Page ini, mbang nyaom ka 55 di UBTV Quoc hoi peih pakak. Tui kuhria mboh dahlau, Mbang nyaom ini hu parabha jeng dua mbang: mbang ka 1 di harei 2/3 saong mbang 2 di harei 16, 17 bilan 3. Di mbang nyaom ka 55, UBTV Quoc hoi  caik rilo tukvak  ngak hukum negar, brei panuac ka 10 danak dak hukum. Jeng di var nyaom biai, UBTV Quoc hoi brei panuac ka 2 ka bruk kuhria caga  Mbang nyaom ka 1, Quoc hoi mbang XVI.

Jaik 2 ti dong daong tani tanat raidiuk, yaok rituh paok kaya alin, paok jien bac hu alin di Harei Bien phong di taong abih  bhap binij 2026 di Can Gio, brei mboh bruk sangka daong di karja TPHCM ngan haong bhap bini bhum tathik taphia negar. Di Harei Bien phong thun ini, Mban peih bruk hu daong jien ramik pasiam 6 baoh sang; alin 30 sruh radaih ka dom baoh sang kan kandah piah ngak mbang; alin labaih 300 paok jien bac ka dom urang dalam kapol khik brei salamat, kapol khik iek gilai ikan hu salamat, tapen gilai khik iek ta-eng; alin 95 paok jien bac ka anek saih di Danak dak “Pandon takei adei nao bac - Anek raong do Balai Bien phong”.

UBND tinh Tay Ninh birau ramik pasiam Quy hoach tinh vaktu 2021-2030, pamong tal thun 2050, piah pamong tal bruk patagok birau, pambak tame bruk lagaih daok jaik TPHCM, Dong Nai, Dong Thap saong Campuchia. Tui Quy hoach kuhria ka tui pasak saong pambuak bhum, dalam nan 3 bhum kinh te - xa hoi, 3 pasak patagok nan lac: Pasak Tân Ninh - Long Hoa lac pasak ilamo, yulit, jitvu; Pasak Tân An - Long An patagok kong  nghiep, jitvu birau; Pasak Đức Hòa - Hậu Nghĩa hu pamong tal pasak chinh tri - hanh chinh birau, jeng lac pasak kinh te, jien padai, logistics di tinh. 

HĐND tinh Ca Mau khan tapa, Sarak ndem ka bruk kuhria daong ngak pasiam, salih jamraih birau saong laik phone tui iek gilac ikan ngak bruk. Tui nan, kadung jien padai tinh Ca Mau daong jien piah urang nao ngak mbang di tathik hu pagam mac raih birau tui yaom jien oh tapa 6 trieu dong sa jamraih sa gilai. Njauk ndem tal, ngan haong dom gilac salih taong abih jamraih, hu daong 50% jien buh tame ngak, ralo abih lac 12 trieu dong. Langiu di nan, urang nao tathik daok hu daong taong abih jien laik phone tui iek gilai nao ngak mbang. Langiu di nan, urang nao tathik hu daong 100% jien laik phone tui iek gilai yaok bilan.

UBND tinh Dong Thap ba tame pandar 10 baoh bingun ia piah mek ia pandar di bilan pandiak thun ini ka bhap bini. Urak ni, ia mbak 1‰  di kraong Tiền tame pabah kraong labaih 45km, tagok gilac tui iak ndik Ia bulan Pomi Bilan Tha tui saka ia bulan saong ia tagok glong di harei 4 - 5/3 anak tal; ta-eng bilan hajan rah tabiak di bilan 5 anak tal. Tal tuk ini, halau ia taba piah pandar dalam raidiuk, ngak mbang pala drak di bhap bini tinh Dong Thap hu tani tanat.

Dalam tuk bruk mesruh metak rah tabiak di Trung Đông, Hội đồng Bảo an Liên hợp iew da-a brei padeih mesruh gauk. Rilo taneh ia jeng daok iew dom gah brei sambe ien nao  di gauk, juai ba gauk tame sraw kadau birau. Tui panuac kakei bhap bini takik nai mai saong kuhria panduan nao labik karei. Hang thong tan Tasnim di Iran khan lac, Bol lin gah Ve binh Cach mang  Hoi giao Iran kakei ka bruk kan kandah nan di Eo tathik Hormuz,  jalan pajeng ba hu makna biak praong di dunya. Urak ini, rilo gilai pajeng ba drap ar tui jalan tathik  praong hu ramik veik tukvak ngak bruk.  

Truyen thong chau Au khaw tin, labaih 19.000 mbang kapal ahaok pal di dunya hu padeih dalam nan hu yaok ribau ahaok par di bhum Trung Dong saong bhum Vịnh brei padeih dalam 2 harei tapa kayua dom taneh ia kareik pabah mbang dom mblang ahaok, dom hang kapal haok chau Au khan brei padeih dom mbang ahaok par di dom bhum Trung Dong. Urak ini, oh ka thau tuk halei peih ngak bruk veik.

Tui harak pathau khan jaik ini, Indonesia kuhria labaih 9 ribau ti rupiah, sumu 542 trieu dola My kayua pagat tapa online. Rilo urang ilamo khan lac, taneh ia ini daok dang anak bruk samar chip “ pagat tui jalan ilamo taka so”. Dom urang pachot pagat  online daok ngak bruk  tui cong nghiep dalam saong langiu negar. Di Đông Nam Á, Campuchia saong Myanmar lac dom labik rah tabiak rilo bruk pachot pagat online di abih./.