Harei ini 21/01, Nyaom roya pakat negar mbang XIV di Dang yam tame harei ngak bruk ka 3. Tui danak dak, harei ini, Nyaom roya caik sa harei piah ginum biai ka dom harak pathau khan tagok Nyaom roya. Dahlau di nan, biar harei kabroi, ginum biai tui Kapol nyaom dalam tani tanat njauk bruk njauk kadha, sahaneng hadah krah saong ndem meyai tapak hatai. Dom panuac pataom tame dom bruk praong di taneh ia  dalam jaman birau, meng bruk ngak brei lagaih sarak, urang jakar ngak bruk, paglong prein  khang di taneh ia,  tal bruk salih pandar taka so, patagok ilamo khoa hoc, salih birau hadah krah, rik tame patagok khang kajap pambuak haong bruk patagok lagaih saong sumu gauk dalam bhap bini.

Piah khik hu siam mekre kaya mbang Tet Nguyen dan Binh Ngo saong Roya Xuan thun 2026, Mentri Ngak nong saong Alam moi truong hu Harak payua tal dom don vi pakhang bruk pasang iek kaya mbang di dom labik ngak tabiak, pablei salih labik di drei khik iek; langyah samar  saong khan brei thau cambiac laic ka bruk ngak suan hukum pandap hacih sa-at. Dom bhum palei jak ba dom gah, tui rilo jalan ngak, pablak tame pathau khan jak ba urang ngak kaya, urang pablei salih saong urang blei pandar; sumu ngak tui dom bruk ba tabiak kaya mbang hacih sa-at.

Piah pabak kaya pablei Tet Nguyen dan, ban Can Tho peih ngak rilo danak dak, jalan ngak kuhria tui jien  blei kaya piah caga  labaih 4.100 ti dong. Urak ini, danak dak pabak kaya mbang ka bhap bini blei tapa 255 darak, parabha tal 103 phuong, xa; 20 sieu thi. Ini lac bruk ngak piah tani tanat, mbuan pabak ka darak pasar saong tani tanat raidiuk bhap bini, pacang caga dom bruk kurang xang menyek; kaya raong athur, pajaih pala, ngak tabiak kaya saong palei tabiak negar langiu.

Tỉnh Vĩnh Long kham merat tal thun 2030 hu jeng sa dalam dom pasak kinh te ngak nong di bhum taneran kraong Cuu Long. Tỉnh daok pataom tame peih ngak veik tui dom bruk, padang labik pala phun lagaih duah jien tame rilo, brei ma so labik pala…Gam haong nan padang ngak angan je, patagok bruk ngak kong, duh ka urang blei pandar. Dom jalan kraong baong, ndien, jalan mbak hu buh jien tame ngak piah duh ka bruk pala drak.

Bruk njom ia mbak di tinh Tay Ninh daok rah tabiak kan kandah. Njauk ndem tal, kraong ia Vàm Cỏ  di xa Cần Đước (Long An klak), ia mbak 4 gam sa lit njom tame dalam labaih 30km. Daok  dom jalan tapa dom xa Vàm Cỏ saong Thuận Mỹ, ia mbak 1 gam/lit  jeng tame dalam 35km. Yau nan ye, piah khik ka radiuk saong bruk ngak mbang pala drak, bhap bini di dom labik ini  brei tui iek bruk njom ia mbak saong brei padang ia caga pruh ka phun pala. 

Campuchia daok pakhang bruk pagui mek dom kol duis kong nghe glong. Meng akaok bilan 1 tal ini, jabat karja chap hu 300 urang duis negar langiu pambuak tal dom urang pachot pagat online. Dom gah chuc nang jak ba abih gauk  pasang iek rilo labik ma-in mbia, taong mbai saong labik medil lac pagat online, tapa nan duah mboh saong chap mek  urang dius, ralo lac dom urang negar Trung Quoc.

Patui bruk daong ngak pahala daong ka bhap bini Gaza gaok kan kandah dui atah, Kapol Ia bulan bhong meriak di Ai Cập hu payua veik ndap nda kaya kan daong ka urang dalam nan hu 7.600 tan kaya mbang, jru tavao, menyek meriak saong khan ao angui cuk bilan la-ar. Daok veik lac menyek meriak, jru tavao, kaya y te, ia tasau ka uranaih, phui men,  leu tamra saong khan ao ngui cuk bilan la-ar hu payua veik dalam harei ini. Ai Cập lac taneh ia ngak pahala ralo abih di Gaza dalam labaih 2 thun rah tabiak mesruh metak.

          Dom urang ilamo kakei dahlau hu sa ribuk bức xạ Ia harei tanrak biak catang, praong abih dalam 2 pluh thun tapa, daok pasang tame Baoh taneh. Bruk nan daok kandauk  ngak klaik klaoh tal he thong ve tinh, pambuak  grauk  labik di dunya (GPS). Ribuk  bức xạ  mbang ini hu dak tame labik S4 di pakat 5 lac pakat biak  jhak. Ini lac pakat “ trak”, takik rah tabiak, mbang jaik abih hu mboh di bilan 10 thun 2003. Thun 2003, dom mbang ribuk  ngak lahik ndien di Thuy Dien saong khut tayak mac bien ap di Nam Phi dalam mbang ribuk Halloween”./.