Dalam harei ngak bruk akaok meti di mbang nyaom 8, Quoc hoi mbang 15, biar harei kabroi, Quoc jhoi palih ruak Ủy viên Mentri Chinh tri, Thường trực Ban Bi thu Lương Cường pok ngak Akok negar CHXHCNVN vaktu 2021-2026. Sarak ka bruk palih ruah ong Lương Cường ngak akok negar hu dom urang jakar Quoc hoi yer tangin njauk hatai ralo. Patui di nan brei panuac taduan ngak bruk, Akok negar Lương Cương khan brei thau hatai sahaneng, hadah mbaok meta saong thau cambaic laic  ka bruk biak praong anak Ndang, Karja, Bhap bini tuk Quoc hoi jia hatai, palih ruah pok ngak  Akok negar CHXHCNVN. 

Harei Pataom mbaok rakala bol dom bangsa takik tinh Dak Lak mbang ka IV, thun 2024 hu rah tabiak dalam 2 harei 24 saong 25/10 anak tal haong bruk hu mbaok di 333 rakala bol, lambaok ka 49 bangsa daok diukrai, bac megru saong ngak bruk dalam tinh. Harei Pataom mbaok pok meyaom saong alin hadiah pandap panda ka dom kapul, urang menuac kreih camin dalam bhap bini bangsa takik, gam haong nan patui veik pachreih saong ngak medeih hatai anit ranam bangsa, hatai eng ngak eng patagok prein khang gul pataom dom bangsa kayua jalan ngak rahra meda, taneh ia khang, xa hoi samu gauk, dan chu, ilamo…

Peih ngak tui jalan tacei ba di Tinh uy Kon Tum ka bruk Jak ba “ Ngak brei salih jalan sahaneng, jalan ngak di bhap bini bangsa takik, ngak brei bhap bini bangsa takik yam tagok tapa truh kathaot khang kajap”, meng thun 2021 mbiah tal ini, huyen Sa Thầy  peih ngak 61 bruk kuhria taong abih jien  jaik 10 ty dong; hu labiah 1.400 baoh sang urang bangsa taki hu tame; labaih 400 baoh sang hu tame pala glai ngak mbang pala drak di taneh praong 542 ha. Hadei 3 thun hu labaih 4.000 baoh sang tapa truh kathaot saong jaik kathaot, raidiuk mbang ngui, jalan sahaneng hu patagok.

Tal tukvak ini, tinh Ben Tre peih jien brei hu labaih 2.422 ty dong phun jien buh tame ngak công, mek hu labaih 52% jalan ngak dalam thun, oh ka mek hu jalan ngak ba tabiak. Tinh Ben Tre hu peih ngak rilo bruk ngak catang; dalam nan ngak 6 mbang salih phun jien meng dom danak dak suai tapa dom danak dak hu samar drah siam, haong abih tih phun jien salih tagok tal 231 tỷ đồng. Dom sở, ngành chuc nang patui veik pasang iek saong pachreih dom po buh jien tame ngak salah blaoh harak bi-ar ruah sang thầu ngan haong dom danak dak hu brei tapa; samu salih jalan ngak phun jien, daong dom po buh jien tame jhul samar drah bruk peih jien brei.

Dom harei tapa, ia ndik tagok glong ngak dauk ralo labik di ban Mỹ Tho, tinh Tien Giang, ngak kan kandah tal raidiuk bruk nao mai daok dang di bhap bini. Hu biak ralo bein phun mbang baoh, sang bhap bini, jalan mbak nao mai tuk ia tagok ngak dauk. Tapa dom mbang ia ndik meng dahlau diah hu thau kuhria, bhap bini Mỹ Tho pandon drap ar dalam sang tagok glong, plaik khut khat. Kong ty TNHH Khai thác công trình thủy lợi Tiền Giang peih pabah ribaong ia Bảo Định piah tathuak ia tabiak gah langiu yau nan ye oh ngak dauk yau dom mbang ia ndik meng dahlau.

Harei kabroi, Nyaom biai Pakat glaong Rilo sinh học Liên hợp quốc mbang ka 16 (COP16) peih pakak di Cali, Colombia, Haong angan “Siam mekre haong langik tasik”, harei nyaom biai ba tabiak dom cơ chế pasang iek saong daong piah khik kajap bruk njauk hatai saong gauk 23 jalan ngak di Liên hợp quốc, pacang cakak saong pableik bruk kurang di athur, phun dalam thun 2030. Dalam panuac payua tal hareinyaom biai, Tổng Thu ky Liên hợp quốc Antonio Guterres ndom lac: “Dom urang mbang tui langik tasik lac brei hu daong tame bruk pacang khik saong pasiam veik langik taasik”.

Tổng Thư ký Ủy ban Đầu tư Thái Lan Narit Thersteerasukdi harei kabroi khan lac, Ủy ban Đầu tư Thái Lan hu taduan jaik 2.200 harak đơn brei buh jien kuhria abih tih tagok tal 722 tỷ Baht (sumu labaih  21 tỷ USD) dalam 9 bilan tapa. Ini jeng lac  jien buh tame ngak glong abih dalam 10 thun tapa di taneh ia ini. Ralo dom harak đơn  tut angan  meng negar langiu pamong tal gah kong  nghe glong yau dom danak dal patagok pasak dữ liệu, asar bán dẫn, bo mạch điện tử, radaih điện saong  phụ tùng, menyek pariak. Ini lac dom gah kinh te birau, hu makna biak praong dalam bruk salih padang veik bruk ngak mbang kinh te Thái Lan./.

 Urang danei angan phling pop lac urang Mỹ Lionel Richie, sa urang pagam haong kadha adaoh hit "Hello", bahrau pathau khan peih ngak mbang parang iek bahrau di châu Âu dalam bal pataih thun anak. Tui bruk brei thau di radaoh umo 75 thun, nan lac dom labik mai parang iek siam gheih abih dalam dunya, labik bo sa mbang mai tal ini, ong mboh yau hu mai sang di drei. Ong brei thau drei biak patuah jamo tuk hu kadha adaoh hit daok dalam hatai urang takre luac 50 thun tapa.