Harei ini, UBTV Quoc hoi daok duah thau hatai sahaneng ka dom danak dak Hukum ramik pasiam, pabak dom asar kadha di Hukum Sở hữu trí tuệ; Hukum Patagok kong nghiep ilimo; Hukum Kaya mbang hacih sa-at (pasiam veik) saong Hukum Ngak po di bhap bini (pasiam veik). Dahlau di nan, biar harei 23/9 brei panuac ka Hukum An ninh dữ liệu, UBTVQH  njauk hatai ka bruk ba tabiak Hukum An ninh dữ liệu, pah pacang bruk parabha, kateik angaok gauk; brei ngak dahlau acang caga bruk ngak blaoh tabiak khaw tin, tame tavak mek du lieu jeng yau dom bruk khat lahik dien toan luong tu saong pabak ralo bruk. Tapa nan, padang hukum khik iek kaya drap ar pakat negar meng avak dahlau, meng atah.

Jaik 500 bruk ngak ka urang jaoh jo hu dom doanh nghiep ba tame Harei nyaom duah bruk ngak ka urang jaoh jo di TPHCM thun ini. Harei nyaom roya pachrieh 38 doanh nghiep hu mbaok tame, dalam nan hu 24 doanh nghiep caong khin palih ruah urang jaoh jo tame ngak. Meng akaok thun tal ini, Pasak Khik iek - Pato bruk ngak saong Brei bruk ngak TPHCM yaih khan tal labaih 200 urang jaoh jo, dalam nan labaih 30% tame ngak bruk saong ngak suai lavik.

Hadei sa thun ia ribuk sua biak praong, rilo baoh sang di tinh Dak Lak oh ka taduan hu jien daong athur raong metai lahik kayua ribuk ia sua. Di palei Phú Hữu, xã Hòa Thịnh, daok labaih 200 drei limo saong labaih 19.000 drei manuk oh ka daong jien. Bruk nan kayua dom baoh sang ini oh ngak njauk tui Hukum raong glang. Di phuong Hòa Hiệp, karja pak ini buh tabiak labaih 6 ti dong  daong ka baoh sang hu phun pala, athur raong metai kayua bala meng langik. Meyah ngak njauk tui harak gal, labaih 200 trieu dong ye ginup. 

Tinh Dong Thap samar kuhria caga ginup piah taduan veik 12 drei sếu akaok bhong kayua negar Thai Lan alin brei. Dalam nan hu 8 drei sếu anek saong 4 drei praong. Dahlau di nan, harei 20/4, Bein pakat negar Tràm Chim taduan hu 6 drei sếu  akaok bhong meng Thai Lan  tui jalan kapal ahaok. Bruk taduan hu 12 drei sếu mbang ini piah parilo taphon sếu dalam bein Tràm Chim, rik tame  ngak brei pasiam taphon sếu akaok bhong di bhum taneh ia dauk di Dong Thap.

Rayo Khi tuong thuy van Ban Can Tho  kakei dahlau, kayua ribuk  ia gah angaok kraong  gam hajan paraong ngak ia di Can Tho tagok samar saong glong. Tui kuhria mboh dahlau, meng harei 25 tal harei 29/9, ia di kraong Hậu saong ribaong ia Cái Côn, ribaong xáng Xà No yam tapa pakat III, ba tal  dom labik langiu ar pacang saong labik dhaong di ban do thi dauk dalam ia ngak kan kandah tal raidiuk, bruk ngak mbang di bhap bini. Yau nan nan, dom bhum palei  saong bhap bini brei ngak ar kajap, caga mac njuk pruh ia saong nda nda ngak brei tathuak ia.

Nyaom biai dunya ka Bruk pacang caga pachot pagat online ngan haong kadha “Daong gauk ngak bruk piah pacang caga saong atah klak pagat online” daok rah tabiak di Campuchia, hu mbaok tame di labaih 30 taneh ia saong kapol dunya. Thu tuong Campuchia Hun Manet khan lac, Campuchia tuk halei jeng brei pambuak taong abih gah iek praong bruk ngak po saong ngak njauk tui hukum negar. Gah Campuchia caong khin Nyaom biai brei khan tapa Tuyen bo chung Phnom Penh piah pakajap bruk hop tac dunya pacang bruk ini.

Tui Akok lambaok Jabat LHQ ka Matuy saong Kol dius, pachot pagat online daok ngak jeng bruk mbang duah jien di dom kapol nyaom ini, kol nyu oh padeih peih praong bruk nan tapa rilo taneh ia biak samar, having akaok. Ta-eng bhum Đông Á, Đông Nam Á, Australia saong New Zealand, khat lahik tagok tal 114 ty USD yaok thun saong daok tagok veik. Dalam tuk nan, di Mỹ khat lahik labaih 10 ti USD yaok thun.

Takik abih lac 11 urang metai dalam mbang patuh phao birau rah tabiak di Nam Phi. Mac jamraih patuh oh ka thau. Canh sat Nam Phi peih bruk duah thau, gam peih bruk an ninh quy mo prang piah duah urang ngak bruk ini. Nam Phi mboh hu ralo mbang taong tame  yau ini, dalam nan hu mbang patuh phao di Johannesburg di bilan 6 b atal 12 urang metai./.