Page ini 20/1, di Pasak Nyaom biai pakat negar , Ha Noi,  tui kadha “Jum pataom - Po rup drei - Pahukum - Paglong bruk - Patagok”, Nyaom roya pakat negar mbang XIV di Đảng  hu peih ngak dalam prang prang hu 1.586 urang lambaok vakil ka labaih 5,6 trieu dang vien. Nyaom roya taduan raok dom urang ngak praong di Dang saong Karja, urang dahlau lac UV Mentri Chinh tri, Ủy viên Ban Bí thư, Ủy viên Trung ương Đảng, gam haong dom urang nhan si,  tri thuc, urang hlau janeng, urang nghe si saong dam dara  naih gheih  di grauk labik mai hu mbaok. Nyaom roya XIV peih ngak meng harei 19 tal harei 25.1. Harei kabroi, Nyaom roya hu ginum biai tru bi. Dahlau tuk tame nyom biai,  dom urang hu nao sirah rivang Kalan Chu tich Ho Chi Minh saong pok bingu, cuh gahlau di Labik pahadar dom anh hung liet si.

Kham merat paglong asar bruk ngak di karja, tukvak tapa tinh Lam Dong peih ngak samar rilo jalan ka bruk kuhria urang jakar ngak bruk. Ong Hồ Văn Mười, Akok UBND tỉnh Lâm Đồng khan lac, parabha njauk bruk, urang jakar  ngak siam bruk di drei, paglong jalna sahaneng, bruk langyah  samar , siam jang, takik plaik njiak bruk.

Bol lin Biên phòng ban Cần Thơ pambuak  haong daom don vi pathau khan, pambak praong hukum ka labaih 1.000 anek saih di bhum palei taphia negar tathik. Tap var pathau khan dakwah  dom kadha ka bruk ngak po tathik, kaoh pulao negar; dom bruk khik caga rup eng anak kol jak ba matuy jru phiel; bruk pablei manuac, meng nan  brei ngak njauk tui  dom hukum karja, trun takik dom bruk ngak suan hukum di dam dara…rik tame ngak brei siam abih gah ka anek saih saong paglong bruk pato megru. 

Urak ini, po bein pala durian di tinh Dong Thap biak uan tabuan tuk yaom durian tagok glong. Urak ini,  baoh durian  pajaih Monthong, janih ka 1 pablei yaom meng 105 -110 ribau dong sa kilo. Baoh durian hu yaom glong lac kayua jaik Tet, bruk bei piah pablei tabiak negar Trung Quoc tagok rilo; dalam tuk nan, taneh pala durian  di tinh Tiền Giang tal tuk brei paik baoh biak takik, mbuan ba tal bruk ngak tabiak takik jang urang caong blei.

Thun 2025, kuhria yaok adit di Ban raya HCM rah tabiak 1 mbang “ pagat mek manuac tapa jalan online”. Dalam bilan 1 thun ini hu 16 mbang. Dak harei dal tagok glong saong kan thau dahlau. Kong an TP HCM kakei bhap bini brei pang tani tanat tuk hu manuac iew phone mai, payua tin nhan gham, palua drei; brei pasang iek, pambuak haong urang dalam sang drei; juai payua jien ka kol nan saong samar khan brei jabat kong an thau piah hu daong.

Thu tuong Nhat Ban Takaichi Sanae kham merat brei yah klak ha vien piah palih ruah aval. Langyah ka sarak nan muk Takaichi ndem cambaic laic: bruk pamong tal bhap bini Nhat Ban taong yaom rup dahlak  hu ngak siam di sa Thu tuong atau oh. Muk Takaichi jeng khan lac dom bruk bo Nhat Ban daok dang anak yaom kaom tagok glong, bhap bini umo taha rilo…, gam brei mboh tapa bruk palih ruah piah tani tanat rajaei, pamong tal bruk peih ngak hu siam dom sarak jhul pasamar saong salih jalan ngak mbang hu tani tanat saong khik brei siam mekre ka bhap bini.

Kim ngach pablei salih kaya kan di Trung Quoc saong bhum Trung Á mbang akaok meti yam tapa 100 ti USD, brei mboh bruk praong dalam pambuak kinh te di labik ini. Dom urang kinh te Trung Quoc mboh lac, bruk ngak hu yau nan mai meng bruk patagok di rilo gah, njauk ndem tal dom bruk pablei salih birau pambak praong tabiak rilo taneh ia tagok samar, gam haong nan peih praong jalna mbak gilang caik piah pandap, logistics saong pambuak bruk ngak mbang haong negar langiu.

Tong thong Guatemala khan lac bruk pandar ba bol lin, dui atah 30 harei kayua kol kanjiak jhak. Dahlau nan, gah an ninh  Guatemala daong hu 10 urang lin khik dom sang guk, khan lac hu 7 urang lin cảnh sát metai saong 10 urang karei njauk rambuac. Dom kol ini taong tame rilo jabat  canh sat hadei an ninh sang guk hu gah an ninh khik iek catang./.