Di Palei Ilamo – Yulit dom bangsa Viet Nam (Đồng Mô, Sơn Tây, Ha Noi), Po Ine Negar Lương Cường birau mai taom mbaok, bui sambai haong dom bangsa takik dalam Harei ilamo akaok thun di grauk Negar thun 2025. Brei panuac di harei pataom mbaok, Po Ine Negar  mboh lac, bruk dak padang bruk papraong jum pataom bangsa lac sa bruk suai lavik, brei ngak hasa jalan hu makna biak dalam di Ndang saong Karja drei, piah ba taneh ia patagok samar saong khang kajap dalam jaman birau - jaman pok drei patagok ngak brei cakrok kaya meda, khang kajap di bangsa.  Po Ine Negar ndem cambaic laic, ilamo meng kan  di 54 bangsa  lac drap ar biak praong pagap yau langik tasik, lac prein khang gireik biak kan si pagap hu piah khol drei dak padang sa Viet Nam khang kajap.

TPHCM birau peih bruk taom mbaok urang vakil lambaok dom bangsa takik harei kaok Thun birau. Di var taom mbaok, ong Mohammed Amine, bangsa Cam, klak rabha, hadah mbaok meta  ka bruk jum pataom di dom bangsa, tui nan khan brei cambaic laic ban raya hu kuhria sangka  jang ka bruk khik ramik saong patagok  ilamo meng kan di  dom bangsa. Dalam yavak langik la-ar lahei dom harei akok thun birau, ong Nguyễn Phước Lộc - Pho Bí thư Thành ủy, Akok Ủy ban MTTQ TP.HCM brei mboh bruk sangka biak ralo di urang jakar ngak praong di Ban raya ngan haong urang bangsa takik, dalam nan iek praong  bruk ngak di dom urang hu ngan je dalam bhap bini.

Mbiah tal ini, tinh Tien Giang hu taong abih 135 xã taduan hu angan xa palei pala birau, salah bruk ba tabiak di Thu tuong Rajaei ba tabiak, dalam nan hu 68 xã mek hu tanut chuan palei pala birau paglong, 14 xa mek hu tanut chuan palei pala birau kieu mau, mbluak siam jang bruk Thu tuong rajaei jao brei; 10/11 don vi pakat huyen taduan hu nagan chuan palei pala birau. Huyen Tân Phú Đông hu Hoi dong pasang iek Pakat negar pok tagok Thu tuong Rajaei brei tanut chuan palei pala birau. Tiền Giang kham merat tal puac thun padang ngak hu salah siam tinh Palei pala birau.

Labaih 3.700 urang ngak di tinh Binh Duong birau hu var payak mbang akaok thun bahrau biak bingi saong hadar dalam hatai. Melam 15/2, Kong ty TNHH Apparel Far Eastern Việt Nam hu peih var payak mbang praong piah uan raok taong abih urang ngak gilac veik mai ngak bruk  hadei padeih Tet Nguyen dan. Urang ngak praong di kong ti payua panuac dhar phol tal taong abih urang ngak kong ngak bruk ba sang mac Binh Duong  cakrok patagok ka 2 di bhum Đông Nam Á di Tập ndoan Far Eastern. Urang ngak praong kong ti pagol sanya dom bruk piah sang ka  hu siam jang ka raidiuk, jalan sahaneng di urang ngak kong.

30 anek saih hu mbaok tame pakacah Nam vương Yulit Dunya hu mai rivang palei lan am  Bàu Trúc meng kan di urang bangsa Cam, di ban sit Phước Dân, huyện Ninh Phước, tỉnh Ninh Thuận. Pak ini, dom anek saih hu pang yaih khan ka sajarah di palei ini, hu iek dom nghe nhan mbeik lan meng tangin, nao yeng lan saong hu ngak lan meng tangin drei…Tui Mban peih bruk pakacah Nam vương Yulit Dunya, bruk ngak mbang ini oh lac iek praong bruk siam gheih di dom urang bo daok  ndung bak makna biak praong  yaih khan bruk yulit  Viet Nam tabiak grauk labik di dunya.

          Thủ tướng Thái Lan Paetongtarn Shinawatra jia lac bruk sahaneng hadah krah ngan  haong kadha “ Enam taneh ia, sa labik padeih takai” meda daong pakhang labik dang di ASEAN yau sa pasak yulit tapa bruk ngak brei mbuan mbiah piah pachreih tuai damuai dunya saong dalam negar mai rivang ma-in. Bruk sahaneng hadah krah nan hu yaih khan saong peih praong pambuak yulit  di 6 taneh ia lac Brunei, Campuchia, Lào, Malaysia, Việt Nam saong Thái Lan. Tui muk Paetongtarn, lac dom labik pabah mbang hu makna praong dalam di bhum taneh, Thái Lan saong Malaysia hu labik dang akaok dalam bruk peih ngak tui jalan sahaneng hadah krah nan.

          Dom Akok Mentri Ngoại giao G7 dalam nan hu Canada, Pháp, Đức, Italy, Nhật Bản, Vương quốc Anh saong Mỹ, gam lambaok  pakat glong hu ginum biai gah langiu Nyaom biai An ninh Munich. Dom taneh ia di G7 brei thau kla makna praong  di bruk njauk hatai Ukraine jeng yau dom jalan pacang caga gah kinh te di Nga, dalam nan  kakeik drap ar saong pacang bruk pablei pandap tabiak negar langiu. Dom bruk kham merat  nan hu rik tame bruk samar padeih klaoh bruk mesuh metak di labik ini.

          Nyaom pataom flim Berlin mbang ka 75, lac sa dalam klau flim dunya praong abih di dunya hu peih pakak, tui kuhria dahlau brei peih ngak tal harei 25/2 anak mai. Thun ini, dom flim pakacah mek yai Pagau ameh jeng yau dom flim hu parang iek, yaih khan bruk pakacah flim praong mbang ini biak njauk hatai hu labaih 250 dom flim karei di gauk, dalam nan hu 19 mbo flim hu tame pakacah. Dalam dom urang di Mban taong yaom hu Phạm Băng Băng lac urang kumei angan dom flim negar Trung Quốc.