Po Negar Lương Cường saong Kapul urang lambaok vakil Quoc hoi labik 10, Kapul urang lambaok vakil Quoc hoi Ban raya Ho Chi Minh bahrau taom gaok cu tri di Pasak chinh tri xa Tân An Hội, Ban raya Ho Chi Minh anak mbang nyaom biai ka 10, Quoc hoi mbang XV. Hadei tuk pang sap ndom, panuac puac di cu tri, Po Negar hu pandar dom pakat uy, karja di Ban raya Ho Chi Minh sangka pato tacei, langyah dom asal kadha praong, hu makna bo cu tri biak sangka, hu panuac ndom tagok, dalam nan hu dom gah yau ye jalan mbak, ha tang ban medin, pato megru, y te, langik tasik; gam haong nan jhul tagok pasiam bruk karja, paglaong siam lagaih bruk karja 2 pakat.

Hadei tamat Nyaom roya Dang bo tinh Dak Lak mbang I, vaktu 2025 -2030, Bi thu Tinh uy Dak Lak Nguyễn Đình Trung mboh lac, dalam Dang bo meda tame peih ngak Sarak, pataom tame 8 nyaom bruk ngak saong 3 bruk cak rok patagok. Dom nyaom bruk ngak nan  brei pataom tame padang Dang, padang Karja, padang he thong chinh tri, taong abih brei khang kajap. Brei mboh bruk padang ngak jalan mbak, yulit, dom khu, cum yulit piah jhul pakhang bruk ngak mbang patagok kinh te - xa hoi saong ilamo. 3 bruk ngak brei patagok khang pataom tame urang ngak bruk, njauk ndem tal manuac ngak bruk ilamo glong.

Bo Tu lenh Bhum Canh sat tasik 3 pambuak haong Mban Tuyen giao saong Dan van Tinh uy Vinh Long, Balai Bien phong Mỹ Long bahrau peih tabiak danak dak “Canh sat tasik daong urang nao gilai”. Dalam danak dak, urang jakar, bol lin hu pathau khan tapak ka hukum ka tasik, kaoh pulao ka mikva urang nao gilai. Gam haong nan Bo Tu lenh Bhum Canh sat tasik 3 hu jao alin 500 hala dok Taneh ia negar, 50 paok kaya alin dalam nan hu: ao phao, kadung jru y te, gom pin saong kaya njauk hu ka urang nao gilai.

Anak bruk kan kandah kayua “pakat the kanjik” di Uy chau Au ngan haong kaya dalam ia di Viet Nam, tinh Ca Mau caong khin taong abih po kapal gilai brei sanya oh tabiak nao ngak mbang di tathik tuk oh ka ginup harak gal. Tinh pasang duah ngak catang dom gilai  nan, taong abih harak gal ho so tui taka so, pabak ka kapol pasang duah EC. Tinh jeng pataom tame langyah catang dom gilai klaik klaoh oh pambuak hu, padam mac jamraih atau oh khin pagam pambuak.

Ia sua di akaok kraong Cuu Long mbuan ba tal bruk ia sua praong abih dalam thun di 8-13/10 anak tal. Tui dom jabat kuhria kraong ribaong, bruk kan kandah di ia sua pambuak haong ia ndik lac biak praong, rilo ar pacang piah pacang khik bilan padai Thu Đông di bhum taneran kraong Cuu Long jeng mbuan gaok kan kandah kayua taneh dhaong biar, labik tapen kraong, tapen tasik mbuan rah tabiak bruk dauk ia trak. Kayua nan dom bhum palei brei caga saong ngak dom jalan pacang caga haong dom kanjah jhakl kayua hajan.

Thai Lan birau khan brei thau bruk ngak kinh te birau piah jhul pakhang yulit di dom ban ve tinh. Tui nan, bhap bini brei bayar veik jien je dua mbang ka dom jien car pandar dalam brui sirah rivang di dom bhum palei ini, jien glong abih lac 40.000 baht, sumu labaih 1.200 USD. Rajaei Thai Lan ba tabiak bruk praong “ Pachreih katut panak, Kein laba suai atah, Parabha phun jien rilo gah” ka dom baoh sang, kham ngak hu siam cambaic laic dalam 4 bilan akaok vaktu ngak bruk.

Dom ia kraong la-an jeng patau ia khan di Thuy Si hu tabiak ia rilo abih kuhria dalam 12 bilan tapa, kuhria mboh bruk patrun the tich ia patau praong ka pak dalam meng nan ini mai. Tui Uy mban Pasang iek Alam langik Thuy Si, sa bilan li-an takik tuyet, abih di nyu nan lac di gah pur barak talei ceik Alps Thuy Si, patui veik lac dom mbang pandiak bhang di bilan 6, hu ngak ka dom ia kraong patau lahik 3% di taong abih ia patau. Urak ini dom kraong ia patau pataom gilac daong ngak karo kajap dom baoh ceik, bruk ini meda ngak jeng dom mbang jaleih patau ceik saong ia patau.

Sa Kong ty ngak alak vang di Australia ngak iek alak vang dalam kalaok ngak meng nhom piah takik tathuak athak nerak dalam tuk ngak alak jeng yau pajeng ba alak. Tui kuhria, sa pallet alak vang kalok thuy tinh trak labaih 400kilo, yau nan ye bruk pajeng ba jeng khat abih rilo jien jang. Yau nan ye piah takik tathuak athak carbon saong trun takik jien abih tamer ngak, kong ty ni ngak iek bruk tame alak vang kalaok nhom./.