Pang pathau khan ka bruk patagok kinh te - xa hoi, karja buh jien tame, padang ngak - ha tang, pablei salih tabiak negar langiu, sang daok xa hoi saong dom danak dak pakat negar di tinh An Giang,  Pho thu tuong Lê Thành Long khan lac: “ Jaik abih daok gal tavak ka sarak di An Giang hu langyah samar. Bruk hagait lang talaih blaoh ye brei samar ngak; gaok kan kandah veik ye brei langyah. Jalan ngak karei lagaih haong Phú Quốc - Thổ Châu, Phó Thủ tướng Lê Thành Long caong khin tinh ini pambuak haong Mentri Nội vu padang ngak lagaih, khik hu lagaih tui karka dua pakat, min brei lagaih tui bhum.

Gah ngak nong tinh Vinh Long  ngak hu siam abih bruk ba tabiak dahlau, rilo gah ngak hu siam, piah kham ngak hu siam bruk cakrok patagok hijao thun 2026. Ta-eng kaya OCOP meng thun 2021 mbiah tal ini, Vinh Long taduan hu 149 kaya OCOP birau saong ngak hu kabaih 1 kaya OCOP dut haong bruk ba tabiak. Tinh caik hatai padang ngak  saong khik iek ma so bhum pala. Mbiah tal ini, dalam tinh hu brei 897 ma so bhum pala kuhria abih tih labaih 33 ribau ha.

Mentri Kong an birau peih bruk jak ba daong ka bhap bini bhum kreh negar, Tay Nguyen gaok bala ribuk ia sua, hajan praong. Ngan haong jalan sahaneng “ Anit drei anit ka urang”, “ hala siam papaok hala tahak”, Mentri Kong an jak ba hu labaih 195.000 mbang urang jakar bol lin saong gah khik iek an ninh salamat bhum palei; labaih 27.700 mbang radaih pajeng ba ndap nda mai ramik pasiam veik hadei ribuk, ia sua; daong 150.000 urang gaok bala, daong labaih 500 tấn ndap nda saong 4,7 ti dong daong bhap bini di dom bhum gaok kan kandah.

Di dom bhum ribuk sua di Kreh negar, bruk daong bhap bini hu peih ngak dalam sami samar. UBND tinh Khánh Hòa ba tabiak dom bruk daong bhap bini hadei ribuk ia sua; Mat tran negar Viet Nam tinh Khanh Hoa khan brei thau 48 labik taduan bruk daong di pakat xã. Dom kapol ngak pahala brei pambuak bruk dahlau piah hu thau bruk ngak blaoh daong parabha kaya kan tal bhap bini. Rahra saong dom kapol halan hatian brei caga bruk iew daong oh thau cambaic laic, plaik njiak kol kanjiak jhak pagat.

Labaih 3.000 baoh sang kathaot, jaik kathaot gaok khat lahik kayua ia dauk dalam, ia ndik tukvak tapa di Cà Mau hu UB MT negar tinh daong 1 trieu dong sa baoh sang. Piah peih ngak bruk nan, UBMT negar dom xa, phuong khan ka pakat uy, pambuak haong UBND sa xa haong gauk  Padang Kapol taong yaom  piah thau khat lahik saong jien mek tame di dom baoh sang kathaot, jaik kathaot di tinh.

Apui khuah sang chung cu rah tabiak biar harei kabroi tal ini ngak 44 urang metai saong 58 urang karei njauk rambuac. Akaok negar Trung Quốc Tập Cận Bình caong khin urang jakar bhum palei  kham daong hu ralo abih. Cuc An ninh Đặc khu Hành chính Hồng Kông khan lac, tui duah thau camereip labik apui mbang, oh langiu ini lac bruk hinh su saong hu jao ka gah Cảnh sát pasang iek. 

Malaysia khan kakei veik ka hajan praong mbuan rah tabiak bala saong mbuan ia sua dui atah. Bhap bini panduan ba nao tame daok di dom pasak  urak ini tagok tal labaih 30.000 urang. Pasak kuhria mboh dahlau saong kakei ribuk ia sua Malaysia khan lac, labaih 100 labik di 5 huyện di bang Kelantan ia dauk veik tal harei 30/11. Ini lac bang daok gaok kan kandah biak trak kayua ribuk ia sua tukvak tapa.

Sa bala patuh phao rah tabiak di sang ga radaih pui ala taneh pak pasak Ban ine Washington DC, Mỹ di biar harei 26/11, sa harei dahlau tuk padeih harei roya Bayar dhar phol.  Urang cuh phao tame  dom labik bol lin khik iek negar ngak 2 urang metai. Tong thong My brei thau, urang cuh tame bol lin khik iek negar njauk rambuac trak  saong njauk kaoh tui adat hukum biak catang. Gam meyaom dom bol lin khik iek negar saong dom urang ngak tui hukum iew dom urang papraong blaoh tuk halei ong jeng njauk hatai hoang gah bol lin./.