Nyaom roya vakil Phat giao TPHCM mbang I, vaktu 2026-2031 ngan haong “Adat hukum - Salih birau - Ngak tui - Kein lagaih”, peih ngak dalam dua harei 4 saong harei 5/4 di hoi truong Viet Nam Quoc Tự, kuhria labaih 600 urang lambaok valik. Tui  peih ngak ini brei mboh an sinh xa hoi ngan haong phun jien buh tame ngak labaih 4.117 ti dong. Nyaom roya  mbang ini brei pataom tame paglong asar kadha, khik brei ngak njauk dom kadha ka bruk ngak, patui veik  bruk dak ramik pataom tame dom mban pagap mbiah.

Mentri Noi vu pambuak haong UBND TP. Cần Thơ peih Labik pato Danak dak oh mek jien kein laba ka urang ngak bruk di negar langiu. Bruk peih Labik patao di Can Tho lac jalan piah langyah kan kandah ini, ba sarak  ngak bruk, tani tanat di Karja  mai haong bhap bini di bhum Tay Nam Bo. Njauk ndem tal, danak dak daok hu srak paba tanut diem ka urang dalam sarak yau urang kathaot, urang ngak bruk di labik biak kan kandah…

Kapol T& T Group saong UBND tỉnh An Giang birau padang ngak Danak dak buh jien tame padang ngak ha tang Khu kong nghiep Vàm Cống praong 199 ha, phun jien buh tame 4.800 ti dong. Ini lac danak dak ha tang kong nghiep praong di bhum palei, rik tame jhul pakhang bruk ngak mbang kinh te- xa hoi tinh dalam vaktu birau, tui nan pambuak bruk salih co cau kinh te meng pasak ngak kaya tamo tapa ngak jeng ndap nda saong logistics yaom glong di tinh saong dalam bhum taneran kraong Cuu Long.

Meng akaok thun mbiah tal ini tỉnh Tây Ninh hu 2 urang ruak kayua athau meruai kaik saong hu blaoh 4 urang metai. Anak bruk nan, So Ngak nong saong Alam moi truong tinh khan brei thau, caong khin dom gah, karja palei  samar peih ngak dom jalan pacang caga. Dalam nan, caong khin jhul pakhang bruk pathau khan mbuan metai kayua ruak meruai, tacei pato brei klauk pacang caga athau, meyao, khik iek athur raong tani tanat, oh palao. 

Hajan ia patau gam hangin khang, jakala klak rah tabiak dalam dua harei tapa di rilo tinh, ban gah Barak ngak khat lahik biak trak. Dalam nan hu 4 urang metai, rilo urang karei njauk rambuac, yaok rituh ha njam patam jaoh jaleih, 1.280 drei manuk ada metai. Hadei tuk langik rah tabiak, karja dom bhum palei ja ba bollin daong ka bhap bini ramik pasiam, samar tani tanat raidiuk.

Pachot pahat lac bruk ba tal bhap bini Austarlia having akaok thun 2025 bhap bini taneh ia ini khat lahik labaih 2 ti dola Australia. Njauk caik hatai, dom urang pachot pagat  umo meng 25 tal 44 thun, dalam nan hu rilo bhap bini  di labik ini saong urang jaoh jo. Kol pachot pagat  bhian klaik jien saong angan je urang tapa web saong mang xa hoi.

Gah Yulit Malaysia daok dang anak dom bruk kan kandah hadei tuk sraw kadau chinh tri di Trung Dong. Dalam dom adit puac bilan 3, gah yulit dunya hu 2.800 mbang padei mai rivang sirah. Anak bruk nan, rajaei daok pasang iek bruk ramik pasiam yulit piah takik pambak tame bhum Trung Dong.

Dom urang patuh phao tame anek saih sinh vien bac dai hoc di bang Plateau, bhum kreh negar Nigeria melam 29/3, ba tal takik abih lac 13 urang metai saong rilo urang karei njauk rambuac. Dom mbang patuh phao di bang Plateau meneing lac bruk taong paoh dui atah di Nigeria, labik meriak gauk ka taneh riya saong mblang hareik di urang raong glang athur tui agama Islam saong dom bhap bini urang ngak nong tui agama Cơ đốc. Dom kapol nyaom duis daok ngak bruk./.