Uy mban Thuong vu Quoc hoi hu brei tapa Sarak ka bruk pasiam tanut patrun tui baoh sang ka jien je di jien mek tame di menuac urang. Tui nan tanut patrun  ngan haong urang kak je lac 15,5 trieu dong sa bilan saong tanut patrun ngan haong yaok urang patui tame lac 6,2 trieu dong sa bilan. Yau nan ngan haong jalan pasiam ini, urang hu jien mek tame 15 trieu dong sa bilan oh brei kak je hadei tuk kaoh abih paok jien bao hiem xa hoi, y te, oh hu bruk ngak.

Mbiah tal ini, dalam negar hu labaih 68% baoh sang bhap bini hu pandar ia hacih, dalam nan hu 60% baoh sang pandar ia hacih meng dom danak dak ba ia pataom sa labik, daok 8% baoh sang bhap bini hu pabak ia meng baoh sang. Tui ong Lương Văn Anh, Pho akok Cục Khik iek  saong Padang ngak  danak dak ribaong kraong, Mentri Ngak nong saong alam moi truong, bruk ngak pakat negar ka ia hacih saong palei pala tal thun 2030,pamong tal thun 2045; kham merat 80% bhap bini palei pala hu pandar ia hacih.

Di labik Ban raya Ho Chi Minh hu taong abih 193 baoh sang daok dalam bruk daong sarak sang daok ka urang daong katmang meng kal. Dalam tukvak anak tal, Ban raya Ho Chi Minh brei pasang iek, padang jalan langyah piah patui veik pato tacei bruk ngak ka lagaih haong karja palei 2 pakat. Gam haong nan, thau ka bruk daok rahra tabiak, dil samu pathau khan, dil samu taoh talaih, langyah dom kan kandah tavak tavaiy dalam bruk peih ngak di bhum palei.

Dalam 9 bilan tapa, kuhria taong abih ndap nda di Ban Can Tho kuhria tagok jaik 7,4%.  Bruk ngak kinh te 9 bilan thun ini sumu labaih 224.600 ti dong. Urak ini Ban Can Tho daok jhul pasamar  tukvak ngak dom danak dak hu makna praong ka hatang ilamo saong kong nghe. Tukvak anak tal, Ban raya lang talaih  kan kandah, jhul pakhang bruk cakrok patagok. Gam haong nan, pataom tame jhul pakhang bruk peih brei phun jien di karja, pasang iek veik, ramik pasiam phun jien. Tui nan, langyah dom bruk ka jalan mbak, moi truong, y te, pato megru.

Danak dak ar pacang haluh jaleih taneh xa Thường Thới Tiền tapen kraong Tiền di tinh Dong Thap patui veik rah tabiak glut jaleih trak, ia ndik mbang tame dalam ngak jeng “pabah kiuk” tame dalam jalan labaih 1m. Jalan glut jaleih ini jaik labik rah tabiak dahlau diah. Ia daok nduac khang saong mbuan glut jaleih patui veik mbang tame dalam jalan dalam tukvak anak tal. Dalam tuk nan, ia sua meng halau angaok pagam haong ia ndik jeng daok rah tabiak srau kadau ngak mbuan rah tabiak glut jaleih lac biak glaong.

Uy ban Ngak bruk pacang caga pachot pagat online Campuchia brei thau, dom urang njauk chap mek dalam mbang taong tame dom pasak pachot pagat online di taneh ia ini tagok 3.455 urang. Dom urang chap hu mai meng 20 taneh ia karei di gauk. Bruk chap mek praong nan lac bruk ngak oh ka bhian mboh di Campuchia piah pacang caga kol duis pagat kong nghe glong, pamong tal bruk khik brei salamat, labik pataom rilo bhap bini saong tani tanat xa hoi.

Thuong vien My hu sa mbang veik tra oh hu jak jeng dalam bruk kham merat peih pambang rajaei hadei mbang buh harak phieu mbang ka 10, tuk rilo dom thuong nghi si Ndang Dan chu oh njauk hatai jalan ngak di ndang Cong hoa kayua kurang bruk khik kajap ka bruk patagok kadung jien y te. Mbang padeih ngak bruk di rajaei My tal ini yam tâp harei 16, lac atah mbang ka 3 di sajarah negar ini. Kayua nan yaok ribau kong chuc lien bang meda oh hu jien mek tame dalam mbang bayar jien bilan anak tal.

Thuy Si dang anak bruk taong tame ngak lahik mang biak trak tuk dom urang sahanak Akira pamong tame 200 doanh nghiep dalam negar, pandar jalan piah ndok jien di urang.  Akira- kapol tin jhak hu mboh di bilan 3 thun 2023 – samar hu jeng bruk ngak haduh hatai trak abih angaok mang. Njauk ndem tal lac nyaom urang ini hu phan mem jhak ngak karei gam haong hatang kong nghe thongtin hu pagam di ralo taneh ia.