NINH THUAN SANGKA BA SAP RAGLAI TAME PATO DALAM DOM SANG BAC TIEU HOC
Thứ bảy, 06:00, 28/06/2025 Urang lang: ÁI NGHIÊM - MINH KIÊN Urang lang: ÁI NGHIÊM - MINH KIÊN
CHAM.VOV.VN: Tinh Ninh Thuan urak ini hu 59 gru pato urang bangsa Raglai tamat dai hoc gah Pato megru tieu hoc. Yaok thun, kapul ini bhian patui veik hu bac pasram ka ilamo pato megru.
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Ninh Thuan lac sa dalam dom bhum palei hu urang bangsa Raglai diukrai rilo abih dalam negar. Pakat uy, karja dom pakat saong gah Pato megru Ninh Thuan sangka ba sap Raglai tame pato dalam dom sang bac tieu hoc di bhum urang bangsa Raglai piah khik ramik saong patagok ilamo bangsa. Huyen Bác Ái lac bhum palei peih bruk pato sap Raglai taong abih, ngan haong abih tih 100% sang bac tieu hoc hu mbaok tame. Tinh Ninh Thuan urak ini hu 59 gru pato urang bangsa Raglai tamat dai hoc gah Pato megru tieu hoc. Yaok thun, kapul ini patui veik hu bhian bac pasram ka ilamo pato megru.

Ong Ngô Vũ Linh, Akok  Sang bac bnagsa gam bac gam daok tỉnh Cà Mau khan lac, oh padeih veik di bruk pato sap, sang bac daok bhian peih rilo bruk  ngak ilamo tapa kalup kapol ilamo bangsa Khmer, kapol alat ragam ngũ âm, brei ka anek saih hu main, parang iek saong bac megru dom ilamo meng kan. Dom kadha ma-in ilamo, dom adat cambat yau  Chol Chnam Thmay, Ok Om Bok…hu peih ngak yaok bilan, daong ka anek saih gam hu bac gam hu ma-in siam ka jalan sahaneng, patagok jalan diukrai saong hadah mbaok meta ka bangsa.

Piah khik ramik saong patagok dom yaom kaom ilamo bhap bini siam gheih di urang S’tiêng, bahrau blaoh, tinh Binh Phuoc hu pamedeih Raya adat likau siam mekre di urang S’tiêng. Danak dak hu mbaok tame di rilo urang nghe nhan lac urang bangsa S’tiêng, gam haong gauk pasram saong parang iek dom adat ilamo, adaoh tamia saong dom kadha me-in bhap bini meng kal. Raya adat likau siam mekre di urang bangsa S’tiêng hu makna siam gheih, likau ka hajan siam angin lagaih, ngak hagait hu nan saong raidiuk trei sir, haniem phol ka taong abih bhap bini.

Di tinh Bac Lieu hu rilo urang naih gheih thau kham merat yam tapa kan kandah dalam raidiuk, takre bac da-a, ngak bruk, bac megru saong ngak tui jalan diukrai siam mekre di HCM. Yau ye  bruk ngak “Ngak dom ndap nda meng talei nhua katak” dalam bruk jak ba urang kumei padang mbang ngui birau di huyen Hong Dan; Bruk “ Kapol 3 bruk kham merat dalam bhap bini bangsa Khmer” di huyen Vĩnh Lợi…Dalam tinh hu 10 kapol nyaom, 23 urang hu Thu tuong Rajaei , Mban Tuyen giao saong Dan van Trung uong alin brei harak meyaom.

Tinh Dak Lak padang hu 225 kalup kapul Rilo rairah urang ta-eng dong gauk, hu jaik 11.600 urang, dalam nan hu labaih 8.200 urang praong thun umo hu mbaok tame. Tal ini, dalam tinh hu padang labaih 11,5 ty dong, daong dom urang dalam kalup kapul rai rah kan kandah hu mesraiy jien piah patagok kinh te, pasiam raidiuk. Tapa nan, ngak jeng sa labik siam mekre piah ka dom rairah daok dang haong gauk, daong gauk saong klah rabha ilamo dalam raidiuk; padang sa bhap bini gul pataom, siam gheih, anit ranam.

Dom pandap birau ini hu duah mboh di Sarak ka bruk roh duah kaya meng kan di ban Triều Dương, tỉnh Liêu Ninh, Đông Bắc Trung Quốc brei mboh bruk hu jeng dom adat pling yang hu peih ngak dahlau di ini labaih 5.000 thun. Bruk duah mboh hu dom kaya kan apui mbang saong ndap nda kaya kan ngak yang, tapa nan brei mboh hu dom adat cambat dreih yau nan hu tavak veik tapa dom jaman dalam sajarah dakrai hadei ini, piah paling po langik, yang taneh saong muk kei.

Rajaei Thai Lan brei buh tabiak 1,76 ty baht piah peih pakak danak dak pachreih “Yulit yaom meteh jien” piah jhul tagok bruk pandar jien dalam negar saong pasiam gah yulit hadei tukvak cakrok patagok suai. Danak dak brei ba tame ngak meng harei 1/7 anak tal, tal abih bilan 10/2025 ngan haong 500.000 paok tour hu trun jien. Danak dak hu caong takre brei dui pachreih takik abih 100.000 tuai damuai, brei veik jaik 3 trieu mbang nao rah rivang dalam negar, rik daong labaih 35 ty baht (labaih 1 ty USD) ka gah kinh te.

Prang pakauk njuk pakao hala di tapen tasik, bein bingu, gah langiu sang bac saong dom labik di bhap bini karei meng harei 1 bilan 7 anak tal. Ini lac bruk ba tabiak ngak piah trun takik ruah ung thu saong piah rai hadei oh njuk pakao di Prang saong rilo taneh ia karei di chau Au. Tui Mentri Y te Prang, bruk blei pakao hala ngak metai 75 ribau urang di negar Prang yaok thun, sumu 200 urang yaok harei. Bruk njuk pakao  ngak abih rilo jien di manuac sia tagok tal 150 ti Euro yaok thun./. 

Urang lang: ÁI NGHIÊM - MINH KIÊN

Viết bình luận

TIN CÙNG CHUYÊN MỤC

Video

ĐƯỢM TÌNH DUYÊN QUÊ
KADHA DAOH: NGÀY VỀ KATÊ
13/10/2023
KADHA DAOH " LANG CHAM ON BAC"
10/08/2023
ROYA YEU THUONG
17/03/2023

URANG PANG DANAK DAK (THÍNH GIẢ VỚI CHƯƠNG TRÌNH)