Dalam harei Tet Nguyen dan Ula Naih 2025, Phaok thu tuong Trần Hồng Hà gam haong kapul ngak bruk nao rivang saong alin hadiah pandap Tet ka 400 baoh sang mbang tui sarak, baoh sang kathaot saong urang ngak kong, urang ngak bruk gaok kan kandah di huyen Long Thành, tinh Dong Nai. Phaok Thu tuong pandar dom pakat uy, karja tinh Dong Nai patui veik sangka, hu dom sarak daong, brei bruk ngak, daok dang bang ngui ka sang kathaot, baoh sang jaik kathaot uak drei tagok dalam raidiuk, ngak meda.

Ngan haong kadha “Taong abih urang ndoan, urang ngak thei jeng hu Tet”, LĐLĐ tỉnh Long An hu peih ngak rilo bruk sangka kuhria Tet ka urang ngak, abih di nyu lac dom urang raidiuk kan kandah. Bruk praong di danak dak lac peih ngak “Danak Tet  Kong ndoan thun 2025” di 8 bhum palei dalam tỉnh, hu labaih 100 labik pablei pandap ka urang ngak kong. Long An daok peih ngak 23 mbang radaih oh abih jien, pajeng ba jaik 1.000 urang ngak kong mai palei mbang Tet, kuhria taong abih tagok tal labaih 2 tỷ đồng. Danak dak “ Tet jum pataom - Xuan dhar phol Ndang” daok alin brei dom paok pandap ka 38.000 urang ndoan, urang ngak, kuhria abih tagok tal 38 tỷ ndong. Langiu di nan, tỉnh jeng peih ngak dom bruk ka dom bhum atah bayah, bhum tapen negar.

Di Danak dak “Bal pataih Bien phong pandiak tung tian rahra bhum palei” Bal pataih Ất Tỵ 2025 bahrau rah tabiak di Balai Bien phong Long Sơn, Ban Ba Ria - Vung Tau, Mban peih ngak hu alin hadiah 130 paok pandap, yaok paok pandap hu yaom 1 trieu dong dalam nan hu jien mbaok saong mi tom, kaya lavar, bot ngot…haong abih tih yaom jien lac 130 trieu dong ka dom baoh sang mbang tui sarak, baoh sang gaok kan kandah saong dom adei anek saih. Danak dak “Bal pataih bien phong pandiak tung tian rahra bhum palei” hu peih ngak yaok thun piah sangka dom baoh sang mbang tui sarak, baoh sang gaok kan kandah, dom adei anek saih kathaot truh kan kandah, uak drei tagok dalam bruk bac megru di labik tapen tasik.

Dom daonh nghiep saong sieu thi di tinh Tra Vinh hu kuhria caga labaih jeik 290 tỷ ndong khik caga pandap pablei Tet Ula Naih 2025. Sở Kong thuong tinh pambuak haong dom huyen, ban sit peih labaih 40 labik pablei pandap tani tanat yaom ka dom pandap pandar yaok harei. Abih di nyu tỉnh daok peih ngak 5 mbang nyaom darak pandap Viet  ka palei pala  saong dom mbang pablei pandap labik ini labik diah gam hu dom danak pandap lap, piah urang  pachreih tui bruk jak ba “ Urang Viet Nam brei pandar pandap Viet Nam”. Tỉnh jeng hu pambuak haong Ban raya HCM saong dom tỉnh bhum taneran kraong Cuu Long piah daong dom bhum palei  tuk kurang pandap.

Yaok rituh ha pala padai di bhum taneran kraong Cuu Long tapa harei kuhria yuak min jeng oh ka mboh urang ikak kaiy mai blei. Tui Kapul Pandap mbang Viet Nam, yaom brah pablei tabiak hu trun khang gam gam 2 adit tapa ngak ka yaom padai jeng trun tui. Mbang padai Thu Đông ini tuk padai daok hijao ye urang ikak kaiy kakei blei dahlau meng 7.000 - 7.500 dong/kg. Min, jaik tal harei yuak paik yaom padai brah di darak pasar trun gam gam, nan rilo urang ikak kaiy klak jien kakei blei dahlau. Rilo labik mikva urang ngak hamu daok caong yaom tagok.

Kuhria mbiah tal tukvak ini, dom urang gaok kan kandah kayua megei baoh taneh  khang jiak 7 ndo di Labik ngak po bhum taneh Tây Tạng tagok tal 61.500, labaih 3.610 baoh sang glut jaleih. Kuhria tal page 9/1, kuhria abih tih hu jaik 1.100 mbang megei taneh. Bala megei baoh taneh ngak metai takik abih lac 126 urang, ngak njauk rambuac 188 urang. Karja Trung Quoc mboh ini lac sa dalam dom mbang megei baoh taneh  khang abih di Tây Tạng  dalam dom thun tapa.

Dalam thun 2024, Rajaei Indonesia hu padang yaok ribau baoh sang ka dom urang njauk rambuas njauk bala di dom labik hu pambuak tal. Dom baoh sang ini pataom tame rilo di dom palei njauk ciuk rilo khat lahik kayua ceik apui, ia sua ngak khat lahik dalam thun blaoh. Indonesia daok dalam vanh ndai ceik apui Thai Binh Duong, nan hu rilo ceik apui abih dalam dunya, hu labaih 130 ceik apui daok pruh yung nyam.

8/Dom mbang apui khuah glai di gah meraong California, negar Mỹ, urak ini hu pacang khik. Dom mbang apui khuah glai meda lac khat lahik trak  ralo abih dalam sajarah dakrai di taneh ia Mỹ. Takik abih di nyu lac 5 urang metai, labaih 11 ribau heta  hu angan labaih 1.000 baoh sang apui khuah, labaih 80 urang brei nao labik karei. Dom urang metai kuhria mboh meda ralo veik, urak ini dom labik apui khuah  daok rah tabiak  kayua langik pandiak thu lagu saong  hangin khang. Ralo urang ngak praong di dunya ini  brei thau hatai sahaneg tuk halei jeng khin daong Mỹ dalam tuk kan kandah yau urak ini./.