Page ini, di Jabat ngak bruk Trung uong Dang, Nyaom biai mbang ka 2 BCH Trung uong Dang mbang XIV hu peih pakak praong prang di Ban ine Ha Noi. Tong Bi thu Tô Lâm dang akaok Nyaom biai. Di Nyaom biai, Ban Chap hanh Trung uong Dang mbang XIV pasang iek, ginum biai saong ba tabiak rilo asar kadha biak praong, hu makna dalam bruk peih ngak hu jayak Sarak Nyaom biai XIV di Đảng, pambuak tapak bruk ba jalan, adat ngak po saong prein merat di Dang; pambuak tal bruk ba tame pandar, bruk ngak di dom pakat chinh tri; pambuak tal bruk patagok samar, khang kajap di taneh ia dalam vaktu meng thun 2026-2031 saong dom thun hadei. Tui kuhria nyaom biai ngak bruk tal harei 27/3 anak tal.

Piah mikva urang bangsa Khmer uan raok raya hu bui sambai siam mekre, UBND tỉnh Vĩnh Long birau hu harak payua tal dom so, dom gah peih ngak raya Chol Chnam Thmay thun 2026 dalam bui sambai, salamat, patak pataom soang ndung bak ilamo bangsa. Tui nan, Sơ Bangsa saong Agama hu UBND tinh Vinh Long ngak po, pambuak haong dom don vi karei daong bruk jakan tinh peih ngak hu siam mekre dom bruk ginum biai, rivang, alin kaya ka dom baoh sang dalam sarak, Amaik VNAH, urang jakar padeih huu, gam dom baha Phat giao Nam tong Khmer dalam tinh. 

Di Ban Can Tho, danak dak Harei Adit bhong meriak ngan haong kadha “ Alin brei darah  daong urang – yaok kanjaok darak brei nao – sa raiduik daok veik” taduan hu 673 don vi darak. Tapa 18 thun peih ngak, “Harei adit bhong meraik”  pachreih yaok rituh urang  hu mbaok tame, taduan yaok ribau don vi darah, rik tame hu makna praong ka bruk brei hu ginup darah daong ruak saong jru ruak, njauk ndem tal rilo mbang kurang. Bingun ini, Mban ngak bruk  hu alin brei ky niem chuong ka dom don vi hu rik daong bruk alin brei darah ngak pahala.   

Mban Tacei bruk alin brei darah ngak pahala tinh Dak Lak birau peih ngak daknak dak alin brei darah “ Roya Xuan hong thun 2026”. Danak pachreih labaih 400 urang hu mbaok tame, taduan hu 355 don vi darah. Dalam tuk khin hu darah ka bruk daong urang ruak trak samar, iek ruak trak, njauk ndem tal hadei tuk Tet, taduan drah urang alin brei hu daong ka jabat y te kuhria caga dahlau. Tinh Dak Lak hu nyaom “Darah anit ranam” daok ngak bruk, dom urang halan hatian brei darah, alin brei tiểu cầu tuk khin sumu samar.

Tui Vien Khoa hoc Thuy loi gah Meraong negar, njom ia mbak di Bhum taneran kraong Cuu urak ini tagok glong, ia mbak 4g/l njom tame dalam labaih meng 35-48 km.  Dom bhum palei tapen tathik hu kakei brei kuhria caga dahlau ngak bruk hu siam dom balai pacang khik ia mbak. Meng puac adit blaoh, ia mbak hu trun hasit; urang ngak nong brei khik piah ia. Bilan thu thun ini, ia mbak njom tame gap mbiah atau biar jang dom thun dahlau, ginup ia pruh.

Rajaei Indonesia brei thau jaik peih ngak sarak “Ngak bruk di sang” ka urang jakar ngak praong saong urang ngak bruk gah tu nhan hadei padeih Roya Eid al-Fitr, piah patak pataom dalam tuk xang menyek di dunya tagok yaom. Sarak ini pandar ngak tui hu sa harei dalam sa adit min oh pandar ka dom urang gah jit vu karja. Thai Lan saong Philippines hu khan brei thau ka dom sarak patak pataom nang luong piah caga haong bruk sraw kadau di dunya.

Điện Kremlin khan lac, Nga brei salih tapa dom darak pasar birau ka khi dot ia (LNG) saong dom janih nang luong pablei tabiak negar langiu di taneh ia ini. Dahlau di nan, UB chau Au (EU) sanya peih ngak “ dom bruk cambaic laic” ka bruk padeih  blei LNG di Nga, tui nan atah klak bruk ba tabiak di EU brei iek veik dom bruk yau jien blei nang luong tagok glong kayua mesruh metak di Trung Dong.

Dalam tuk roya Thaik ia Songkran uan raok thun birau saong bilan takik urang nao main sirah  daok jaik mai tal, Lien ndoan Yulit Thái Lan gam dom urang likau Rajaei  ba tabiak paok pachreih urang blei yaom 15 ti baht ( 456 USD) tame danak dak brei ngak dahlau, piah pacang caga bruk mbuan rah tabiak mesruh metak Trung Dong saong kurang menyek. Gah yulit Thai Lan urak ini rik tame 13% GDP saong duah bruk ngak ka 4 trieu urang ngak./.