Di Nyaom biai mbang ka 1 di Mban Tacei ba pakat negar peih bruk nga brei oh daok sang taik tahak dalam negar birau blaoh Thu tuong Phạm Minh Chính – Akok Mban tacei ba jalan hu njauk hatai, brei paglong jien daong ngak brei oh daok sang taik tahak  meng  50 trieu ndong yau urak ini tagok 60 trieu ndong sa baoh sang saong  meng 25 trieu tagok 30 trieu ndong daong pasiam veik yaok baoh sang daok. Kham merat tal thun 2025 ngak brei salah 3 bruk praong nan lac: Daong sang daok ka urang ngak bruk daong taneh ia; daong sang daok ka bhap bini tui danak dak pakat negar; ngak brei oh daok baoh sang taik tahak ka bhap bini langiu dua nyaom urang yau ngaok nan.

Tinh Soc Trang hu taneh pala padai yaok thun labaih 330.000ha, padai yuak hu labaih 2 triệu tấn. Hu yau nan duah bruk ngak ka yaok ribau urang di bhum palei. Rilo mikva dahlau diah nao ngak kong di dom tinh Binh Duong, Dong Nai, urak ini daok veik di sang ngak hamu pala padai, hu bruk ngak tani tanat duah jien tame meng 200.000 - 500.000 dong harei. Ong Hứa Thành Nghĩa – Akaok Kapul pambuak ngak nong Đại Thành xa Đại Tâm, huyen Mỹ Xuyên brei thau, yaok thun pala labaih 100ha padai pajaih, haong bruk pala tani tanat meng ngak taneh, tam padai, sangka iek padai tal tuk yuak. Yitvu ini daong rilo urang ngak dalam palei hu bruk ngak, jien mek tame yaok rituh ribau dong sa harei.

Meng thau ba mac jamaih tame pala drak, dom thun tapa, bruk ngak padai di Long An mek hu rilo jak jeng siam mekre. Yaok thun, padai yuak hu labaih 2,7 trieu tan. Vaktu 2021-2025, kuhria tal thun 2025, dom mac jamraih ngak nong dalam tỉnh hu tagok samar, ralo janih, pabak sumu jaik abih dom bruk dahlau, dalam saong hadei yuak padai. Dalam nan, bruk ngak taneh meng mac jamraih di tỉnh  Long An meda hu taong abih, jaik abih  taneh drak pajaih hu ngak meng mac jamraih.

Di Bhum taneran kraong Cuu Long, yaom durian gam gam tagok glaong, meng 100.000 – 195.000 dong sa kg. Makna hu dom urang ikak brei thau, di bhum Tay Nguyen abih baoh durian paje, daok di bhum taneran kraong Cuu Long ye daok durian karei bilan, gam haong langik oh lagaih, jien pajeng ba, khik ramik jeng tagok tui. Mentri Ngak nong saong Patagok palei pala pathau khan, dom bhum palei brei padang jalan ngak brei patagok bruk pala phun durian tui bhum, oh peih praong taneh pala di dom bhum oh lagaih.

Meng harei ini tal harei 17/11, jalan metro 1 (Bến Thành- Suối Tiên), TPHCM brei ba tame pandar iek tui abih prein khang di nyu. Tui nan, dom sruh radaih ndien  hu peih nduac meng mon 5 tuk tal 23 tuk meteh yaok harei, yaok mbang peih atah di gauk meng 5 minit meteh tal 10 minit. Urak ini, danak dak nan ngak hu abih tih 99%. Tui kuhria mboh dahlau, meda brei ba tame pandar  di bilan 12 ini saong oh mek jien ka urang nao radaih ndien dalam sa bilan. Bilan 1 thun 2025, metro taka 1 hu pablei harak ve, yaom meng 6.000 tal 20.000 đồng tui jalan atah jaik karei di gauk.

Page ini (11/11), yaom jien ky thuat taka so Bitcoin hu tagok tal tanut glaong abih meng dahlau mai hu labaih 81.460 đô la Mỹ (USD), ini lac tanut yaom kao glaong abih di dong Bitcoin meng dahlau mai. Sa janih jien ndien tu karei lac dong Ether jeng tagok yaom khang labaih 3.200 USD, mek hu tanut glaong abih dalam 3 bilan tapa. Yaom kaom di dom dong jien ky thuat taka so gam gam tagok khang hadei di tuk ong Donald Trump jayah dalam mbang pilih ruah tong thong di Mỹ bahrau blaoh.

Dalam thun 2023,  Cảnh sát quốc gia Hàn Quốc brei thau hu labaih 4.700 ranaih umo dam dara hu me-in mbia online mbang jien. Kuhria abih tih jien ma-in mbia tagok tal 3 ty 7 rituh trieu won, labaih 2,64 trieu dola Mỹ, yaok urang ma-in buh tame kuhria rah tapa lac 780.000 won.  Dalam labaih 4.700 ranaih umo dam dara ngak suan hukum, labaih 1.700 ranaih ba nao duah dom pasak tacei pato piah plaik njiak hu siam.

Harak pathau khan di Danak dak Patagok LHQ khan lac: “Bruk ngak mbang kinh te di bang Rakhine brei padeih”. Danak dak Patagok LHQ kuhria mboh “ bruk iek lipa meda rah tabiak di kreh thun 2025” meyah bruk kurang pandap mbang yau urak ini oh hu kuhria caga di gah Pei Myanmar labik diukrai di bhap bini Rohingya oh hu harak gal taneh ia. Yau nan, kapol ini kuhria mboh dahlau hu labaih 2 trieu urang di bang ini mbuan metai kayua eik lipa. Padai brah di Rakhine trun takik kayua kurang pajaih drak saong khak, langik oh lagaih saong bruk panduan ba dom urang oh daok ngak mbang pala drak tra./.