Page ini, peih pakak Nyaom roya urang Quoc hoi ngak bruk mbang ka 1, mbnag 16. Tui danak dak, dom urang Quoc hoi chuyen trach  ginum biai brei panuac ka dom danak dak hukum  gah kinh te, jien padai. Biar harei, biai ka dom hukum ilimo khoa hoc, kong nghe, moi truong. Page harei 29/9, dom urang Quoc hoi chuyen trach  ginum biai ka dom hukum di gah hanh chinh, tu phap. Ini lac dom danak dak hukum  hu Quoc hoi pasang ieik di mbang nyaom ka 2, kuhria peih pakak di harei 17/10, tamat di harei 20/11.

Danak dak Mblang kapal Long Thành  daok yam tame bruk ngak blaoh sam jang sang ga taduan raok tuai, piah ba tame pandar di bilan 10 saong pamong tal ngak duah jien tame di puac bilan 2026. Di pasak  saong gah Pei sang ga, urang ngak kong daok ngak brei salah dom danak dak yau labik ngak harak gal, takai nyal mac, pagam jaraih saong kong nghe. Rilo jalan birau hu pandar, dalam nan hu check-in meng trắc sinh hoc, payua ndap nda eng saong dom harak eng drei. Tui bruk ba tabiak, mblang kapal ahaok  Long Thành ngak iek dalam dom bilan 9 -11 saong brei kuhria mek jien meng harei 1 bilan 12 anak tal.

UBND tinh Gia Lai caong khin dom jabat chuc nang jhul khang bruk kuhria caga buh jien tame ngak 25 balai y te xa bhum taphia negar, bhum biak kan kandah dalam tinh. Danak dak kuhria labaih 288 ti dong; peih ngak di 25 xã bhum taphia negar, kaoh pulao, bhum ceik kan kandah. Dalam nan, hu 216 ti dong ka bruk ngak jalan mbak sang danaok saong labaih 72 ti dong blei mac jamraih y te. UBND tinh Gia Lai iew dom jabat, bhum palei ngak salah  harak ho so, harak gal, piah hu mesre phun jien. So Y te tui iek bruk peih ngak, khan brei thau dom kan kandah, tavak tavaiy.

Sa ar pacang kraong di kaoh pulao Cái Gà, di palei Long Thới, xã Chợ Lách, tỉnh Vĩnh Long glut jaleih, ngak ia kraong Hàm Luông sre tame, rilo bein phun kayau, bingu saong hlung danao raong kaya ia di bhap bini dauk abih. Kuhria khat lahik labaih 2 ty dong. Karja bhum palei jak ba gah chuc nang ngak brei kajap dom labik mbuan glut jaleih, daong rahra pambuan ba kaya ngui, khik brei siam mekre; tui nan pasang iek taong abih ar pacang pulao Cái Gà piah caga dahlau bruk glut jaleih.

Dom harei tapa, di tinh Ca Mau, hajan praong dui atah di ralo labik ngak yaok ribau ha padai He thu daok tathak dauk dalam ia, jaoh jaleih. Piah takik khat lahik, bol lin ngak bruk pak ini daok ngak kajap ar ribaong kraong,  jhul pasamar njuk pruh ia di dom labik dhaong caga dom harei anak tal ia tagok glong samar saong ngak dauk. Tapa yaok kuhria, dom harei tapa hu hajan praong, ba tal labaih 6.860 ha padai he thu di Cà Mau dauk dalam ia, jaoh jaleih.

Hadei rilo harei hajan praong rah tabiak gam gam di ban ine Bangkok, Thái Lan, ngak dauk  trak, jalan nao mai oh hu saong raidiuk kan kandah ralo. Karja  Bangkok  khan brei thau 50 quan lac bhum bala saong peih ngak dom jalan pasamar, daong ka urang umo taha, ruak ndih sa labik saong dom kapol mbuan gaok kan kandah. Dom sang bac hu pandar  ngak labik daok anak meta. Dalam dua harei akaok adit ini urang jakar di dom bhum palei brei padeih ngak bruk.

Indonesia daok jhul pakhang padang dua labik khik kaya kan tathik di Tathik Biển Banda saong bhum tathik gah Pei pulao Sumatra, kuhria taneh praong abih hu jaik 24 trieu ha. Bruk padang dua labik pulao meda duah hu jien labaih 1 ty USD di thun 2045. Kein laba kinh te meda pasiam veik bruk khik piah kaya ia dalam labik khik pacang saong dom labik taong chap jaik nan; ba tame duh ka tuai rivang sinh thai saong kinh te tathik khang kajap.

Dalam 72 tuk tapa, dom bol lin pan phao karaong di Yemen peih yaok rituh mbang patuh phao, ngak khat lahik trak di bol lin Houthi, ba tal labaih 2.300 uranh cuh phao tabiak truh mesruh metak. Ndem ka drei, Houthi khan lac meblah hu rilo labik, ngak khat lahik trak ka Yemen kayua Saudi Arabia daong gah likuh. Tui pathau khan, tapa nan brei mboh bruk ngak pap di kol nyu dak harei dak jhak di Yemen./.