Page ini, harei 12/1, di Jabat ngak bruk di Quoc hoi peih Nyaom biai mbang 53 di UBTV Quoc hoi. Akok Quoc hoi Trần Thanh Mẫn brei panuac akok nyaom biai. Mbang nyaom, UBTVQH langyah, brei panuac saong khan tapa 2 Sarak lac: Sarak brei adat brei saong pandar khan ao, phu hieu, cap hieu di urang ngak praong di Vien kiem sat Nhan dan dom pakat, rajakat Kiem sat, rajakar Kiem tra, urang pasang iek saong Harak brei thau ka Pasang iek ka bhap bini dom pakat; Sarak ka hu hadom saong Vien kiem sat bol lin. Jeng dalam page ini, UBTVQH pasang iek harak pathau khan bruk bhap bini di Quoc hoi.

TPHCM birau peih ngak danak dak alin brei harak the BHYT saong alin pandap Tet Thun nethak Athaik Waw 2026 ka bhap bini hu raidiuk kan kandah di xã Hồ Tràm. Danak dak, urang ngak praong di TPHCM hu jao brei alin 100 the BHYT saong 100 paok pandap Tet ka bhap bini hu raidiuk kan kandah di Hồ Tràm, kuhria taong abih tih labaih 3 ti dong meng bruk jak ba  urang daong jien tame. Bingun ini, Sang iek ruak Bhap bini Gia Định brei urang y, bac sĩ mai iek ruak, brei jru oh mek jien saong tacei pato iek glang prein yawa, pacang caga ruak kik ka 100 bhap bini dalam palei.

UBND tinh An Giang birau peih danak dak “Caphe Doanh nhan - Karja daong ngak, doanh nghiep yam tagok thun 2026” kayua Akaok UB bhap bini tinh Hồ Văn Mừng dang akaok, hu mbaok di 200 doanh nghiep naih gheih. An Giang mboh lac doanh nghiep ngak pasak di bruk cakrok patagok, lac prein khang pachreih bruk cakrok patagok  kinh te, duah bruk ngak saong pambak praong dom ilamo siam gheih dalam raidiuk bhap bini. Yau nan ye dalam thun 2026, UBND tinh An Giang padang Ca phe Doanh nhan tha bilan tha mbang piah hu taom gaok ndem meyai, lang talaih kan kandah ka doanh nghiep.

Tinh Gia Lai peih nyaom biai patagok kinh te - xa hoi thun 2026 ka 135 xa, phuong saong dom gah. Bruk dreih gauk di dom gah, bhum palei ba tabiak ngak brei cakrok patagok 8,8%. Gia Lai pataom tame ngak brei patagok ilamo khoa hoc-kong nghe, AI, chip ban dẫn, nang luong pandar veik, ngak nong kong nghe glong saong kinh te so. Di nyaom biai, ong Phạm Anh Tuấn, Akaok UBND tỉnh Gia Lai tacei ba jalan ngak bruk ka dom Akok UBND dom xã, phuong taduan bruk ngak di taong abih gah, piah dom danak dak oh daok gal tavak ka taneh atau harak gal.

Hadei pagam tame, Dang bo xa Bac Binh, tinh Lam Dong ( dahlau diah lac huyen Bac Binh, tinh Binh Thuan) pataom tame dom jalan ngak sumu gauk piah hu rilo urang ndang, abih di nyu la bhap bini bangsa takik. Chi bo palei Bình Tiến, xã Bac Binh sahaneng lac bruk patagok urang ndang lac bruk praong. Urak ini, Chi bo hu 54 urang dang, ralo lac urang bangsa Cam. Ong Bố Thanh Nha, Bi thư Chi bộ palei Bình Tiến khan lac, meng bruk ngak brei urang rilo urang jakar anak tal, bhap bini naih gheih dom tal bac pasram jalan sahaneng ka Dang yau nan ye Chi bo tuk halei jeng ngak hu siam bruk ba tabiak.

Harei ini (12/1), rajaei Australia khan lac brei ngak dahlau asar antimon, gallium saong dom asar kadha taneh takik hu dalam dom gilang khik piah suai lavik hu yaom 1ti 200 trieu dola Australia, piah pakhang bruk an ninh pabak kaya khoang san ralo abih. Harak  nan hu Mentri Jien padai Jim Chalmers khan brei thau anak bruk ginum biai di nyaom dom taneh ngak kaya meda (G7) ka khoang san  hu makna praong di Washington, Mỹ. Nyaom dom taneh ia G7, dalam nan hu Mỹ, Anh, Nhật Bản, Pháp, Đức, Italia, Canada meblah 60% bruk caong khin hu khoang san di dunya saong urak ini pambak tame rilo bruk pabak taneh takik hu meng Trung Quoc.

Yaok ribau tuai damuai dunya saong dalam taneh ia mai quan Hwacheon, bhum Đông Bắc Hàn Quốc piah hu mbaok tame roya vah ikan di ia khan. Dalam tuk la-ar biak la-ar, tuai damuai ngui cuh tagok rup ao phao biak kapal, me-om mot tamo len la-ar saong siuk tanjiak takoi, daok chreih chrai vah ikan di craoh ia khan,  mek ikan meng tangin nan lac sa dalam dom bruk di harei roya. Tui karja quan Hwacheon, labaih 65.000 tuai damuai, dalam nan hu 3.200 tuai dunya, hu mai rivang saong rivang ma-in dalam harei peih roya akaok meti.

Trung Quốc birau padang labik ngak ten lua mbuan mek veik saong pandar di tathik akaok meti di taneh ia ini. Hadei tuk ngak blaoh ba tame ngak bruk, labik ini kuhria pataom tame ngak iek mau ten lua angan “ Tiền Đường Hiệu” ngak tabiak 25 baoh ten lua dalam sa thun. Ten lua nan praong 4,2 met, glong 66 met, cuh catang 575 tấn saong pandang ngak hu siam ralo abih tal 20 mbang  kayua kanduh ngak meng thép oh hluk saong mac dalam nduac meng oxy ia./.