Par akaok nyaom biai online pakat negar peih bruk ngak y tế thun 2023 hu peih tabiak tuk dah page ini (24/2) Thủ tướng Phạm Minh Chính hu pok mayaom bruk naih gheih, siam hatung hatian, rilo ilamu dalam bruk ngak di kapul y bác sĩ saong dom bruk jak jeng bo gah Y tế ngak hu dalam thun 2022. Ngan haong jalan ba tbiak lac paglaong prein yava di taong abih gah, bruk dak padang, umo thun, chất lượng raidiuk di urang Việt Nam, dalam tukvak anak tal, Thủ tướng ieu kakei gah Y tế patui veik peih ngak siam lagaih dom jalan ngak, asal kadha, sarak di Đảng, Kanja, abih di nyu nan lac dom sarak 20, 21 ka bruk khik ramik, sangka, paglaong preinb yava di rahra saong bruk ngak ka rahra dalam tukvak bahrau. Thủ tướng ieu kakei gah y tế njauk caik prein yava di rahra tagok mangaok di abih.

 Page ini 24/2, Mentri Quoc phong peih bruk Pok meyom kapul urang lin bhap bini Viet Nam hu mbaok tame bruk ngak pahla saong daong duah urang gaok balaa megei baoh taneh di Thổ Nhĩ Kỳ birau salah bruk gilac veik mai taneh ia  hu siam mekre. Meng harei 13/2 tal harei 22/2, kapol urang lin bhap bini VN hu 76 sỹ quan, urang lin chuyen nghiep hu mbaok tame ngak bruk pahla saong daong ka urang gaok bala megei baoh taneh di Thổ Nhĩ Kỳ, dalam tuk langik oh lagaih min kapol kham duah di 31 labik , hu mboh 15 labik hu manuac dalam dom labik sang glong rilo tal jaleih kateik, hu jao veik ka gah daong di taneh ia ayut piah ba 28 rup tau  tabiak gah langiu. Kapol hu alin hadiah 25 tấn pandap y tế, jru tavao, pandap mbang daong ka bhap bini di labik megei baoh taneh.

UBND tỉnh Kiên Giang bahrau hu Harak payua tagok Thủ tướng Rajaei, Mintri KH-ĐT, Mintri jalan mbak pajeng ba hu ba tabiak jalan ngak jalan cao tốc pambuak haong ban Rạch Giá saong ban Hà Tiên ngan haong abih tih phun jien buh tame lac labaih 25.600 tỷ đồng. Tui jalan ba tabiak buh jien tame ngak danak dak piah padang ngak jalan cao tốc trục ngang gam haong jalan cao tốc Châu Đốc – Cần Thơ – Sóc Trăng pambuak haong cao tốc trục dọc Bắc - Nam gah Timun saong cao tốc Bắc - Nam gah Pai bhum ĐBSCL; tani tanat an ninh quốc phòng gah Tây Nam di taneh ia. Gah jalan ini meda nao tapa dom tinh, ban Hà Tiên, Kiên Lương, Hòn Đất, Châu Thành saong ban Rạch Giá. 

Urak ini, urang ngak sara di tỉnh Ninh Thuận daok tame bilan kuac mek sara. Yaom sara urak ini tagok khang, hu 2000 đồng sa kilo urang biak chreih chrai. Ninh Thuận hu dua labik ngak sara rilo nan lac huyen Thuận Nam soang Ninh Hải. Ong Nguyễn Hữu Nhân, Akok Jabat ngak nong saong patagok palei pala huyện Ninh Hải brei thau: Ninh Hải hu taneh ngak sara praong labaih 620 ha, dom thun tapa huyen pachreih ba, daong urang ngak sara  pandar ilamu cong nghe dalam bruk ngak tabiak sara  saong pambuak dom darak pasar piah pablei sara hu tani tanat. Ngan haong yaom sara yau urak ini, dom sang ngak sara jeng hu laba piah buh tame peih praong taneh ngak sara.     

Di tỉnh Cà Mau, bruk glut jaleih ar tasik tui kuhria daok mboh dak harei dak tagok saong lac bruk ngak kanjak jhak biak praong tal bruk raidiuk, mbang ngui, pablei salih di rahra bhum tapen tasik di tỉnh. Dalam tukvak 2011-2021, bruk glut jaleih ngak lahik labaih 5.200 ha glai tapen tasik, taeng di thun 2021 mblang taneh njauk glut jaleih di tapen tasik lac labaih 300 ha. Anak bruk ini, UBND tỉnh likau Mintri Kế hoạch - Đầu tư rami ramik ginup paok jien ka dom danak dak hu ba tabiak bruk samar drah. Dalam dom thun hadei veik, pamaong iek bruk daong phun jien ka Cà Mau patui veik buh jien tame 131,500 km danak dak pacang caga glut jaleih biak trak damak gilac veik. Abih tih phun jien bo Cà Mau caong lac labaih 970 tỷ đồng.

 Thổ Nhĩ Kỳ meda peih praong bruk pasang eik dom po padang ngak njauk medil lac ngak suan dom tanut chuan hadei di tuk rah tabiak bruk megei baoh taneh harei 6/2 meng blaoh ba tal labaih 43.550 urang metai di labik ini. Labaih 600.000 baoh sang saong 150.000 labik pablei salih njauk khut tayak. Urang ngak praong di labik ini mboh lac 564 po padang ngak hu pambak tame, dalam nan hu 160 urang njauk chap mek saong rilo urang daok duah thau ka bruk nan. Mentri noi vụ lac, karja brei padang ngak veik dom ban di dom labik lagaih, khik hu salamat jang.      

Sang iek ruak Đại học An Huy di tỉnh An Huy, Trung Quốc, hu jeng sa labik njauk chỉ trích di mangaok mạng xã hội hadei di tuk pagam maluk phôi thai tame sa urang kumei peih ngak jalan thụ tinh dalam ống nghiệm meng 8 thun dahlau. Tuk ranaih praong tagok, dua diuk pasang hu mboh medil saong di thun 2020, hadei di tuk pasang iek ADN ye mboh oh hu pambuak hagait tui ralaow darah haong ranaih, amaik ame hu nao yak sang iek ruak. Min gah sang iek ruak brei thau lac, dua diuk pasang njauk sahanang hatai veik saong klak tapa dom bruk kanjak jhak di bruk pambuak gauk di ralaow darah. Bruk ngak ini di sang iek ruak hu ngak tabiak bruk chỉ trích di mangaok mạng xã hội. 

Mbang akok meti hadei di 34 thun, Jabat Langik tasik taneh ia Mỹ (NWS) brei panuac kakei lac hu ribuk tuyet di bhum ceik gah Meraong bang California. Urak ini tuyet laih kapan tal 2,1m meda me-om dom tabung ceik vin taom dar Los Angeles, saong meda daok ngak kan kandah tal labik ini di akok dit anak. NWS jeng kakei lac bhap bini njauk caik hatai hajan khang saong ribuk di dom labik gah meraong bang  California. Langik jhak  ngak brei labaih 7.600 mbang kapal haok di dom mblang kapal haok dalam negar Mỹ njauk padeih tau klak pan dalm harei 22/3, dalam tuk nan rilo sang bac saong D.N brei kareik pabah mbang.