Mbang nyaom ka 7 di Uy mban Thuong vu Quoc hoi peih pakak di biar harei kabroi (1/10). Di Mbang nyaom ini, Uy mban Thuong vu Quoc hoi brei panuac ndom ka dom danak dak: Hukum Taneh riya (pasiam); Hukum Sang daok (pasiam); Hukum Pablei salih taneh riya (pasiam); Hukum ka harak ngak suan hukum; Hukum Kadung jien karja (pagam). Jeng di mbang nyaom, Uy mban Thuong vu Quoc hoi brei hu panuac ndom (mbang 3) ka bruk srap gap Mbang nyaom ka 2, Quoc hoi mbang XVI saong maong iek dom asal kadha karei di Mbang Nyaom.

Tinh Tay Ninh hu buh tabiak labaih 96.200 ty dong bayar, peih paha mbaok taneh ka 350 danak dak. Di danak dak jalan Vanh ndai 4 Ban raya HCM binah tapa Tay Ninh, tinh hu buh tabiak bayar labaih 10.800 ty dong, mek hu labaih 92%. Piah salah blaoh bruk peih paha mbaok taneh tui jalan kuhria dalam quy 4 ini, UB Bhap bini tinh Tay Ninh caong khin dom bhum palei patui veik patagok bruk pathau khan, jak ba, brei njauk hatai piah rahra aval drah taduan jien saong bayar mbaok taneh.

Hoi dong taong yaom, rabha kaya daok dalam Danak dak yaok xa sa kaya (OCOP) ban rây Can Tho taong yaom 20 kaya hu ginup kein lagaih piah dak labik, dalam nan hu 7 kaya mek hu OCOP 3 patuk saong 13 kaya mek hu OCOP 4 patuk. Bruk hu mbaok tame Danak dak OCOp hu daong jhul tagok dom bruk sangka tal tanut chuan asaar siam, salamat kaya mbang, kadung papaok, angan je saong ngak cambaih halau agha. Tal ini ban raya Can Tho hu labaih 900 kaya OCOP hu mbaoh tangin.

Kaya jirah rivang khik ramik “Katien Ranger Patrol” di Bein pakat Negar Cát Tiên tame mbang puac abih yai thuong Jirah Rivang Dunya 2026 di Negar Anh di pakat “Danak dak Jirah Naih gheih abih Dunya”. Di pakat labik ini, kaya di Viet Nam meraik yai gam haong danak dak mai meng Brazil saong Cameroon. Ini lac kaya hu padang tui jalan pagam haong rivang iek dom bruk khik pacang di Bein Negar cát Tiên.

Biar harei kabroi 30/9, hajan praong dui atah gam tui angin khang, jakala rilo labik di Ban raya HCM ngak ka rilo jalan ia dauk dalam. Hajan di tuk tabung glaong, ia nduac saong dauk dalam rilo labik ngak ka rahra kan kandah ka nao mai, jalan mbak di rilo labik kandaong ia trak. Jabat kuhria langik tasik kraong ribaong pachreih rahra takik nao mai di dom labik dauk dalam, ia nduac khang; srap gap duah labik daok pandaok plaih salamat tuk rah tabiak angin khang, jakala.

Ia sua daok rah tabiak rilo di 4 labik di Thai Lan, ma-om labaih 2.700 km² taneh riya saong ngak takik abih 40 urang metai. Labaih 1 trieu baoh sang rahra, sumu jaik 3 trieu rahra gaok kan kandah. Karja hu peih ngak mac njuk pruh saong gilai jhul ia piah pasamar tukvak taoh tathuak ia. Thu tuong Anutin Charnvirakul caong khin patui veik patagok tukvak ngak bruk di sang ngan haong rahra ban ine.

Hãng tin Rudaw di Iraq pathau khan, Rajaei Iraq brei peih pahadar hareu Mỹ brei bol lin tabiak truh Iraq. Tui hãng tin Rudaw, rahra di ban ine Baghdad brei mboh hatai bui sambai saong caong takre “taneh ia meda padang bruk tani tanat, sa hatai bo oh khin tal negar langiu”. Tui kuhria, sa “nyaom biai chủ quyền praong” brei hu peih ngak di harei 1-10 di bruk dang ngak di thu tuong Iraq Ali al-Zaidi.

Tong thong Nga Vladimir Putin hu tut angan ka sac lenh parilo bol lin njauk hukum di dom urang lin pan phao karaong tagok labaih 2,44 trieu urang, tagok 15.500 urang dut haong dahlau. Rajaei Nga brei ramik kadung jien lien bang njauk hu piah ngak sac lenh. Dalam thun ini, Tong thong Putin hu tut angan 3 sac lenh, tagok taong abih jaik 50.000.