  nan hu taong yaom lac khan brei thau ka gah kinh te Nhat Ban.

Sa bruk roh duah birau talei ceik Himalaya daok jaik “ tanut biar abih” tuk dom kraong ia patau khan ralai samar jang dut saong sa pluh thun dahlau. Ia khan patau ralai jeng dom binek ia praong hu pacang meng patau saong ia khan oh kajap, mbuan rah tabiak ia sua. Panuac nan hu ba tabiak hadei dom adit bala kraong ia patau puac bilan 8 di labik tapen negar Nepal - Trung Quốc, ba tal 1.300 urang metai saong labaih 5.300 urang lahik.