Page ini harei 9/10, Nyaom roya Dang bo tinh Tay Ninh mbang ka I, vaktu 2025 -2030 hu peih ngak. Bi thu Tinh uy Tay Ninh Nguyễn Văn Quyết mboh lac, bruk pagam tinh hu mboh cambaic laic jang prein khang piah dak padang bruk cakrok patagok khang kajap samar, karo kham merat ba Tay Ninh tame nyaom 10 tinh dang dang kaok dalam negar ka bruk ngak kinh te saong raidiuk siam mekre. Labik biak lagaih - gam pambuak bhum Dong Nam Bo haong TPHCM saong Dong Nai, gam lac pabah mbang pambuak bhum gah Pei negar Campuchia, ASEAN, Tây Ninh daok hu rilo lagaih piah cakrok patagok dalam dom gah  kong nghiep cong nghe glong, yulit, logistics saong pablei kaya tabiak negar langiu.

Nyaom roya Dang bo TP.HCM mbang ka I, vaktu 2025-2030 peih ngak meng harei 13 tal 15/10 ngan haong 550 urang lambaok. Nyaom roya lac bruk chinh tri praong, ba tabiak jalan ngak anak tal saong jalan ngak tabiak piah dak padang TPHCM jeng medil do thi rilo pasak hadei tuk pagam tame tinh Binh Duong saong Ba Ria - Vung Tau. Sa bruk njauk caik hatai di Nyaom roya mbang ini lac bruk pandar pandar taka so saong papar sap papar binguk tapak di 4 labik, dalam nan hu 3 bhum palei saong dac khu Côn Đảo, piah duah thau hatai caong khin di bhap bini.

Kong an Ban Can Tho jak ba urang jakar, urang lin kong an ban rik daong jien labaih 5,7 ti dong rik daong ka urang bhum gaok ribuk ia sua mbang ka 10. Dahlau di nan, di Jabat  UB Trung uong  MTTQVN, Kapol urang jakar Ban Cần Thơ hu jao brei harak jien 2,5 ti dong rik daong ka dom tinh Thanh Hóa, Hà Tĩnh, Nghệ An, Ninh Bình saong Quảng Trị pasiam bruk hadei ribuk ka 10.

Mentri Ngak nong saong Alam moi truong saong UBND tinh Dak Lak peih Nyaom biai “ Iek kuhria veik bruk ngak mbang pala drak, khik caga phun pala thun 2025 saong peih ngak mbang pala drak thun 2026 bhum Tasik Nam Trung Bộ – Tây Nguyên”. Langiu di dom bruk siam lagaih, dom bhum palei khin pakhang bruk pasram ilamo ka urang jakar bhum palei piah patagok hu siam jang. Yaom lac bruk oh lagaih di langik taneh riya saong dom bruk salih karei harei tuk dak ramik karja bhum  palei dua pakat, bruk ngak nong dalam bhum hu tagok kajap.  

Mbiah tal ini, tinh Gia Lai ngak hu rilo bruk jak jeng siam mekre dalam danak dak “ Yaok sa xa sa pandap - OCOP”, abih di nyu dom bhum urang bangsa takik. Dalam tinh hu labaih 780 kaya OCOP, dalam nan hu 83 kaya mek hu 4 patuk, 690 kaya hu 3 patuk. Ralo  pandap mbang, menyum, jru tavao saong kaya ngak meng tangin, brei mboh ilamo bhum glong saong bruk bac megru hu di bhap bini bangsa takik yau: café, asar pa-okblait, macca, manuk , alak, ia hani danko, rilo limo thu, brah…

Yai Nobel Hóa học thun 2025 hu alin meyaom ka 3 urang nan lac Susumu Kitagawa: (Đại học Kyoto, Nhật Bản), Richard Robson: (Đại học Melbourne, Australia), Omar M. Yaghi: (Đại học California, Mỹ)  roh duah tabiak kadha birau ka kim loai huu co – sa janih birau hu gilong huan, brei athak khi saong dom hoa chat tame tabiak. Mbuan ngak brei tui hatai, khung kim loai huu co meda padang ngak piah khik atau ba dom asar , ba dien saong ngak samar phan ung.

Yam ndoc Điều hành Kadung jien Dunya, muk Kristalina Georgieva mboh lac, bruk ngak kinh te dunya brei mboh bruk pasiam veik samar jang kuhria dahlau yaom lac gaok rilo kan kandah. Bruk sraw kadau nan tapa yaom ameh tagok glong. Yau nan min, tui muk Georgieva, tui taka so kinh te birau ini brei mboh bruk jien padai Mỹ daok trun, yau nan ye brei cakak trun kadung jien lien bang daok kurang biak ralo.

Karja Labik tu tri bangsa Choang Quảng Tây, Trung Quốc, harei kabroi 8/10 pathau khan ia ribuk sua tagok pakat glong kanjik katam, hadei pakat bhong glong abih, tuk ia ribuk tagok di rilo ia kraong jneg tagok biak glong. Pasak thuy van Quang Tay kuhria mboh dahlau, dalam 5 harei anak tal, ia ribuk daok tagok glong di rilo kraong, hu labik ia kraong tagok labaih 5 met./.