Thu tuong Rajaei birau hu công điện brei ba tame pandar cambaic laic Sarak ka 30 di Rajaei ka bruk peih ngak dom jalan khik brei ginup jru, pandap y te. Piah ginup jru, pandap mac jamraih y tế ka bruk dut iek ruak, taong ruak, abih di nyu nan lac dom labik iek ruak, taong ruak di karja, Rajaei  hu biak ralo harak tacei ba. Yau nan min, urak ini daok rah tabiak bruk kurang jru, mac jamraic  y te di dom labik iek ruak, taong ruak di karja, Thu tuong ndem Rajaei lac: Akok Mentri Y te brei samar padang ngak, ba tabiak dom harak hukum piah ba tame pandar ngak tui cambaic laic Sarak  30; salah dahlau harei 10 bilan 4 anak tal piah khik brei ginup jru, pandap mac jamraih y tế ka dom labik taong ruak.

Ủy ban Pasang iek Tỉnh ủy Bình Thuận hu tabiak kỷ luật meng bruk cảnh cáo ong Văn Quý Ngọc, lac Phó Bí thư Huyện ủy, akaok UBND huyện Hàm Tân dahlau deih saong ông Trác Xuân Cường, Phó akaok UBND huyện Hàm Tân. Dua urang đảng ini hu pambuak tal bruk khik ramik taneh riya ngan haong bruk brei salih bruk pandar taneh oh njauk haong jalan ba tabiak pandar taneh yaok thun hu jabat kanja hu thẩm quyền brei ngak. Dalam 3 thun (meng 2017 - 2019), hu rilo bruk hu UBND huyện Hàm Tân brei ka baoh sang, manuac urang salih bruk pandar taneh meng taneh ngak nong tapa oh ngak nong, oh njauk jalan ba tabiak pandar taneh yaok thun, ngan haong mblang taneh praong labaih 45.000 m2.

“ Padang sa kadung jien negar brei ka cak rok patagok sang daok xa hoi”. Ini lac panuac di urang ilami di nyaom biai “ Patagok khang sang daok xa hoi” harei kabroi 28/3 di Ban raya HCM. Kadung jien nan meda ieu pataom dalam saong langiu negar, dalam karja gam gah langiu piah padang ngak Sang daok xã hội. Thun 2022, Ban raya HCM tok padang hu sa danak dak 260 baoh sang daok xa hoi hu ba tame daok. Kan kandah dalam bruk patagok  sang daok xã hội urak ini danak dak sang daok XH hu mien jien pamdar taneh min njauk brei ngak harak gal kuhri kuhria meng  brei mien jien. Langiu di nan brei daok peih ngak harak thẩm định yaom pablei sang, pasang urang hu blei sang daok xa hoi. Dom bruk nan ba tal tukvak ngak harak gar dui atah, oh pachreih po buh jien tame ngak.

Piah pacang paca pandiak bhang saong njom ia mbak hu siam lagaih, tỉnh Hậu Giang hu buh tabiak phun jien  labaih 40 tỷ đồng peih ngak dom danak dak samar drah piah pacang caga pandiak bhang, njom ia mbak. Hậu Giang hu pok ngak ar tui bilan saong ngak pasiam veik dom cống pacang ia mbak ngan haong 312 brong, saong 138 tuh gam pabah bong ia saong kuac rok 50  ribaong. Hậu Giang hu labaih 150 ribau héc ta padai, phun mbang baoh, kaya ikan mbuan njom ia mbak. Mayah ia mbak njom tame rilo, rahra di huyện Long Mỹ saong ban Vị Thanh mbuan gaok bruk kurang ia pandar.

Po rilo kuan mbang di Ban Bien Hoa, tinh Ndong Nai sanya pambuak bruk pacang menyum alak suan hukum. Kong an Ban Bien Hoa hu pathau khan ka quy định oh peih radaih tuk menyum alak, mbia di dom kuan mbang, nha hang hu pablei alak, mbia. Gah chuc nang jeng brei panuac khik iek dom kuan mbang, nha hang mbaoh tangin tame harak brei pathau khan, jak ba, padar  tuai brei ngak njauk tui quy định ka salamat jalan mbak. Dom kuan mbang, nha hang  hu eiw oh brei tuai mboh mebuh alak peih radaih tabiak kuan.

Jabat y tế Nigeria brei thau lac dom urang metai kayua pandiak virus Lassa di taneh ia hu rilo rahra abih di châu Phi ini hu tagok labaih 142 urang, kuhria meng akaok thun ini. Tal urak ruak pandiak tabiak darah kayua virus ini njom pambak tabiak 23 bang, ngan haong abih tih 784 urang njauk ruak meng di bilan 1/2023, dom urang metai kayua ruak ini lac 18 %. Pandiak Lassa lac janih ruak kayua virus Lassa, bo urang bhian njauk hadei di tuk gaok dom pandap mbang atau pandap pandar dalam sang njom ia ma-ik atau aih di takuk njauk ruak. Gah Y tế dunya (WHO) brei thau, ini lac janih ruak daok tamuh tabiak dalam rahra di dom labik di bhum Tây Phi.

Campuchia brei peih ngak Tet Songkran dalam praong prang piah pachreih tuai damuai. Thun ini, Campuchia meda peih ngak adat Songkran biak praong pabak ka tuai damuai du lich. Campuchia caong khin taduan yaok trieu urang tuai mai hu mbaok dalam danak dak nan. Le hoi Songkran 2023 meda peih ngak meng harei 13 – 16/04 ngan haong 44 danak hu peih di labik bimon Ăng-co saong di ban Siem Reap, tỉnh Siem Reap.

Jabat khik ramik negar Nga bahrau brei thau dom thaot binguk ka dom labik bo urang du hành vũ trụ Yuri Gagarin palang lahik. Labaih 5 piluh thun min bruk palang lahik di ong Gagarin jeng daok lac bruk kandauk di negar. Ini lac mbang camriep ba tabiak thaot binguk ka bala di urang du hành vũ trụ Yuri Gagarin. Ong lac phi công saong phi hành gia urang Liên Xô - lac urang camriep dalam sajarah di dunya peih mbang par tame vũ trụ di mangaok tàu vũ trụ Phương Đông 1 di thun 1961. Urang du hành vũ trụ ba akaok nao dahlau ini palang lahik dalam bala kapar haoh atah di ini 55 thun./.