Harei kabroi, di TPHCM, Ndang uy, Bo tu lenh Quan khu 7 peih bruk taom mbaok labaih 650 urang vakil rajakar pakat glong bol lin padeih hưu, padeih ngak bruk di Quan khu. Trung tuong Nguyễn Trường Thắng, Uy vien Trung ương Ndang, Tu lenh Quan khu 7  dang akaok var taom mbaok. Thun 2024, Quan khu 7 peih ngak 46 danak dak, kuhria abih jien buh tame ngak jaik 4.000 ti dong. Quan khu 7 saong dom  bhum palei padang ngak, ba tame jao brei pandar 722 baoh sang di 58 labik daok di bhap bini tapen negar; padang ngak sang alin ka urang dalam sarak karja, bhap bini bangsa takik, agama 511 baoh sang anit ranam bhap bini, sang jum pataom saong 30 danak dak ilamo, padhih pahat rup pabhap dalam dom labik agama, bhum bhap bini bangsa takik…

          Phaok akaok UB bhap bini tinh Dong Thap ong Huỳnh Minh Tuấn khan brei thau, thun ini, gah ngak kaya ikan pra di tinh paglong asar, yaom kaya pandap saong ngak tabiak pandap khang kajap, kham merat taong abih labik raong ikan hu brei taka so tui bruk ba tabiak; taong abih labik raong ikan pra pablei brei hu harak gal  ginup  bruk ngak tabiak atau mbaoh tangin sanya ngak tabiak…Tỉnh patagok taneh raong ikan pra thun ini lac 2.450 ha, ngak tabiak 555.000 tấn, kuhria sumu yaom labaih 9.000 ti dong. Yaom pablei ikan pra labaih 980 trieu USD.

          Di 13 xa tapen negar di 4 huyen Đăk Glei, Ngọc Hồi, Sa Thầy saong Ia H’Drai di tỉnh Kon Tum hu 145 baoh sang taik tahak di bhap bini padang sang birau saong pasiam veik. Đại tá Lê Minh Chính, Bí thư Đảng uỷ, Chính uỷ Bộ đội Biên phòng tỉnh Kon Tum khan brei thau, gam jien karja daong 60 trieu dong sa baoh sang padang ngak birau saong 30 trieu dong sa baoh sang ramik pasiam veik sang klak, bien phong Kon Tum daok kham merat  jak ba rilo gah daong jien saong harei prein ngak bruk tame piah bhap bini padang hu dom baoh sang praong laneing lanoi, khang kajap jang tapen negar.

Huyen Vĩnh Hưng, tỉnh Long An birau peih tal pato sap Khmer ka urang jakar kong chuc, vien chuc daong khik ramik saong patagok ilamo Khmer Nam Bo. Ong Nguyễn Văn Tuấn, Pho Akok UBND huyện Vĩnh Hưng khan lac: Bruk bac saong pato sap Khmer oh lac khik ramik drap ar ilamo di labik ini bo daok pambuak talei rohim jum pataom khang kajap di dom bangsa takik, ini lac bruk lagaih piah ka dom urang bac oh tok pabak ilamo thau rilo panuac ndem meyai bo daok hu thau dalam jang ka ilamo, rik tame padang ngak sa bhap bini bac megru  anit ranam saong pambuak kajap.

          So Pato megru tinh Binh Thuan khan lac, dom janih mon bac: Lịch sử, Địa lý saong Sap Anh lac janih pakacah ka 3 dalam pakacah palih ruah anek saih tame tal bac 10 THPT di karja thun bac 2025-2026 di tinh. Mbang pakacah thun ini, dom adei anek saih pakacah tame tal 10 Sang bac pho thong bangsa gam bac gam daok pakat tinh meda palih ruah ka drei janih pakacah ka 3 lac Sajarah atau Địa lý. Daok dom adei pakacah tame tal bac 10 di karja THPT chuyen saong oh chuyen, janih pakacah ka 3 lac sap Anh.  

Labaih 2.000 urang negar langiu lac njauk urang pachot pagat tame tong ndai di  Myawaddy, Myanmar jaik nao tal huyen huyện Mae Sot di tinh Tak negar Thai Lan. Dua gah njauk gauk Thái Lan urak ini taduan hu jaik 500 urang  mai negar drei veik  yaok harei, min dom urang nan meda hu pabak ramik veik meyah njauk bruk. Dom urang hu ba tal Thai Lan  hu brei dut iek prein yawa dahlau tuk tame negar baha Ameh. Dom urang nan hu brei dut iek sinh trac saong harak gal piah thau mai meng negar halei.

Kayua yava langik la-ar ralo, tuyet laik kapal meda rah tabiak di dom ;labik gah barak saong gah pei Nhat Ban – Japon, abih di nyu lac di dom labik daok tapen ar tasik Nhat Ban. Jabat Khi tuong Nhat Ban khan kakei dahlau brei khik caga hu salamat siam ka bhap bini rahra. Tui kuhria meng harei 19/2 tal anak, di dom labik  tapen tasik gah Barak tal gah Pei Nhat Ban tuyet laik kapan tal 60 cm.

Jabat khik piah du lieu di Han Quoc harei ini khan lac brei padeih dom mbang birau tavak trun ung dung Trí tuệ nhân tạo (AI) yaom lap DeepSeek di Trung Quoc, hadei ung dung nan taduan lac oh kuhria dom jalan ba tabiak ka bruk khik piah khaw tin angan je di urang pandar. Adit dahlau, Kong ti khoi nghiep Trí tuệ nhân tạo di Trung Quoc DeepSeek tacei tabiak urang lambaok hukum di Han Quoc brei thau lac klak tapa dom bruk khik caga du lieu di taneh ia ini./.