Hadei peih ngak Kate di dom bimong, harei ini 22 bilan 10 mikva Cam agama Ahier gilac veik mai ngak Kate di palei, patui nan yaok baoh sang pataom gauk mbang  Kate di sang. Piah pachreih tuai damuai  mai pataom mbaok Harei Kate  thun ini, Pasak Parang iek ilamo Cam di tinh Lam Dong peih ngak rilo bruk, dalam nan njauk ndem tal bruk parang iek 70 thaot binguk haong kadha “ Ilamo dom bangsa  tinh Lam Dong” meng harei ini tal harei 5/11. Ong Ức Viết Vòng, Akok mbang khik iek  Pasak Parang iek ilamo Cam di tinh Lam Dong khan  lac: Pasak Parang iek ilamo Cam langiu di bruk peih ngak yang tui adat uan raok Kate di bimong; sirah rivang Labik parang iek, thaik binguk; daok hu pambuak tuai mai rivang iek dom labik yau: Gilang drap ar Patao Cam, Kalan Pô Klong Mơhnai, Kalan Pô Anit saong dom bruk ngak lan am, menyim khan bai, ahar nongya di urang Cam: