Ngak bruk haong dom đơn vị  pambuak tal bruk ngak Danak dak mblang kapal haok Long Thành, ong Trần Hồng Minh, Akok Mentri Jalan mbak pajeng ba mboh lac, dom bruk di mblang kapal haok Long Thành oh ka ngak sumu tukvak, bruk nan kayua kurang caga dahlau di dom gah pambuak ngak. Yau nan ye, taong abih dom đơn vị njauk brei pataom prein, sa hatai, pambuak bruk khang kajap jang, pataom tame  abih prein khang piah jhul pasamar bruk peih ngak danak dak, brei salah blaoh mblang kapal haok Long Thành dahlau harei 31/12/2025.

Di var javap calei dalam mbang nyaom ka 20 di HĐ bhap bini TPHCM mbang X, vaktu  2021-2026 peih ngak di biar harei 10/12, ka bruk suai ngak danak dak pacang ia dauk kuhria tui jien 10.000 tỷ đồng, ong Phan Văn Mãi, Akok UBND TPHCM brei thau, Thu tuong caong khin Ban raya brei pataom tame langyah  danak dak  nan dalam bilan 12, lang talaih dom kan kandah piah  ngak salah  di puac thun 2025. Urak ini, TPHCM daok caong khin Gilang pariak Sarak karja brei pabak phun jien saong tukvak mesre jien laba lap piah patrun  jien padai buh tame ngak danak dak.

Daok labaih sa bilan tra meng tal Tet Nguyen dan thun 2025, min urak ini, Lien doan Lao dong  rilo tinh di bhum Taneran kraong Cuu Long hu caga ginup bruk sangka  kuhria daong, ngan haong taong abih urang ngak thei jeng hu mbang Tet. LĐLĐ tỉnh  Long An  brei peih  8 bruk ngak yau: dom bruk ngak di Danak dak Tet jum pataom – Xuan anit ranam kong ndoan; nao rivang, alin pandap tet ka urang ngak hu raidiuk kan kandah; Dom danak dak yau ye: Darak  Tet kong ndoan thun 2025; Blah harak ve  anit ranam; Rivang, pachreih ba urang, alin pandap ka dom đơn vị bol lin  di bhum taphia negar tỉnh; Alin brei  Baoh sang kong ndoan ka urang ngak kong kan kandah ka sang daok.

Tỉnh Vĩnh Long buh tabiak labaih 10 tỷ đồng piah padang ngak 219 baoh alin brei ka dom baoh sang kathaot. Kadung jien “ Daong urang kathaot” tỉnh Vĩnh Long brei taduan 10 tỷ đồng meng Kadung jien “Daong urang kathaot”  di negar piah ngak 200 baoh sang Jum pataom  ka urang kathaot, jaik kathaot. Yau nan ye, UBMT negar Viet Nam tỉnh Vĩnh Long caong khin karja dom palei brei ngak tui bruk jak ba nan piah ngak brei oh daok baoh sang halei kathaot taik tahak.

Tui yaok kuhria di Vien Pasteur Ban raya Hồ Chí Minh, meng kaok thun mbiah tal ini, 20 tỉnh, ban gah Meraong negar hu 19.000 mbang urang ruak sởi, tagok labaih 56 mbang dut haong tukvak ini thun 2023. Dalam nan, hu 63 sruh jit ruak di 16 tỉnh, ban dalam nan hu 46 sruh jit ruak daok rah tabiak kan thau dahlau. Dalam tuk dom urang ruak di gah Meraong negar tagok, bruk pasang  iek  saong klauk jru  vaccine  pacang caga ruak sởi ka uranaih lac makna biak praong piah pacang caga jit ruak.

Mbang Ginum biai ka jalan tasik klau taneh ia akok meti lac My, Nhat Ban - Japon saong Philippines birau peih ngak di Nhật Bản. Urang ngak praong  di taneh ia Mỹ, Nhat Ban saong Philippin meng bilan 4 hu sanya brei pambuak kajap dom gah dalam nan hu an ninh jalan tasik piah jhul patagok bruk hasa yau gauk ka Ấn Độ Dương-Thái Bình Dương tui hatai saong peih praong. Urang ngak praong di klau taneh ia  hu khan lac brei padang bruk ginum biai klau gah birau piah pambuak khang veik saong pacang caga tui kapol nyaom. Tui nan, brei mboh veik bruk sanya ngak tui hukum dunya yau hu ndem dalam Kong uoc LHQ ka Hukum tasik thun 1982.

Quoc hoi Hàn Quốc hu khan tapa hukum brei pabak urang kong to bhian pasang iek  bruk ba tabiak thiet quan luat. Yau ye, Quoc hoi Hàn Quốc buh phieu brei tapa  sarak  chap mek samar Tổng thống Yoon Suk-yeol saong 7 urang jakar karei pambak tal bruk  ngak tui hukum thiet quan luat. Sarak nan brei hu khan tapa ngan haong 191 hala phieu njauk hatai kuhria mboh dalam 288 urang gah bol lin hu buh phieu.

UB Palih ruah Liên bang Mianma saong 53 chinh ndang daok caga ka bruk Tong tuyen cu kuhria peih ngak dalam thun 2025. Akok UB Palih ruah Liên bang U Ko Ko sanya peih bruk palih ruah tuai damuai saong cambaic laic  piah padang  sa Hạ viện dân chủ. Piah ngak hu bruk nan, ong U Ko Ko iew dom chinh ndang duah jalan saong pato pakai dom urang tame palih ruah naih joi saong hu angan je piah duh ka bruk padang ngak  saong patagok taneh ia./.