Melam kabroi, di Bein Negar Ba Đình, Ha Noi, Thu tuong Rajaei Phạm Minh Chính hu mbaok tame, pato tacei danak dak ngak iek tapa di pakat Negar ka bruk dieu binh, dieu hanh harei pahadar 80 thun Katmang Bilan Dalipan saing harei Bangsa Negar 2/9 saong alin kaya daong prein dom kapul hu mbaok tame dieu binh, dieu hanh. Var ngak iek dahlau hu mbaok di labaih 40 ribau urang dalam nan hu kapul Bol lin Rahra, Kong an Rahra, bhap bini, kapul urang dang gam haong dom ndap nda kaya dalam bruk bol lin saong rahra. Abih di nyu nan lac peih akaok var ngak iek dahlau lac banah ar khan ndom puac tapak meng Khanh Hoa, ngan haong thaik thaot clip dieu binh dom kapul lin pan phao karaong angaok tasik. Tui kuhria, dahlau tuk yam tame harei Pahadar hu ngak di page harei 2/9, var Ngak iek dahlau taong abih dieu binh, dieu hanh hu rah tabiak dalam page harei 30/8.

Di ban raya Ho Chi Minh, labaih 50 urang daok di negar langiu mai meng rilo taneh ia saong bhum taneh karei hu pataom mbaok pahadar 80 thun Cach mang bilan 8 saong Harei bangsa negar 2/9, 80 thun pambuak talei rohim Viet Nam. Di var taom mbaok, muk Vũ Thị Huỳnh Mai, Phaok akaok Jabat UB Bhap bini Ban raya Ho Chi Minh kakei lac, Dang, Karja saong Ban raya Ho Chi Minh tuk halei jeng iek urang negar langiu oh atah di bangsa, rik prein khang piah daong ka bruk cakrok patagok di taneh ia. Dalam nan, bruk khik ramik sap ndem panuac Viet, patagok ilamo siam gheih di bangsa dalam bhap bini Viet daok atah bhum palei hu makna praong dalam.

Tinh Dong Thap kham merat thun ini hu labaih 51.000 ha, meblah labaih 60% taong abih taneh bein phun mbang baoh, kaya hu angan di bhum palei pandar dom khak drak huu co, sinh hoc dalam luac jalan pala drak. Piah pacang caga bruk langik salih karei, pacang gaha njom ia mbak pacang khik bein phun dalam bilan thu yaok thun, urang ngak nong bhum pala phun mbang baoh dalam tinh daok buh jien tame ngak dom bruk pruh ia hajan, pruh patak pataom ia ka labaih 59.000 ha bein phun, meblah jaik 70% taong abih bein phun mbang baoh daok hu.

Sang iek ruak Da khoa Hau Giang, Ban Can Tho bahrau jru ruak hu siam ka muk taha umo 77 thun jaik metai kayua menyum jru ngak trun darah. Tui BS.CK II Nguyễn Văn Vũ, Akok Khoa Hoi suc tich cuc - Chong doc, Sang iek ruak Da khoa Hau Giang, tukvak tapa. Sang iek ruak hu taduan biak ralo urang pandar jru ralo, pandar jru oh tui tacei pato ba tal ruak trak. Yau nan ye, gru iek ruak kakei baoh sang hu urang taha atau uranaih ye piah jru pandauk tani tanat, klak urang menyum jru tui hatai ba tal mbuan metai.

Bruk dom jalan “oh ka hu tuh betong” daok rah tabiak di rilo jalan dalam bhum taneh tinh Binh Duong klak, yau ye jalan Bình Chuẩn 67 (phuong An Phú), jalan Lò Lu và ĐX144 (phuong Chánh Hiệp), atau jalan pambuak dalam Labik ngak kong Việt Hương 1 (phuong Thuận Giao)… Hu jalan hu ngak betong, kayua nan bo hajan mai ye bhian dauk ia, gluh baok, ma-ia ma-iat. Bruk ini ngak ka raidiuk di rahra srau kadau, glaih glar. Mikva pok panuac likau, dom pakat karja bhum palei brei jhul samar dom danak dak daok ngak oh ka blaoh.

Trung Quoc ba tabiak sarak tacei pato bruk peih ngak khang pandar “ Tri tue nhan tao ( AI) +” piah jhul pakhang pambak praong bruk pandar AI dalam dom gah bruk ngak. Enam gah brei pandar AI ralo dahlau nan lac khoa hoc kong nghe, kong nghiep, blei pandar, duh ka bhap bini, khik iek saong pambuak bruk haong dunya. Trung Quoc meblah hu 60% harak ngak tabiak AI di dunya saong ngak hu jak jeng siam mekre gah robot manuac saong mac thong minh, daong cakrok patagok kinh te xa hoi.

Lien minh Buu chinh Dunya brei thau, 25 negar dalam dalam lien minh di jabat ini hu anak meta brei padeih dom mbang pajeng ndap nda nao tal My dalam bruk karja di Tong thong My Donald Trump hu tayah klak adat oh mek jien je ka paok ndap nda sit. Dahlau nan, Tong thong My hu mbaoh tangin ka bruk padeih pandar adat de minimis ka bruk oh mek jien je blei tame saong pasang iek hai quan haong taong abih ndap nda hu yaom 800 do la ba trun tuk tame My. Sarak ini hu brei ngak meng harei paguh 29/8.

Tui taka birau abih brei mboh, dom mbang apui khuah di chau Au ngak palai payua  labaih 1 trieu hecta glai, jeng bruk jak abih kuhria meng lavik mai. Langik kan kandah yau urak ini, dom mbang apui khuah glai hu kuhria mboh dahlau daok rah tabiak. Tay Ban Nha saong Bo Dao Nha lac dua taneh ia chau Au daok dang anak dom mbang apui khuah glai ngak palai lahik biak trak. Kuhria dalam bilan 8 ini, dom mbang apui khuah glai di Tay Ban Nha apui mbang abih labaih 400.000 hecta glai. Rilo labik karei di chau Au, yava langik jhak kayua apui khuah glai./.