Dang akaok nyaom biai mbang 27 di Mban Tacei ba pakat negar pacang caga taong chap kay ikan suan hukum, oh khan brei thau saong oh njauk tui hukum IUU di melam harei 23/12, Pho Thu tuong Trần Hồng Hà ndem cambaic laic langyah dom bruk, patui dom harak pathau khan payua UB chau Au (EC) tui jalan ba tabiak…Pho Thu tuong caong khin harak pathau khan brei mboh cambaic laic ngak brei atah klak taong abih gilai ikan “ 3 oh”, taka du lieu hu khan brei thau saong dom bhum palei taduan bruk ngak. Caong khin pambuak taka du lieu nao ngak mbang di tathik,  khik hu siam harak gal hanh chinh, duah thau asar kadha di Vneid.

Uan raok harei Giang sinh 2025, Kapol urang ngak bruk  di TPHCM hu mia rivang, tadhau ayuh  Giang sinh di Tòa Giám mục Xuân Lộc (phường Long Khánh, tỉnh Đồng Nai) saong Tòa Giám mục Giáo phận Long Xuyên (tỉnh An Giang). Di dom labik hu mai rivang,  urang ngak praong di TPHCM payua panuac dhau yuh Giang sinh rilo siam mekre tal taong abih urang halau janeng, urang ngak bruk, urang tu saong bhap bini Kong giao. Tui nan caong khin bhap bini Kong giao brei patui daong ka karja patagok bruk jum pataom, patagok kinh te, padang bhum palei negar kaya meda, cakrok patagok.

Mentri Jien padai pakhang bruk khik iek, ngak bruk saong khik tani tanat yaom kaom darak pasar  puac thun saong Tet thun Athaik Wa - Bính Ngọ 2026, piah khik tani tanat  kinh te vi mo, pacang bruk lam phat saong an sinh xa hoi. Dalam nan, jabat khik iek yaom kaom brei kuhria, caga dahlau dom jalan ngak saong ramik pasiam yaom kaom lagaih haong darak pasar; tui nan kuhria pabak ginup kaya kan, ndap nda duh ka bruk cai pandar tagok dalam tuk Tet, oh caik ka bruk buh jien tame blei ndap nda piah, cang tagok yaom pablei tabiak.

Dua bruk peih ngak “OCOP kaya di bhum palei saong kaya mbang”, “Pahe bingi kaya OCOP saong Tet bangsa” meda peih ngak meng harei 26 tal harei 31/12 di TPHCM, pataom jaik 200 labik pablei kaya OCOP. Oh lac nyaom darak pablei salih puac thun, dom bruk nan daok lac pambuak yaih khan ba kaya nong nao atah, kaya Tet OCOP mai jaik jang haong urang pandar saong tuai damuai. Makna di danak dak lac bruk jhul pakhang pandar taka so, njauk ndem tal bruk livestream pablei kaya kan, trun yaom lap saong pambuak online, ba mbuan lagaih  ka dom po pandap OCOP peih praong darak pasar dalam tuk ngak mbang tui jalan kinh te taka so.

Kuhria abih tih kaya di tinh Vĩnh Long thun ini tagok 5,84%, biar jang ralo bruk kuhria dahlau. Kuhria rah tapa, bruk ngak mbang kinh te di tinh salih hu siam, trun takik pambak tame bruk ngak nong, dak harei dak patagok bruk ngak kong - padang ngak saong jitvu. Yau nan min, jien patagok di bruk ngak mbang kinh te daok kadun trun  suai damuai kayua kan kandah atau patagok di dom labik praong, njauk ndem tal lac kong nghiep – padang ngak saong bruk ngak nong. Vĩnh Long kham merat yam tapa kan kandah, ngak brei patagok dalam thun 2026.

Hoi dong Bao an Lien hop quoc meda peih bruk ginum gauk piah biai ka bruk hat nhan Iran, bhian iew lac Jalan ngak taong abih gah. Bruk ginum biai pataom tame pathau khan di Tong thu ky LHQ ka bruk ngak tui sarak pambuak tal bruk hat nhan Iran thun 2015, hu mbaoh tangin tame di dom urang di Hoi dong Bao an LHQ P5+1, dalam nan hu Anh, Pháp, Mỹ, Trung Quốc, Nga saong Đức.

Yawa langik Giang sinh daok chreih chrai grauk labik. Ngan haong jalan jak ba payua ka gauk dom anit ranam saong cak veik dalam hatai, bhap bini di dunya uan raok sa bilan Giang sinh siam mekre dalam anit ranam. Di Rovaniemi, Phần Lan – bhum palei di ong taha Noel, dom flim hu ba tabiak tavak veik thaot binguk dom urang angui cuh ngak mekre karei  daok ramik pandap alin saong pambak tagok bara ong taha Noel angui ao sambo bhong. Ong ndik tagok radaih athaik nao vin bhum Bắc Cực piah ba bui sambai ka uranaih  di dunya. 

Yaom lac birau tame akaok bilan la-ar, min jit kum manuk ada daok njom mbak praong samar di rilo bhum palei Nhat Ban - Japon. Urak ini, negar ini duah hu 8 sruh jit ruak praong, ngan haong labaih 2,4 trieu drei manuk ada ba nao am cuh klak. Dalam tuk yaom kaya mbang dak harei dak tagok saong yaom baoh manuk  ada tagok glong kayua dom mbang jit dahlau oh ka padeih, ini jeng bruk praong, oh lac khat lahik ka dom var ro raong manuk ada bo daok ngak kan kandah tal urang blei./.