Di mbang nyaom ka 10, Quoc hoi mbang XV, puac sarak  pataom iek veik bruk ngak vaktu meng thun 2021 -2026 di Rajaei, Pho thu tuong thuong truc Nguyễn Hòa Bình khan lac, 5 thun tapa, hu 10 bruk praong siam dalam bruk ngak kinh te, ilamo, xa hoi, alam moi truong, quoc phong, an ninh, pambuak talei rohim. Dalam nan, ngak randap sumu, pacang hu jit ruak COVID-19; bayar 1,1 trieu ti dong ka bruk daong raidiuk tani tanat, ngak brei labaih 334.000 baoh sang abih taik tahak atau ia arah; mbaoh harak danak dak saong jhul pakhang bruk padang ngak sang daok ka rahra…Tal puac thun ini, Viet Nam  ngak hu 3.245 km jalan peih drah samar saong 1.711km jalan tapen tathik. Bruk pato megru saong y te hu salih birau mboh di meta. Bruk urang naih joi tagok 18 mbang, brei mboh bruk siam mekre saong patagok di taneh ia.

Mban Khik iek danak dak padang ngak danak dak Ngak nong saong Patagok palei pala tinh Dong Thap brei padang taneh ngak brong pabah kraong Trà Tân saong pabah kraong  26- 3 di Danak dak buh jien padang ngak brong pacang ia mbak, phun jien abih labaih 131 ti dong. Danak dak ngak salah blaoh rik tame brei pacang hu ia mbak, khik ia taba, pacang ia ndik vin taom dar, lagaih haong bruk langik salih karei, khik caga hu bruk ngak mbang pala drak saong ia pandar ka bhap bini. Abih di nyu nan lac, brong ia Trà Tân  saong brong ia 26-3 brei pacang hu ia mbak, khik ia taba piah pala drak di labik ini.

Meng 31/10 mbiah tal 4/11 anak tal, Harei kaya mbang laba thun 2025 peih tabiak di Bein bingu Bình Phú,  phường Bình Phú, TP.HCM brei padang praong prang hu 200 pandap mbang ngak meng caraih sen. Ngan haong kadha “ Bingi pahe, siam meng dalam baoh hatai tabiak”, harei kaya mbang pataom hu 250 labik parang pablei pandap mbang saong buffet kaya mbang laba hu 100 janih kaya di klau bhum Barak - Kreih negar - Meraong. Dalam dom harei roya meda peih ngak danak dak “Harei roya anit ranam” alin 1.000 var mbang laba ka uranaih kan kandah.

Sa gilang pandap praong khik jaik 26 ribau kaya ( menyek pahe, jru ngak mekre…) medil lac ngak ja, blei meng negar langiu tame birau  hu gah chuc nang tinh Tay Ninh hu duah mboh sa baoh sang di xa Thủ Thừa. Taong abih dom pandap nan yau daok tamo, oh ka pandar. Rilo ndap hu angan di labik praong hu khik iek di Viet Nam, vak huroh meng Thai Lan,  Campuchia saong Trung Quốc. Jabat chuc nang  daok pambuak dom urang lambaok dom angan pandap ngakja piah ngak brei cambaic laic bruk ngak suan hukum.

Rayo Khi tuong Thuy van Tay Ninh birau khan samar ka bruk ia ndik di dom kraong daok tagok samar, rilo labik tagok pakat  III, khan ka bruk mbuan ia dauk saong glut jaleih. Dalam dom harei anak tal, ia ribuk di balai ia Bến Lức (kraong Vàm Cỏ Đông) hu kuhria tagok tal 160cm di harei 23/10. Di balai Gò Dầu Hạ, ia ndik tagok tal 200cm di harei 24/10. Mbuan ba tal glut jaleih dom ar kraong ribaong Vàm Cỏ Đông, Vàm Cỏ Tây saong ribong Bến Đá di dom xã Gò Dầu, Trảng Bàng, Cần Đước, Cần Giuộc...Dom xã gah barak di tinh hu khan ka bruk talah ar kraong ribong.

Yaok ribau bhap bini Hàn Quốc tal Campuchia min oh gilac veik mai negar yaok thun. Bruk nan meda urang tame ngak bruk pachot pagat di Campuchia meda glong jang bruk kuhria di Rajaei taneh ia ini lac labaih 1.000 urang atau ha-oh. Tui kuhria di Jabat Di trú Campuchia brei mboh di labaih 192 ribau bhap bini Hàn Quốc  hu tame dalam negar ini meng thun 2024 - glong 2 mbang  dut saong 100.820 urang tabiak truh Han Quoc sa thun haong gauk tui kuhria mboh di karja Seoul.

Anh daok dang anak chau Au ka bruk lahik phino tangin, bruk co klaik tagok 4 mbang  hadei 5 thun. Kuhria mboh dom kapol nyaom co blah phone ba mai labaih 50  trieu Bang ka dom kapol nyaom duis hu peih tabiak. Canh sat Anh khan lac ban ine London kuhria mboh 80.000 baoh phone tangin  njuak co klaik dalam thun 2024. Yau nan min, tui kuhria di dom  gah langiu rajaei tacei tabiak mboh tagok rilo jang 2 mbang - sumu labaih 5 minit hu sa mbang co blah phone tangin.

Tong thong My Donald Trump khan lac brei padeih dom paok jien daong ka Colombia, kayua ndem puac lac taneh ia Nam Mỹ ini pacang padauk bruk ngak matuy praong. Colombia urak ini jien je  labaih 10% ngan haong ralo janih ndap nda pablei tabiak negar Mỹ. Yau nan min, ong Trump khan lac “tagok rilo” jien je ini di harei 21/10. Bilan dahlau, Mỹ mek veik harak taduan Colombia lac bruk pacang caga matuy saong atah klak  harak thi thuc di Tong thong Gustavo Petro hadei  tuk ong nao rik daong Palestine di New York./.