Dalam vaktu tapa, Dang saong Karja hu buh tabiak 600.000 ti dong buh tame ngak jalan mbak dalam bhum, ralo abih meng dahlau mai tal ini. Dom jalan peih drah samar praong hu peih ngak saong ba tame pandar, ngak brei nao mai lagaih, ka bruk pablei salih, pajeng ba, pachreih urang buh jien tame ngak mbang saong peih praong labik patagok di bhum taneran kraong Cuu Long. Kham merat ngak tui jalan chinh tri glong, dom danak dak jalan mbak daok dak harei dak salah siam jang, brei mboh bruk salih birau khang kadang di bhum taneran kraong Cuu Long.

2/ Dom rairah bhap bini tinh Vinh Long tui iek tani tanat bruk ginum biai di Nyaom roya pakat negar mbang XIV di Đảng. Mikva caong khin Nyaom roya palih ruah dom urang jakar hu ginup jalan diukrai siam gheih, naih joi, abih hatai ka bruk ngak saong ilamo glong, tui nan ba tabiak dom sarak praong, khang kajap ka bruk patagok samar saong kajap di taneh ia dalam tukvak anak tal. Tui nan brei mboh hatai jia tame, dom sarak praong meda pabak prein khang ka bruk patagok samar, khang kajap di taneh ia.

3/ Rilo sang bac gah meraong negar meng tuk khan brei thau jalan palih ruah di thun 2026. Thun ini, rilo sang bac dai hoc salih tapa palih ruah tui klau bruk piah taong yaom hu abih prein bac di anek saih. Yau ye, sang bac Dai hoc Kong nghe Ky thuat TPHCM mbang akaok meti  ngak tui jalan palih ruah tui rilo jalan. Dreih yau ini, Dai hoc Kinh te TPHCM  ngak tui dua jalan ka taong abih danak dak saong labik pato pakai.

4/ Dom harei ini, di dom labik padang ngak Sang bac Pho thong Bangsa gam bac gam daok  pakat Tieu hoc saong THCS di 7 xa bhum taphia negar tinh Gia Lai, yaok rituh urang ngak daok kham ngak bruk dalam sami samar. Dom danak dak ngak blaoh hu labik bac ka labaih 7.100 anek saih. Mban khik iek dom danak dak padang ngak di tinh Gia Lai tacei ba dom po thau padang sumu, pasang iek tani tanat tukvak peih ngak, asar bruk ngak siam saong salamat;  tui nan brei urang ky su naih joi  bhian tui iek bruk padang ngak sang bac.

5/ Urak ini, di tinh An Giang, panat Thai hu urang blei meng 30.000 – 32.000 dong sa kilo; hatai panat bhong yaom meng 43.000 – 45.000 dong sa kilo, glong dua mbang  dut haong 3 bilan dahlau. Ini lac yaom biak glong saong tani tanat dalam tuk rilo kaya nong trun tagok kan thau dahlau.  Anak yaom panat tagok glong, rilo urang pala khin peih praong taneh pala . Yau nan min, gah ngak nong An Giang kakei mikva juai jak gauk pala drah samar, kayua yaom panat tagok tui urang blei di darak pasar.

 Chuyển sang phần tin thế giới:

 6/ Tong thong My Donald Trump mek veik bruk kuhria jien je ngan haong 8 taneh ia chau Au. Bruk nan ba tabiak hadei tuk ong Trump ginum biai ka tukvak anak tal haong Gah Hiep uoc Bac Dai Tay Duong NATO pambuak tal Greenland (labik tu tri di Dan Mach). Yaom lac oh ka khan cambaic laic, Tong thong Trump ginum biai lac atah dhua, oh hu tukvak, kakei lac oh ndem tal jien padai saong daom gah daok ngak brei salah dom asar kadha.  

7/ Nhat Ban daok yam tapa mbang la-ar langaok dui atah, tuyet laik kapal meng 20 tal 25 cm ngak kan kandah tal raidiuk bhap bini. Dalam tuk nan, Rajaei daok iew bhap bini caik hatai tuk jalan mbak gal tavak, mbuan lahik ndien, tuyet jaleih kateik, jalan ba ia khan jeng patau…Tui nan pachreih  bhap bini pagam lop baoh radaih bilan la-ar, hu pagam xich klak di janal pachrah, takik nao jalan atah, bhian tui iek khaw tin ka langik saong jalan mbak.

8/ Urang jakar Iran khan lac hu labaih 3.000 urang metai dalam mbang trun jalan di puac bilan 12 thun 2025 saong dui atah  tal akaok bilan 1 thun 2026. Ralo lac urang lin, canh sat saong urang an ninh. Langiu khat lahik ka manuac urang, dom mbang trun jalan daok ngak ka yaok ribau danak dak saong drap ar tayak atau khut trak, dalam nan hu labaih 650 nhà thờ saong sang megik Islam./.