Dalam page ini 20/10, mbang nyaom ka 10, Quoc hoi mbang XV, pathau khan ka bruk peih ngak tui Bruk kuhria dahlau ka patagok kinh te - xa hoi thun 2025 saong 5 thun 2021-2025, Thu tuong Phạm Minh Chính kakei lac: vaktu tapa lac bruk kham merat ralo, sahaneng hadah krah, bruk ngak cati catang; lac jalan ngak mai meng hatai jia, caong khin saong oh huac kan kanadah glaih glar  yam tapa kan ndah daong ka taneh ia, daong ka bhap bini. Thu tuong jeng ndem lac, bruk ngak, jalan langyah ka dom bilan puac thun lac pataom tame jhul pakhang bruk cak rok patagok 8% pambuak pagam haong bruk khik tani tanat bruk ngak kinh te vi mo, pasang iek bruk lam phat; kuhria caga padang ngak dom danak dak praong di harei 19/12/2025; patui pasang iek, peih ngak siam bruk karja dua pakat; ngak siam bruk daong raidiuk tani tanat, abih di  nyu lac Tet Nguyen dan…

Lien doan TPHCM birau peih bruk meyaom 145 urang naih gheih bruk jak gauk pakacah “ Joi bruk palei negar, gheih bruk sang danaok” dalam kapol urang ndoan kumei, urang ngak vaktu meng thun 2020 -2025. Ngan haong 23.000 kong doan co so hu 2,5 trieu urang doan, bruk jak ba gauk pakacah “Joi bruk palei negar, gheih bruk sang danaok” hu rilo bruk siam mekre. Dalam nan, hu labaih 385 ribau mbang urang kumei, urang ngak hu meyaom “Joi bruk palei negar, gheih bruk sang danaok” dom pakat. Rilo bruk ngak naih gheih yau: Urang kumei 4.0 – Hadah hadai dalam bruk salih pandar taka so, kapol urang kumei ngak brei hijao, hacih, mekre meta, labik klak rabha anit ranam…hu pambak praong dalam jabat, don vi, doanh nghiep.

Dalam thun ini, Vĩnh Long ba tabiak bruk kham merat patrun kathaot khang kajap, pataom tame ngak hatang, daong bruk ngak mbang saong daong phun jien laba lap piah paglong raidiuk ka bhap bini. Dalam nan  kham merat trun 0.5% baoh sang kathaot, trun 0,5% baoh sang jaik kathaot tui tanut chuan kathaot rilo gah pakat negar. Tỉnh pamong tal bruk patagok meng 1% tal 1,5 %  baoh sang kathaot hu taduan dom bruk daong. Piah ngak hu bruk nan, tinh Vinh Long pataom tame peih ngak rilo danak dak piah duah jien, pagong raidiuk mbang ngui.

Bruk glut jaleih ar kraong, ar tathik di bhum taneran kraong Cuu Long dak harei dak kan thau dahlau. Di Ca Mau, tui ar tathik gah ia harei tagok  hu jaik 100 km labik glut jaleih trak. Yaok labik taneh pala drak, yaok baoh sang, danao raong hadang riyak paok ba theik. Rilo baoh sang panduan ba nao labik karei.  Tinh Ca Mau hu ar tathik atah  labaih 310km, dalam nan labaih 200km daok glut jaleih di prang sit karei di gauk. Meng thun 1990-2023, glut jaleih taneh tapen ar tathik ngak lahik 8.800 ha taneh saong glai pacang caga, kuhria rah tapa labaih 25 hecta yaok thun.

UBND tinh Tay Ninh birau khan brei thau bruk glut jaleih ar kraong Cần Đước, tapa palei 3 - Xóm Trễ, xã Tân Lân. Glut jaleih di labik ini rah tabiak meng thun 2024, labaih 70met, mbang tame dalam taneh labaih 10m, tame dalam  trun 4m dut saong dahlau. Glut jaleih taneh ba theik abih baoh sang tadai tuan saong ra-ai talah taneh, daok jaik tal sang praong di rahra. Anak bruk nan, Akok UBND tinh Tay Ninh caong khin samar panduan ba bhap bini saong  drap ar tabiak truh labik mbuan glut jaleih.

Rajei Thai Lan khan lac brei pakhang bruk pagui mek dom kol pachot pagat online, abih di nyu nan lac di dom pasak pachot pagat di Campuchia. Thu tuong Thái Lan brei mboh bruk sanya chap mek dom kol pagat online, kakei lac ini oh lac bruk di dalam negar bo daok lac bruk sangka dahlau abih di bhum taneh jeng yau di dunya. UB Pacang caga saong Pagui mek kok pagat meng kong nghe glong meda peih tabiak akok meti, parabha bruk ngak cambiac laic piah pakhang bruk chap mek hu dom kol pagat bleik online tukvak anak tal.

Jabat Jitvu jien padai Indonesia ba panuac di Pasak Pacang pagat pakat negar khan lac, kuhria abih tih jien bhap bini kayua dom mbang kol pagat jien tagok tal 7.000 ti rupiah (sumu labaih 438 triệu USD). Tui dom jalan pagat yau: blei pandap online, ngak ja ngan, buh jien tame ngak mbang online, palih urang ngak bruk ja, khan brei thau hu jien, pagat online mang xa hoi, ja ngan urang piah pagat, payua file hu ma doc tapa WhatsApp. Dalam nan, pagat blei pandap online meblah rilo abih hu jaik 54 ribau mbang.

20 urang ngak bruk jabat LHQ di Yemen daok njauk Houthi chap khik, hadei tame jabat ngak bruk di Ban ine Sanaa. LHQ daok pambuak haong karja di Ban ine Sanaa saong dom taneh ia  pambuak tal piah langyah samar  bruk chap khik urang ngak bruk  saong pasiam veik bruk  khik iek di LHQ di Sanaa. Dalam dom bilan jiak ini, Houthi peih rilo mbang taong tame dom labik ngak bruk di LHQ, khik yaok pluh urang ngak bruk./.