Patui veik danak dak Nyaom biai urang Quoc hoi ngak bruk chuyen trach, harei ini, dom urang ginum biai ka dom danak dak gah hanh chinh, hukum karja. Dalam nan, asar kadha  hu rilo urang pataom tame brei panuac lac taong yaom tani tanat bruk mek kak jien glong abih dalam du thao hukum langyah hanh chinh pasiam bruk ba tabiak jien taong phat glong abih, lac 1,5 ti dong ka urang, 3 ti dong ka kapol nyaom, 40 ti dong ngan haong kapol nyaom hu karja brei adat. Dom urang Quoc hoi caong khin taong yaom cambaic laic ralo gah bruk mek kak jien nan ngak habar piah njauk hukum, gam oh ngak hagait kan kandah tal radiuk, bruk ngak mbang pablei salih di doanh nghiep.

UBND TPHCM birau brei kuhria buh labaih 2.300 ti dong ngak pasiam labaih 1,3 km barat  Cầu Cụt tapa phuong An Hội Tây saong An Hội Đông (quận Gò Vấp klak). Danak dak brei peih praong jalan ribaong kraong, pakhang bruk  tathuak ia, takik ia dauk labik daok di bhap bini daok jaik tapen barat saong dom jalan jaik taphia. Bruk kuac barat rik tame ngak brei takik nerak, ia mbuan nduac. Rah tui barat, padang ngak jalan nao mai, jalan tathuak ia, gom truac hadah saong pala phun kayau hijao.

Mbiah tal ini, tinh Dong Thap hu 10 KCN hu padang tagok. Dalam nan, 6 KCN daok ngak bruk. Langiu di nan, dalam tinh hu 25 KCN hu quy hoach, daok iew da-a urang buh jien tame ngak mbang, kuhria taneh paraong 6.443 ha. Dom KCN pachreih hu 185 danak dak, ba bruk ngak tani tanat ka labaih 108.000 urang ngak bruk, dalam nan hu 1.522 urang ngak negar langiu.

Hajan praong dui atah dalam dom harei tapa ba tal labaih 8,5 ha padai daok tame tuk yuak di xã Rạch Kiến, tỉnh Tây Ninh jaleih, ia dauk. Karja pak ini jak ba yaok rituh urang jakar, urang lin, ndoan dam dara mai daong mikva yuak padai, ramik saong pajeng padai taniak truh labik ia dauk. Sami samar tuk langik khon hajan, taong abih manuac pataom tame jhul pasamar ngak bruk, takik khat lahik.

Gah bollin duah pataom atau talang liet si duah mboh veik di Khu A, Bein bingu Lê Thị Riêng, TP.HCM. Kuhria mbiah tal ini, kuhria taong abih dom atau talang liet si  hu duah mboh di labik ini lac 666 atau. Dalam nan hu jaik 300 atau talang hu kaya kan gam tui; 33 atau talang hu duah mboh dalam kubo dan haong gauk, dalam nan hu Khu A saong 6 labik  di Khu B.

Labaih 3 ribau baoh gom den long mai meng 20 taneh ia di Bein bingu  Victoria di Hong Kong, Trung Quốc jeng labik padang ngak ilimo hadah hadai, pachreih yaok ribau bhap bini saong tuai damuai  mai rivang, thaot binguk. Siam gheih abih lac gom den long lua di Han Quoc, gam haong panuac tadhau ayuh prein yawa karo kajap ka yaok baoh sang. Bruk parang iek pachreih hu yaok pluh ribau tuai damuai, tuk ralo abih lac, urang cang suai abih  2 mon meng hu tame rivang iek.

Bình Bình saong Phúc Song, lac dua drei kagau praong biak praong hu ba mai meng negar Trung Quoc tapa My tui pambuak bruk khik ramik, adit ini hu mai Bein athur Atlanta, taong yaom bruk gilac vei di dom “ ndai su” njauk ndem tal jaik 2 thun. Bein athur Atlanta urak lac sa dalam 3 bein athur di Mỹ raong kagau praong biak praong. Yau nan min, urak ini Bình Bình saong Phúc Song drei caik karei piah ngak randap  haong alam moi truong, dalam tuk dom urang ilimo  saong urang negar Trung Quoc  daok tui daong ka bruk ini.

Tong thong Mỹ Donald Trump kakei bruk bol bala ngan haong Cuba urak ini lac oh ka ta tukvak, tui kuhria My saong Cuba  meda biai ba siam. Dalam tuk nan, brei panuac di LHQ, Ngoai truong Cuba khan lac, Cuba taduan raok dom gah pable salih saong buh jien tame ngak mbang meng dom doanh nghiep My, drei yau nan dom taneh ia karei di dunya./.