Page ini, di Nyaom roya Dang bo TPHCM mbang I, ong Trần Lưu Quang, Bi thu Trung uong Dang, hu Mentri Chinh tri, Mban Bi thu tacei ba pok ngak Bi thu Thanh uy THCM vaktu 2025 -2030. Ong Lê Quốc Phong, Bí thư Tỉnh ủy Đồng Tháp, hu ba mai ngak Pho Bi thu Thuong truc Thanh uy TPHCM. Jeng dalam nyaom roya ini, Mban ngak bruk Pakat negar khan dom sarak ka dom ong, muk  ngak Pho Bi thu Thanh uy TPHCM, nan lac: Ong Võ Văn Minh, Chủ tịch HĐND TP.HCM, ong Nguyễn Văn Được, Chủ tịch UBND TP.HCM; ong Nguyễn Phước Lộc, Akok Ủy ban MTTQ Việt Nam TP.HCM; ong Đặng Minh Thông saong muk Văn Thị Bạch Tuyết. Yau nan, Thường trực Thành ủy TP.HCM hu Bi thu Thành ủy Trần Lưu Quang saong 6 Phó Bí thư.

Pho Akok UBND Ban Can Tho Trần Chí Hùng birau ngak bruk haong dom so, dom gah pambuak tal saong Tong kong ty dien pakat negar piah biai gauk ba tabiak bruk paduan ba jalan talei dien 220 Kv tavak tame Danak dak jalan peih drah samar Châu Đốc - Cần Thơ - Sóc Trăng tapa Ban Cần Thơ. Ong Trần Chí Hùng caong khin Mban Khik iek danak dak buh jien tame padang ngak danak dak jalan mbak saong bruk ngak nong pambuak, daong ka gah dien panduan jalan dien hu samar, rik tame jhul pakhang bruk ngak jalan peih ngak taong abih jalan peih drah samar Châu Đốc - Cần Thơ - Sóc Trăng.

Tỉnh Vĩnh Long daok ngak tui sarak daong BHXH yaok bilan ka urang taha umo ginup meng 70 tagok tui Sarak ka 176 di Rajaei. Hadei karja 2 pakat tame ngak bruk tani tanat, dom bhum palei dalam tinh Vĩnh Long vak angan dom urang taha umo dalam sarak, brei mboh sangka di Dang saong Karja daong ka urang taha, njauk ndem tal lac urang sang kathaot, jaik kathaot, daok jua metui; taong abih bruk nan lac oh caik thei daok veik gah likuh. Tui yaok kuhria dalam tinh Vĩnh Long hu labaih 100 ribau urang hu ginup mbang tui sarak nan. 

Sang iek ruak Đa khoa Tâm Anh saong Sang iek ruak Nhân dân 115 birau mbaoh tangin taong abih bruk daong ka urang ruak saong paglong  prein roh duah ilamo tanut chuan dunya. Tui harak nan, dua sang iek ruak pambuak taong abih gah dalam bruk cap cuu saong jru ruak ka urang, njauk ndem lac ruak dot quỵ tuk 2 sang iek ruak hu prein khang ka dom urang ilamo, gru jru naih joi gam hu daong dom mac jamraih ribau di dunya di Tâm Anh piah meng nan daong hu drah, jru ruak, blaic raih meng robot ka urang ruak oh lac tame sang iek ruak halei.

Bruk glut jaleih ar kraong, ribaong di tinh Dong Thap daok rah tabiak biak trak, ngak kan kandah tal bruk nao mai, labik daok saong bruk ngak mbang di bhap bini. Dalam tuk nan, bruk pasiam veik dom labik gkut jaleih daok suai damuai kayua kan kandah phun jien. Tui So Ngak nong – Moi truong  tinh Dong Thap, don vi pambuak haong karja palei pasang duah dom labik glut jaleih  tapen ar kraong Phú An piah ba tabiak bruk ngak pacang caga. Langiu dom jalan ngak danak dak yau ar pacang, karja sang bhap bini brei ngak tui dom jalan yau pala phun pacang riyak paoh,  khik caga taneh tapen kraong piah caga bruk glut jaleih.

UB chau Au khan tapa bruk jak ba rik jien tame hu jaik 50 trieu euro meng Kadung jien  khik piah gah ngak nong piah daong ka urang ngak nong dom taneh ia Trung - Dong Au daok khat lahik  kayua langik oh lagaih. Njauk ndem tal, dom taneh ia ini meda brei pabak jien daong meng UB chau Au tagok tal 200% sumu kadung jien negar, daong peih praong bruk daong saong pakhang bruk ngak hu siam.

Mentri Jien padai Thai Lan harei kabroi 13/10 khan lac 3 sarak pachreih bruk ngak mbang gah yulit dalam negar jaik ba tabiak di puac bilan 10 ini piah jhul pakhang bruk cakrok patagok gah yulit saong bruk patagok kinh te. Tui nan, dom kapol nyaom di rajaei saong daonh nghiep karja oh mek jien je doanh nghiep ngan haong bruk peih ngak di dom bhum taneh yaom lac labik sirah rivang ma-in dhi ka 2. Rajaei kuhria brei parabha 7 ti Baht (sumu labaih 214 trieu USD) piah daong ka bruk roh duah birau ini.

Muk taha angan Manuel Alvarez, ma-in cờ patao naih joi umo praong thun abih di Tay Ban Nha, pahadar harei menek mbang ka 104 di harei kabroi tapa bruk pakacah ma-in cơ patao biak praong di labik Valdebernardo, Madrid. Yai pakacah pachreih hu 160 urang hu mbaok tame piah meyaom drap ar lavik thun di amuk Manuel Alvarez  dalam janih pakacah ini. Muk taha angan Manuel Alvarez hu biak rilo urang ma-in cờ patao Tay Ban Nha  pachreih takre kayua mboh bruk ngak saong umo thun di amuk./.