Page ini 9/10, di Ndac khu Phu Quoc, tinh An Giang, Kapol Vingroup pambuak haong So Y te An Giang padang tabiak labik daong iek ruak samar Ngoại viện Đặc khu Phú Quốc piah paglong bruk iek ruak saong kuhria iek ruak samar di labik dahlau tuk ba urang ruak tame sang iek ruak, jru ruak samar “tukvak katut panak piah daong diuk” ka urang ruak. Phu Quoc  lac sa dalam 6 don vi akaok meti dalam negar ngak iek dahlau bruk daong jru ruak gah langiu sang iek ruak, kayua lac kaoh pulao sirah rivang main dunya atah labik daok di bhap bini saong jalan nao mai kan kandah.  

Yaom lac Rajaei caong khin lang talaih kan ndah piah tame ngak bruk di puac bilan 7 thun 2025, min mbiah tal ini dui atah 3 bilan, Danak dak ndien hangin 8.700 ti dong di tinh Dak Lak  oh ka ba tame ngak bruk hu. Nguyễn Thiên Văn, Pho Akok UBND tỉnh Đắk Lắk khan lac, tinh tacei pato dom so, dom gah saong bhum palei pambuak tal samar langyah  dom tavak tavaiy piah danak dak meda hu ba tame ngak bruk di puac bilan 10 ini.

Tui So Y te TP.HCM, tapa pasang iek, dom labik iek ruak khan lac Dom blah web khaw tin Giam dinh BHXH oh ka ba tame harak kadha birau. So Y te TPHCM caong khin dom labik iek ruak brei ngak tui njauk hukum ba tabiak di karja, pandar ngak tui sarak 7 gam haong sarak Thong tu 25/2025; tavak tame ginup abih khaw tin angaok blah web yam dinh BHXH; gam kakei  juai ngak tui pasiam asar kadha nan tui hatai atau akhar huroh dalam sarak. So Y te caong khin BHXH TPHCM samar ba tame sarak ka 7 di dom labik yam ndinh dien tu piah sumu saong kein lagaih ka bhap bini.

Tui kuhria mboh dahlau thun ini meda ia tagok glong, tinh Tay Ninh daok samar peih ngak dom jalan pacang caga labaih 4.000 hecta padai di bhum Dong Thap Muoi mbuan ia dauk. Di xã Hưng Điền, tỉnh Tây Ninh hu labaih 4.032 hecta padai, ia kraong tagok glong jang hamu, ba tal bruk tathuak ia gaok kan kandah. So Ngak nong – Moi truong Tay Ninh iew karja dom palei di bhum Dong Thap Muoi samar brei pasang iek, pakajap ar kraong, ar mbuan glut jaleih, tathuak ia samar ka dom hamu dhaong saong hamu padai oh ka yuak.

Daok di Ban Can Tho, raidiuk di bhap bini jeng having akaok tuk ia ndik tagok glong Bilan Pumi 8 tui saka ia bulan. Piah caga bruk ia ndik, Ban Can Tho brei peih kareik ia, pabah kraong ribaong caga ia ndik ka nyu lagaih. Dom xa, phuong bhian tui iek, duah thau bruk rah tabiak piah caga dahlau. Langiu di nan, brei urang tui iek tacei patao bhap bini nao mai di dom jalan ia dauk; pasang iek, ngak pakajap  ar pacang di dom labik mbuan rah tabiak bala.   

Cuc Kapal ahaok Lien bang Mỹ brei padeih  par dalam harei ka klau tui gauk  di dom mblang kapal haok Ngar Reagan Washington saong Mblang kapal ahaok Dunya Newark Liberty kayua kurang manuac ngak bruk ralo jang yaok harei  pambak tal Rajaei Mỹ brei kareik pabah mbang. Kuhria tal biar harei kabroi, hu jaik 3.000 mbang kapal haok padeih, yaok ribau mbang ahaok kadun tukvak par kayua kurang urang pasang iek jalan par angaok langik. Urak ini, Mỹ kurang labaih 3.500 urang pasang iek jalan par angaok langik.

Yaom ameh dunya harei ini yam tagok 4.000 USD/ounce, glong abih kuhria meng lavik, brei mboh yaom ameh tagok di dunya. Yaom ameh di dunya tagok brei kuhria caik hatai di urang blei anak bruk kinh te saong chinh tri di dunya rilo kan kandah. Dom urang ilamo mboh lac, bruk ba tal cuang kandah di darak pasar dunya  nan lac mesruh metak di Ukraine, sraw kadau di Trung Đông… ba tal yaom ameh tagok glong.

Hoi dong Bao an LHQ birau peih nyao biai bhian thun ngan haong kadha “ Urang kumei, Sron mbon saong karo kajap”. Tong Thu ky LHQ  khan lac, thun dahlau, hu labaih 676 trieu urang kumei diuk rai dalam 50 km kuhria meng labik mesruh ngak metai manuac nan ralo abih kuhria meng dom pluh thun ini mai. Di dom taneh mesruh metak, kalin kan dui atah yau Afghanistan, Sudan, Haiti,... adat daong urang kumei saong uranaih daok kurang ralo; dalam tuk nan bruk taong paoh, rambeik rambai, urang kumei ndih tapui anek metai ralo./.